İnsanın ixtiyarlı məxluq olmasına aid dəlillərimiz nədir?
İNSANIN İXTİYARLI MƏXLUQ OLMASINA AİD DƏLİLLƏR:
1. Tərəddüd: Bir işi görmək istəyəndə tərəddüd edirik. yəni bu işi görüm, yoxsa görməyim. Bu, bizim ixtiyarlı olmağımıza dəlalət edir. 2. Peşman olmaq: Gördüyümüz bəzi işlərdən peşman oluruq. Deməli, bu işi etməyə də bilərik. 3. Ədəbləndirmək: Bir şəxsi ədəbləndirmək istəyirik. Bu onu göstərir ki, o şəxsdə də ədəblənmək qabiliyyəti və iradəsi mövcuddur. Deməli, o ixtiyar sahibi olan bir şəxsdir. 4. Tənqid: Bir-birimizin işlərimizi tənqid edirik. Deməli, biz insanlar tənqid olunmamaq üçün düzgün hərəkət edə bilərdik. Nəticə alırıq ki, müxtəlif bəhanələri, «biz məcburuq», «bizi Allah bu cür yaradıb», «dostlarım məni pis yola çəkdi» və bu cür üzrlər və yalançı pərdələrlə günah məs’uliyyətindən boyun qaçırmaq olmaz.
Səksən yəhudiyi hidayət edən Fatimeyi Zəhranın (s) paltarı oldu?!
İslamın ilkin çağlarında müsəlmanlar iqtisadi cəhətdən çətin günlər yaşayırdılar, eləcə də Həzrət Əli (ə) yaşayışı İslam ümmətinin vəziyyətindən ayrı deyildi. O həzrət də dolanışında çox çətinliklərlə üz-üzə qalırdı. Bir gün Həzrət Əli (ə) Mədinənin yəhudi sakini olan bir imkanlı şəxsin yanına gedib Fatimeyi Zəhranın (ə) paltarını girov qoyaraq bir miqdar arpa aldı. Həmin günün axşamı gəlib çatdı. Fatimeyi Zəhranın (ə) paltarını girov alan yəhudi evə gəldi və paltarı bir yerə qoyaraq üstünü örtdü. Yəhudi kişinin qadını gəlib gördü ki, paltarın üstünə atılan parça nur kimi parıldayır! Yəhudi tacir və xanımı tanış və yaxınlarından olan başqa yəhudiləri evlərinə çağırdılar ki, bu ilahi kəramətə baxsınlar. Yəhudilər İslam Peyğəmbərinin (s) qızının paltarının nur saçmasını görərək səksən nəfəri İslam dinini qəbul etdilər. kitab: Bihar,c-43, səh-30
Heç də təəccüb olunası hadisə deyil. Çünki Allah hidayət etmək istədiyi insanları müxətlif yollarla hidayət edər. Bu dastanda da Allah-Taala həm Fatimeyi Zəhranın (ə) məqamını göstərdi, həm də Yəhudinin saleh əməlinin qarşısında bir hidayət çırağı yandırdı.
Vəliyyi Fəqih, həzrət ayətullah Xamenei ağanın baxışında qadının tərəqqisi!
Qadının hərtərəfli tərəqqisi: Əgər biz ölkəmizdə qadınlara aid problemləri həll edə bilsək, bütün dünya qadınlarına böyük xidmət göstərmiş olarıq. Ola bilsin ki, bu xidməti bəziləri indi, bəziləri sonralar başa düşsünlər. Hər halda bir gün bunu dərk edəcəklər.
