Orucun düz olmasının şərtləri nələrdir?
Orucun düz olmasının şərtləri:
1-İslam - yəni oruc tutan şəxs kəlmeyi şəhadətini deməlidir, 2-iman - yəni orucun Allah tərəfindən yazılışına inanmalıdır, yalnız faydalarına görə oruc tutmaq düzgün deyildir, 3-Əql - yəni bilə ki nə edir və kimin üçün oruc tutur, 4-Bihuş halda olmamaq, Oruc tutan şəxs bihuş olduğu zaman orucu pozular, 5-Müsafir olmamaq, yəni misal üçün bir nəfər səhərdən oruc niyyətlənibsə gün ərzində gunorta namazına qədər vətənindən şəri məsafədə səfərə getsə və gunortaya qədər vətəninə qayıda bilməsə orucu batil olar. (əgər səfəri işi olmasa ...) 6-Qadının nifas və heyz halında olması, Əgər bir xanım oruc tuta hətta iftara 1 saat qalmış bu qüsullardan biri onda görsənsə orucu batil olar. 7-Orucun zərəri olmasın, oruc tutan şəxs gün ərzində yəqin edə ki orucu davam etməsi ona zərər yetirir orucu atması vacibdir. 8-Niyyət, niyyət etməmiş və ya oruc niyyətindən dönən şəxsin orucu batil olar, amma həmin gün orucu batil edən işləri görməsinə icazə yoxdur. 9-Orucu batil edən işlərdən çəkinmək, - yəni orucu batil edən 9 şeydən birini gün ərzində oruc tutan şəxs etsə orucu batil olar, 10-Müstəhəb oruc tutmaq istəyən şəxsin boynunda vacib orucu olmasın, misal üçün qəzası olan şəxsə müstəhəb oruc tutmağa icazə verilmir. Əksinə qəza namazı olan şəxsə müstəhəb namaz qılmaq olar.
Orucun vacib olma şərtləri nələrdir?
Orucun vacib olma şərtləri səkkizdir:
1-Həddi büluğa çatmaq, - yəni uşağa oruc vacib deyil, 2-Aqil olmaq (yəni dəliyə oruc vacib deyil. 3-Oruc tutmağa qadir olmaq, (xəstə olana oruc vacib deyil misal üçün mədə yarası olan və ya şəkər xəstəsi olana oruc tutmaq vacib deyildən əlavə tutan şəxs günah da olar) 4-Ayıqlıqda olmaq, -yəni huşsuz olan şəxsi qidalandırmamaq düzgün deyil). 5-Müsafir olmamaq, -yəni öz vətənindən 8 fərsəx - get-gəli 45 kilmetrdən çox olan şəxsə oruc tutmaq qadağandır. Bu haqda təfərrüatlı hökmlər var müctehidlərin risalələriə müraciə etmək məsləhətlidir) 6-Qadının heyz və nifas halında olmaması, - yəni qadınlara aid üç növ qüsl var istihazə, nifas və heyz, istihazə halında olan qadına oruc tutmağa icazə verilir. Amma heyz və nifaslı qadına oruc tutmaq haramdır. 7-Orucun zərəri olmasın. Yəni əgər bir şəxs həkimin deməsi və ya özünün yəqin etməsi ilə ki bilə oruc tutması onun üçün zərərlidir bu halda oruc tutmasına icazə verilmir. 8-Oruc insanı məşəqqətə salmasın. Yəni bir nəfər əgər oruc tutan halda görə vəziyyəti o həddə pisdir ki davam etsə bədəninə ziyan yetirər onda açmasına icazə verilir.
Orucu batil edən 9 əməllər haqda yazın?
Orucu batil edən 9 əməl:
1. YEYİB_İÇMƏK- Miqdarından asılı olmayaraq orucluq vaxtı bilərəkdən yeyilən və ya içilən hər şey orucu pozur. Unutqanlıq üzündən olduqda oruc pozulmur.
2. CİNSU YAXINLIQ -Oruc tutulan müddətdə sübh namazından şam namazına qədər cinsi yaxınlıqda olmaq olmaz. 3. İSTİMNA - ONANİZM (spermanın xaric olması) yəni özünü cənabətli etmək, 4. Allaha, Peyğəmbər və İmamlara YALAN nisbət vermək, 5. TOZUN BOĞAZDAN KEÇMƏSİ -İstər halal, istərsə də haram olsun, qatı toz halında olan tüstünün boğazdan keçməsi orucu pozur. 6. BAŞI BÜTÜNLÜKLƏ SUYA SALMAQ- Orucluq vaxtı hamamda, dənizdə, hovuzda çimərkən başı suya salmaq orucu batil edir. yuxarıdan aşağı su axıtmaq orucu batil etməz. 7. İMALƏ- Müalicə məqsədilə olsa belə, orucluq vaxtı imalı etmək orucu pozur. 8. CÜNUB HALINDAN SÜBH NAMAZINA QƏDƏR QALMAQ. Sələnkarlıq üzündən və ya bilərəkdən bu vəziyyətdə qalmaq orucu pozmuş olur. [left][/left]9. QUSMA bilərəkdən olarsa, Qeyri-ixtiyari və unutqanlıq üsündən qusduqda isə oruc pozulmur.
