Qurban bayramının hökümlərindən yazın?


Qurban bayramının hökümlərindən yazın? Qurban bayramı ərəfəsindəyik. İslam dünyasının ən müqəddəs bayramlarından sayılan Qurban bayramının təqribən 3000 ildən çox tarixi vardır.Həzrəti İbrahim Peyğəmbərin (s) öz oğlu İsmayılı Allah yolunda qurban kəsmək niyyətini bildirən hadisə ilə əlaqələndirilir. Allah öz sevimlisi İbrahim Peyğəmbərin sadiqliyini sınamaq üçün ondan yeganə oğlu İsmayılı qurban kəsməyi tələb edir. Həzrəti İbrahim Peyğəmbər tərəddüd etmədən bu tələbi yerinə yetrərkən Allahın göndərdiyi mələk Cəbrail göydən yerə enərək onun əlini saxlayır. Mələk Allahın ondan razı qaldığını bildirir və İsmayılın əvəzinə Tanrının göndərdiyi qoyunu kəsməyi təklif edir. Din tarixində dərin iz salmış bu hadisə Allahın inamın, dərin etiqadın nümunəsidir. Həmin vaxtdan müsəlmanlar hər il ev heyvanlarından birini Allah yolunda kəsib, ona öz itaətkarlıqlarını bildirirlər. A) Kəsilən heyvanın şərtləri: 1) Əgər kəsilən qurbanlıq qoyundursa yeddi aylıqdan yuxarı, inəkdirsə bir ili tamamlayıb ikinci ilə daxil olmuş olsun. 2) Qurbanlıq heyvan nöqsansız və sağlam olsun. 3) Arıq olmasın.
B) Heyvanın başının kəsilməsində yeddi şərt vardır: 1) Kəsən şəxs müsəlman, 2) Heyvanın başını kəsən kəsici alət dəmirdən olmalıdır. 3) Heyvan üzü qibləyə, 4) Heyvanın başını kəsəndə “Bismillah” yaxud “Allahu Əkbər” desə kifayətdir. 5) Heyvan başı kəsiləndən sonra can vermiş olsun. 6) Heyvanın başı kəsiləndən sonra məmuli qayda da qan axmış olsun. 7) Boğazın kəsilməsi kəsmək qəsdi ilə olmalıdır.


Paltaryuyan maşın paltarı pak edərmi?


Paltaryuyan maşın paltarı pak edərmi?Cavab 1: Əgər eyni-nəcasət aradan getdikdən sonra kür suya bağlı olan paltaryuyan maşındakı paltarın hər yerinə bu su çatsa və su maşının içini tamamilə əhatə etsə, bu paltarlar pak olar. Eyni şəkildə az su ilə maşın paltarları 2 dəfə yuyarsa, pak olar. Ayətullahul-uzma Seyid Əli Xameneyinin dəftərxanası
Cavab 2: Paltarları bir neçə dəfə yuyub suyunu sıxan avtomat paltaryuyan maşınlar vasitəsilə yuyulan paltarlar pakdır. İstər paltarları yuyarkən borulardan gələn suya birləşmiş olsun, istər su kəsiləndən sonra yumağa başlasın. Ayətullahul-uzma Şeyx Məkarim Şirazinin dəftərxanası


Şərabla murdarlanmış qabı neçə dəfə yumaq lazımdır ki, şəri olaraq pak sayılsın?


Şərabla murdarlanmış qabı neçə dəfə yumaq lazımdır ki, şəri olaraq pak sayılsın? Cavab 1: Az su ilə yuyulsa, 3 dəfə yuyulsa, pak olar. 7 dəfə yuyulması daha yaxşıdır. Kürr yaxud axar suda yuyulan nəcis qabın 1 dəfə yuyulma ilə pak olması, üstün nəzər olsa da 3 dəfə yuyulması ehtiyata uyğundur.
Cavab 2: Şərabla nəcis olmuş qab gərək 3 dəfə yuyulsun. Bu hökmdə az su, kürr və axar su arasında fərq yoxdur. Müstəhəbb ehtiyat budur ki, 7 dəfə yuyulsun.


Halali harama qarışan maqağalarda işləməyin hökmü necədir?