Siz ölkəmizin nümunəvi fəal qadınlarısınız. Siz İslamın qadına verdiyi dəyəri gözəl şəkildə nümayiş etdirirsiniz. Bəli, İslam İnqilabından əvvəl də İranda alimə qadınlar var idi. Amma mən demək istədiyim budur ki, keçmiş ilə müqayisədə hal-hazırda bu rəqəm olduqca yüksəkdir və tədqiqatçı, mütəxəssis, mütəfəkkir, yazıçı, şairə və rəssam qadınlarımız əvvəlki dövrə nisbətən qat-qat çoxdur, yəni o dövrdə ki, “qadın azadlığı”, “qadın hüququ” şüarı ilə aləmə car çəkirdilər, qadının hicabını əlindən alıb iffətsizliyə sövq etdirirdilər, qadın və kişi arasında pərdələri tamamilə qaldırırdılar, əxlaqsızlığı və iffətsizliyi gündən-günə daha çox təbliğ edir və hətta bəzən ustadlarını da ötüb keçirdilər – həmin o dövrdə siyasi, ictimai və mədəni sahələrdə fəaliyyət göstərən qadınların sayı bu qədər çox deyildi.
İslam maarifinə əsasən düşünərək addım atan bəndə ziyan görməz!
İnsan, yaşayışında fikirləşərək addım atsa ən azı bu 15 faydanı qazanar:
1-Günahın aqibətini fikirləşən tövbə edər. 2-Dünyanın fani olmasını düşünən dünya malına vurğun olmaz. 3-Allahın ne’mətləri haqqında düşünən şəxs Allaha məhəbbət bəsləyər. 4-İbrətamiz hadisələrdə fikirləşmək təvazökarlığa səbəb olar. 5-Ölüm haqqında düşünmək nəfsin istəklərini nəzarət altına alar. 6-Böyük şəxsiyyətlər haqqında fikirləşmək insanın inkişaf etməsinə səbəb olar. 7-Bütün işlərinin nəticəsini qabaqcadan fikirləşən şəxs günah etməz. 8-Allahın cəzasını fikirləşən şəxs Ondan qorxub həya edər. 9-İnsan öz zəifliyi haqqında fikirləşsə Allaha təvəkkül edər. 10-Tarixdə baş verən hadisələr haqqında düşünən şəxs ibrət alar. 11-Yaranmışlar haqqında fikirləşən şəxs Allaha iman gətirər. 12-İlahi hökmlər haqqında düşünən şəxs Allahın fərmanı qarşısında tə’zim edər. 13-Əxlaq pozğunluqları haqqında fikirləşən şəxs özünü doğru yola yönəldər. 14-Başqa insanların düşdüyü çətinliklər haqqında fikirləşən şəxs hərəkətini plan üzrə edər. 15Ata-ananın mehribanlıqları və yaxşılıqları haqqında düşünən şəxs onlarla yaxşı rəftar edər, zəhmətini çəkən zamanda özünü borclu bilib zövq alar.
İnsanı günahdan saxlıya biləcək əməllər nələrdir?
Avtomobillərdə onları xətərdən qorumaq üçün tormoza ehtiyac olduğu kimi, insanın da onu müxtəlif günahlardan qorumaq üçün tormoza və saxlayıcı bir amilə ehtiyacı var. İnsanı günahdan qoruyan amillər aşağıdakılardır: 1. Müxtəlif işlərdə fikirləşmək. 2. Allaha iman gətirmək və onun hər yerdə nazir olmağına əqidəli olmaq. 3. İnsanın özünü tanıması və öz şəxsiyyətinə qarşı diqqətli olması. 4. Axirət aləminə və qiyamət gününün hesab-kitabına əqidə. 5. İşlərin Peyğəmbərə və İmamlara təqdim edilməsi. 6. Ölümü yaxın bilmək və onu həmişə yada salmaq. 7. Allahdan həya etmək və günahın təsirindən qorxmaq. 8. Düzgün ibadət etmək.
İslam dini Qadının işləməsinə necə baxır?