Oruclu halda başı suya batırmağın hökmləri haqda yazın?
Oruc tutan halda Başı suya batırmaq
1. Əgər oruc tutmuş şəxs bilərəkdən başını tam suya batırsa vacib ehtiyata əsasən orucu batil və qəza olunmalıdır, 2. Başı suya batıran zaman bədənin suda olub-olmamasının məsələyə təsiri yoxdur, 3. Başın bir hissəsini suya batırıb çıxarıb, sonra o biri hissəsini batırıb çıxarsa oruc batil olmaz. 4. Əgər başı suya batırsa, amma tüklərindən bir hissəsi sudan bayırda qalsa oruc batil olmaz. 5. İnsan şübhə etsə ki, başı tam suya batıb yoxsa batmayıb, orucu düzgündür. 6. Əgər oruc tutan şəxs bilmədən suya düşsə və başı tam suya batsa, orucu batil olmaz. Amma dərhal başını sudan çıxarmalıdır. 7. Bir şəxs üzgüçülük libası geyinsə, suya girəndə bədəni islanmasa, bu libas başına möhkəm yapışsa, orucunun düzgünlüyü iradlıdır, qəza tutmalıdır, 8. Qabdan başa su tökmək orucu pozmur.
Oruclu halda Yemək və içməyin hökmlərindən yazın?
Yemək və içmək
1. İnsan bilərəkdən, agahlıqla bir şey yesə və ya içsə onun orucu batil olar, istər halal və ya haram bir şey yesin və ya içsin, 2. İnsan dişlərinin arasında qalmış bir şeyi oruc olduğu zaman bilərəkdən udsa orucu batildir. 3. İnsan bilmədən bir şey yesə və ya içsə orucu batil olmaz. 4. Ağız suyunu udmaq orucu batil etmir. 5. Vacib ehtiyat budur ki, oruc tutan şəxs gücləndirici ampulların ineksiyasından (iynə vurdurmaqdan) çəkinsin. 6. Vacib ehtiyat budur ki, oruc tutan şəxs burun yolu və dilin altı ilə qəbul olunan narkotik maddələrdən (o cümlədən dərmanların maddələrində olanları qəbulu) çəkinsin. 7. Əgər yemək yediyi zaman başa düşsə ki, artıq sübh olub, ağzındakı tikəni çıxarmalıdır. 8. Baş və sinədən gələn bəlğəm, qatı maye nə qədər ki ağıza çatmayıb orucu batil etməz. Amma ağıza daxil olsa vacib ehtiyat budur ki, tüpürülsün. 9. Qan təzyiqinə qarşı həb qəbul etmək vacibdirsə oruc tutan şəxs həb qəbul edə bilər. Amma bu dərman orucu batil edir. Müalicə məqsədi ilə həb atmaq da yemək sayılır. 10. Damağdan gələn qan nə qədər ki udulmayıb orucu batil etməz. Əgər ağız suyuna qarışıb itsə onu udmağın eybi yoxdur.
Orucluqda cənabət, heyz və nifas halında sübh azanına qədər qalmağın hökmləri.
Cənabət, heyz və nifas halında sübh azanına qədər qalmaq
1. Bir şəxs ramazan gecəsi cünub olsa sübh azanından qabaq qüsl verməlidir, əks halda orucu batildir. 2. Cənabətli şəxs ramazan ayı günlərində qüsl verməyi fəcr tülusuna qədər yaddan çıxarsa, cünub halda səhəri açsa orucu batildir. 3. Bir şəxs cünub olmağın orucu batil etdiyini bilmədiyindən bir neçə gün bu halda oruc tutsa tutduğu oruclar batil və qəzası vacibdir. 4. Əgər bir şəxs mübarək ramazan ayında murdar su ilə qüsl versə, bir neçə gün sonra həmin suyun murdar olduğunu bilsə, tutduğu oruclar düzgündür. 5. Bir şəxs ramazan ayında gecə qüsl verməyə vəzifəlidirsə, vaxt dar olduğundan və ya su ona zərər etdiyindən qüsl verə bilməsə qüsl əvəzinə təyəmmüm etməlidir. 6. Oruc halda yuxuda cünub olsa, orucu pozulmaz. 7. Bir şəxs oyaq halda cünub olsa, ya yuxuda cünub olduqdan sonra oyansa, yatsa sübh azanına qədər oyanıb qüsl üçün oyana bilməyəcəyini bilsə, qüsl verməmişdən qabaq yata bilməz. 8. Əgər qadın aylıq adətdən və doğuş qanından pak olubsa qüsl verməli, əgər sübh azanına qədər ramazan ayında qüsulü təxirə salsa orucu batildir. 9. Oruc tutmuş qadın gündüz vaxtı özündə heyz və ya nifas qanı görsə orucu batil olar. Qüruba az qalsa da orucu batildir.