Halali harama qarışan maqağalarda işləməyin hökmü necədir? Bir kafe var ki, orada hem yemək həmdə haram içkilər verilir. Mən orda işləsəm və əgər içki istəyənə içki verməsəm, sadəcə yemək versəm, budan aldığım əmək haqqı halal sayılırmı?
Cavab: Sualda qeyd olunan halda, orada işləməyə və bunun əvəzində maaş almağa icazə yoxdur. (Ayətullahul-uzma Seyid Əli Xameneyinin dəftərxanası)


İnsanın günah və şəhvətli fikirləri zehnindən keçirməsi günahdırmı?


Cavab: Sırf günah düşünmək, günah sayılmır, lakin ehtirasını oyadarsa icazə yoxdur. (Ayətullahul-uzma Seyid Əli Xameneyinin dəftərxanası)


Kafir (və ya qeyri-müsəlman) ölkələrin seçkilərində iştirak etmək müsəlmanlar üçün caizdirmi?


Kafir (və ya qeyri-müsəlman) ölkələrin seçkilərində iştirak etmək müsəlmanlar üçün caizdirmi? Qanuni olan ictimai və siyasi vəzifələri yerinə yetirmək üçün seçilən millət vəkillərinə səs verməyin eybi yoxdur. Bu namizədin müsəlman və ya qeyri-müsəlman olmasının fərqi yoxdur. (Ayətullahul-uzma Seyid Əli Xameneyinin dəftərxanası)


Şərab kimi Haram əşyaları satan super marketlərdə işləməyin hökmü nədir?


Şərab kimi Haram əşyaları satan super marketlərdə işləməyin hökmü nədir? Rəhbər bu suala ki, donuz əti konserva fabrikində və gecə klublarında və fəsad mərkəzlərində işləmək və ondan gələn gəlirin hökmü barədə suala cavabında buyurmuşlar: Donuz əti konserva fabrikində və gecə klublarında və fəsad mərkəzlərində və bu kimi Haram işlərdə işləmək cayiz deyildir. (İcazə verilmir) və onlardan gələn gəlir haramdır və insan o işlərin qarşılığında aldığı maaşın maliki hesab edilmir. ...


Qadınlar cümə namazına getməlidirmi?


Qadınlar cümə namazına getməlidirmi? Cümə surəsinin 9-10-cu ayələrində deyilir: “Ey iman gətirənlər! Cümə günü namaza çağıran azan oxunan zaman, Allahı anmağa tələsin, alış-veriş işlərini qoyun bir yana. Bunun sizə xeyrini bilsəydiniz. Elə ki, bitirdiniz namazı, dağılışın yer üzünə. Allahın lütfündən pay diləyin. Allahı çox anın ki, bəlkə uğura uğrayasız”. Göründüyü kimi, xitab kişilərə yox, bütün möminlərədir. Qadınların bu namazda iştirakını çətinləşdirən üzrlü səbəblər ola bilər. Amma qadınların cümə namazına getməməsini prinsip halına gətirmək yanlışdır.


Fitr bayramının əməlləri nələrdir?


Fitr bayramının əməlləri nələrdir? Fitr bayramı İslam bayramlarının ən böyük günlərindən biri kimi qəbul olunur. Dəyərli günlərdə bəzi əməllərin edilməsinə din təlimlərində təkid olunur. O cümlərdən fitr bayramının bir sıra əməlləri vardır. Ibarətdirlər: 1-Bayram qüslü etmək, 2-Təzə paltar geyinmək, 3-ətir vurmaq, 4-İmam Huseynin (ə) ziyarət duasını oxumaq. 5-Namazdan öncə iftar niyyəti ilə süfrə açıq bayram keçirmək, 6-Fitrə zəkatını çıxmaq, namaz qılan öncə, namazı qılmayan zöhr azanına qədər. 7-Fitr bayramının çox fəzilət və savabı olan namazını qılmaq,


Fitr bayramı namazının qəzası varmı?


Fitr bayramı namazının qəzası varmı? Fitr bayramı namazını qılmayan şəxsin öhdəsinə vacib namazlar kimi fitr namazı qəza gəlmir.


© Gürcüstan - İslami Təhqiqat qrupu 2012 . Flag Counter