İslamda qadının işləməsi məsələsini Qurani-Kərimdə Şueyb və onun qızlarının Musa peyğəmbərlə baş verən qissəsində açıqlamışdır. Bu qissədə iki mühüm incəlik açıqlanmışdır:
Birincisi: Onlar iki qadın idi. Bu işi görmək üçün isə tək yox, iki nəfər birlikdə evdən çıxmışdır. Ataları da qoca idi. Əgər mövzuya məntiqlə yanaşsaq, belə nəticəyə gələ bilərik ki, gərək qadınlardan biri evdən çıxanda digəri yaşlı atasının yanında qalıb ona xidmət edəydi. Lakin onlar ikisi birlikdə çıxıblar ki, bir-birilərinə həyan olsunlar. Baxmayaraq ki, bu iki qız peyğəmbər qızı idi. Amma peyğəmbər qızı olmaq onlardan birinin tək çıxmasına imkan vermir. Hər zaman şeytanın azdırmasından, hiyləsindən ehtiyatlı olmaq lazımdır.
İkincisi: O iki qadın evdən çıxmağa məcbur olsalar da, heyvanları sulamaq üçün kişilərə qarışmırlar, əksinə onlardan kənarda durub onların işlərini qurtarmasını gözləyirlər. Bu qissə bizə öyrədir ki, əgər qadın işləmək məcburiyyətində qalsa belə, yenə də kişilərə qarışmamalıdır.
Quranın bu dastanından istifadə olunur ki, qadınlar hətta iş yerlərində belə imkan həddə kişilərlə az danışıb və görüşsünlər.
Hicabın əsil siması Şəhid Mütəhhərini baxışınıda necə tanıtdırılır?
Ustad Mütəhhəri: Bizim nәzәrimizә görә, İslаmdа örpәyin sәbәb vә fәlsәfәsi bir nеçә şеydәn ibаrәtdir: 1-Psiхоlоji vә ruhi sәbәblәr; 2-Аilә-mәişәt münаsibәtlәri; 3-İctimаi sәbәblәr; 4-Qаdın hüququnun qоrunmаsı vә оnun mәnәvi dәyәrinin yüksәldilmәsi.
Örpәk hаqqındа sаdаlаnаn yuхаrıdаkı sәbәblәri izаh еtmәzdәn qаbаq qеyd еtmәliyik ki, İslаmdа hicаbın mәnşәyi bir sırа ümumi vә әsаslı mәsәlәlәrdәn ibаrәtdir. Bеlә ki, İslаm nәzәrindәn cinsi lәzzәtlәrin bütün növlәri-istәr bахmаq, istәr lәms еtmәk, istәrsә dә sаir növlәri-аilә mühitinә mәхsus оlmаlı, әr-аrvаdlıq münаsibәtlәri çәrçivәsindә vә qаnuni şәkildә qаlmаlı, ictimаiyyәt isә tаmаmilә fәаliyyәt vә әmәk mеydаnınа çеvrilmәlidir. Müаsir dövrdә işi vә fәаliyyәtlәri cinsi lәzzәtlәrlә bir-birinә qаrışdırаn qәrb cәmiyyәtlәrinә hаkim оlаn sistеmlәrin әksinә оlаrаq İslаm istәyir ki, bu iki mühit bir-birindәn tаmаmilә аyrı оlsun.
İmam Səccad (ə): 5 dəstə ilə dost, sirdaş və səfər yoldaşı olmayın!
Həzrət Zeynəl Abidin (ə) 5 dəstə ilə dost, həmsöhbət və səfər yoldaşı olmaqdan çəkinməyi tövsiyə edir! İmam Səccad (ə) övladlarından birinə buyurur: Oğlum! Diqqət et ki, beş dəstə ilə dostluq, həm söhbət və yol yoldaşı olmaqdan çəkin! İmamın oğlu dedi: Atacan o dəstə insanlar kimlərdir? İmam Səccad (ə) buyurdu:
1-Yalançılarla dostluq etməkdən çəkin. Çünki o yaxını sənin üçün uzaq və uzağı yaxın göstərər.
2-Fasiqlərlə dostluq etməkdən çəkin. Çünki o səni bir tikə çörəyə və ya ondan azına satar.