Orucun hökmlərindən 8 məsələ:
Orucun hökmlərindən 8 məsələ:
1- Orucun vacib olmasının birinci şərti həddi büluğa çatmaqdır, Sırf zəiflik üzündən bir nəfər tuta bilməsə onun qəzası boynunda qalır, 2-Yenicə həddi buluğa çatmış qızların həddi buluğ yaşı 9 yaş hicri qəməri tarixi ilə hesablanır, oruc vacib olan halda o günü oruc tutacaq, Amma orucu tutmaq gündüzlər onlara zərər yеtirsə və ya dözülməz vəziyyət yaratsa, onda onlara oruc açmağa icazə vеrilir. 3-Orucun nə zaman vacib olduğunu bilməyən şəxs elə həddi buluğ yaşından qəzasını tutmalıdır. 4-Zərər qorxusu gümanı ilə oruc tutmayan və ya orucunu pozan şəxsə fərz olunan halda ona qəzadan əlavə kəffarə də vacib olar. 5- Səfərə gеtmək üzrü ilə ramazan ayının orucunu tutmayan və üzrü növbəti ramazan ayına qədər davam еdən şəxsə təkcə qəza vacibdir və fidyə lazım dеyildir. 6-Oruclu halda irtimasi qüsl onun oruc olmasını unutması və yaddan çıxarması ucbatından olsa, onda oruc və qüslü düzgündür və orucunun qəzası vacib dеyildir. 7-Qadın xəstəlikləri oruc saatlarının hansı vaxtında olsa oruc batil olur. 8-Vacib oruc qəzası olan şəxsə müstəhəb oruc tutmağa icazə verilmir.
Inanclı bir xanım içki içən bir bəylə ailə həyatı qura bilər?
Əgər həmin şəxs müslmandırsa, şəri baxımdan bəli, ailə qura bilər. Lakin məsələnin əxlaqi və psixoloji tərəfləri də vardır. İnanclı və möminə bir xanım gələcək həyatında onun içki içməsinin böyük sıxıntılar törədəcəyini də bilməlidir. Əgər onu haqq yola qaytaracağına ərinin pis vərdişlərdən uzaqlaşdıra biləcək qüdrətə malik olduğunu əmindirsə, bunun eybi yoxdur. Quran məhz ona görə buyurur ki, mömin kişilər möminə xanımlarla, möminə xanmlar isə mömin kişilərlə evlənsinlər.
Qumar oynamayan şəxs qumar məclislərində otura bilərmi?
Ənam, 68-ci ayə: «Ayələrimizə istehza edənləri gördüyün zaman onlar söhbəti dəyişənə qədər onlardan üz çevir. Əgər şeytan bunu sənə unutdursa, xatırlayandan sonra o zalım tayfa ilə oturma». Uyğun əmrə itaət etməyənlərə xəbərdarlıq olunur: «Belə məclislərdə iştirak etsəniz, siz də onların tayı olacaq, onların aqibəti ilə rastlaşacaqsınız» Nisa» surəsi, ayə 140. Peyğəmbər (s) buyurur: Fasiqlərlə ünsiyyətdə olmaq pislik ardınca pislik gətirir.
Ayə və hədislərdən aşağıdakı nəticələr çıxır: 1. Günah məclisində iştirak, günahda iştirak kimidir; 2. Belə məclisdə iştirak edən şəxs, ya günahın qarşısını almalı, ya da həmin məclisi tərk etməlidir; 3. Belə məclislərdə sakit oturanın cəzası, günahkarların cəzası qədərdir; 4. Günaha yol verilməyən məclislərdə kafirlərlə oturmaq olar; 5. Günahkarlarla mehriban münasibət nifaq nişanəsidir. Çünki həqiqi müsəlman, ilahi hədlərin pozulduğu mühitdə rahat dayana bilməz.
Qalstukdan və Qərb mədəniyyətini təbliğ edən paltarlardan istifadə etməyin hökmü nədir?
Qalstuk haqda Ayətullah Xamenei və Sistani həzrətlərinin fetvaları:
1-Qalstuk və sair qeyri-müsəlmanların şüarı sayılan və alçaq qərb mədəniyyətinin yayılmasına səbəb olan geyimlərdən istifadə etmək caiz deyil. Ayətullahul-uzma Seyid Əli Xameneyinin dəftərxanası
2- Haram olmasına səbəb olan ikinci (sanəvi) ünvan ona şamil olmazsa, eybi yoxdur. \"Ayətullahul-uzma Seyid Əli Sistani, \"İstiftaat\",məs.1471\".