3-Paxıllarla dostluq etməkdən çəkin. Çünki o səni ehtiyaclı olduğun zaman öz qarşısında səni zəlil edər.
4-Axmaqlarla dostluq etməkdən çəkin, O sənə xeyir vermək istəyər amma ziyan yetirər.
5-Qohumlarla əlaqəni kəsənlərlə dostluq etmə. Çünki onlar Allahın kitabına lənətlənmişdirlər.
Peyğəmbər (s) və Əhli Beytinə (ə) salavatın 20 faydası nələrdir?
Peyğəmbər (s) və onun pak ailəsi olan Əhli-Beytin (ə) dilindən salavatın savabı haqda çox sayda hədislər gəlmişdir. Biz bu yazımızda salavatın 20 fayda və təsirini qeyd edirik:
1-Allahın razılığına səbəb olan əməl, 2-Peyğəmbər və əhli-beytin qiyamət günü şəfaət etməsinə səbəb olar. 3-Peyğəmbərə (s) yaxınlaşmağa səbəb olar. 4-Munafiqliyi uzaqlaşdırar. 5-Qeybətini edənlərin dilindən azad olmaq, 6-Duanın qəbul olunmasına kömək edər. 7-Savab əməllərin qiyamət sorğusunda ağır gəlməsinə kömək edər. 8-Günahların bağışlanmasına səbəb olar, 9-Mələklər onun sağlamlığı üçün dua edərlər. 10-Sübh namazından sonra salavat. 11-Salavat yazmaq qalıcı saleh əməl, 12-Salavat yaddaşı gücləndirər. 13-Salavat şeytanın uzaqlaşmasına və zəlil olmasına səbəb olar. 14-Salavat sirat körpüsündə yıxılmaqdan qoruyar. 15-Salavat insanın iradəli olmasına və kasıbçılıqdan xilas olmağına kömək olar. 16-Salavat qəbr aləminin nurlu olmasına səbəb olar. 17-Salavat qiyamətdə sussuzluqdan nicat tapmağa səbəb olar. 18-Salavat qəbr əzabının qaldırılmasına səbəb olar, 19-Günahın əməl dəftərinə yazılmasının qarşısını alar, 20-Nurani qəlblilik əlaməti.
Özümüzü insanlara necə sevdirək?!
İstəyirlər ki, danışdıqları zaman hamının diqqəti onlarda olsun. Bu kimi istəklər insanların əksəriyyətində mövcuddur. Buna görədir ki, bəziləri bu istəklərini həyata keçirə bilmək üçün çox qəribə işlərə əl atır, bu yolla insanların nəzər diqqətini özlərinə cəlb etmək istəyirlər. Baxmıyaraq ki, nəticə çox zaman əks olur və nifrətbəslənmə mərkəzinə çevrilirlər. Onların qeyri-adi hərəkətləri müxtəlif şəkillərdə olur, qəribə modalardan istifadə etmək, qeyri-adi paltarlar geymək, saçlarını təəccüblü formada kəsdirmək, xoşagəlməz sözlər danışmaq, camaatın gözü qarşısında güclərini göstərmək, kiminləsə ucadan mübahisə etmək, başqalarını istehza etmək və sair bəyənilməz işlərə əl atırlar. Yəqin ki, siz də bu cür insanlara rast gəlmisiniz.
Amma sevilməyə səbəb olan yollar bunlardır: 1- Xüsusi bir iş görmək lazım deyil. Olduğumuz kimi görünməyimiz kifayət edər. 2- Ədəbli olaq, insanlara ehtiram edək və hörmətlə davranaq. 3- Bihudə və mənasız sözlər danışmayaq, dilimizi qoruyaq. 4- Niyyətimizi pak və xalis edək, insanlar barədə yaxşı şeylər düşünək, 5- Zahirimizə, yəni geymimizə də diqqət yetirək, təmiz və səliqəli geyinək. 6- Heç kimi istehza etməyək, yoxsa bir çoxlarının bizə nifrət etmələrinə bais olarıq.