Nədir Qiyamət?
Qiyamət günü nə vaxt olacaqdır? - deyə soruşanlar üçün günəşlə ay bitişəcəyi, göy qatlanıb büküləcəyi, dağlar didilmiş yun kimi olacağı, gözlər bərələcəyi, uşaqlar ağsaqqal ahıla dönəcəkləri, dənizlər od tutub alışacağı gün qiyamət qopacaqdır.
\"Nədir Qiyamət? Axı sən haradan biləsən ki, nədir Qiyamət. Həmin gün heç kim, heç kimin karına gəlməyəcəkdir. Nə ana bala axtaracaq, nə də bala ana axtaracaqdır. O gün hökm ancaq Allahındır. Elə ki, sur çalındı o gün çox ağır gün olacaqdır, kafirlər üçün asan olmaycaqdır, onlar ayələri yalan saydılar, haqq hesab gününə inanmadılar. Vay halına çəkidə və ölçüdə aldadanların. Məgər onlar öləndən sonra diriləcəklərini düşünmürdülərmi? Həm də dəhşətli bir gündə. İnsanlar bir damla nütfədən yaradıldığı kimi onları yenidən diriltmək də onun kimi asandır. Allah hər şeyə qadirdir. Yalnız bir dəfə \"ol” deyəcəkdir.\"...
Rəvayətlərdə çoxlu fəzilətə malik olan namaz hansıdır?
Bu namaz cümə gününün zöhr çağından qabaq qılınan namazlardandır. Biharul-ənvar kitabının 89-cu cildinin 372-ci səhifəsində müxtəlif kitablar vasitəsi ilə İmam Cəfər Sadiq (ə)-dan və o həzrətdə Peyğəmbər (s)-dan nəql etmişdir ki, buyurub: \"Hər kəs bu namazı qılıb, namazdan sonra (kı göstərişlərə əməl edərsə) Allah təala onun üstündən göy və yer əhlinin şərri və habelə şeytan və zalım hakimin şərrini götürər. Dünyada yetmiş hacətini və Axirətdə də yetmiş hacətini yerinə yetirər.
Namazın qılınma qaydası: Cümə gününün zöhründən qabaq dörd rukət (iki ədəd iki rukətli) namaz qılaraq hər rukətdə on dəfə \"Fatihə\" surəsi, on dəfə \"İxlas\" surəsi, on dəfə \"Kafirun\" surəsi, on dəfə \"Fələq\" surəsi, on dəfə \"Nas\" surəsi, on dəfə \"Ayətəl-kürsi\", on dəfə \"Qədr\" surəsi və on dəfə aşağıdakı \"Şəhidəllah\" ayəsini oxumaq lazımdır:
\"Şəhidəllahu ənnəhu la ilahə illa huvə vəl-məlaikətu və ulul-ilmi qaimən bil-qisti la ilahə illa huvəl-əzizul-həkim. İnnəd-dinə indəllahil-islam. Və məxtələfəl-ləzinə utul-kitabə illa min bədi ma caəhumul-ilmu bəğyən bəynəhum və mən yəkfur biayatillahi fəinnəllahə səriul-hisab.\" Namazdan sonra 100 istiğfar deyilən cümlələrlə, Peyğəmbərə (s) 100 salavat və 100 dəfə xüsusi təsbih demək...
Yaşlı qadınların hicabının şəri hökmlərindən yazın?
\"Evlənmək meylləri olmayan qoca qadınların öz zinət və bəzəklərini göstərmədən (baş örtüyü və bu kimi üst) paltarlarını çıxarmalarında bir günah yoxdur. İffətli olmaları onlar üçün daha yaxşıdır. Allah eşidən və biləndir”. (\"Nur” 60).
Qurani-Məcid bu həssas mövzuya incə şəkildə toxunur və buyurur ki, yaşlı qadınlar zinət və bəzəklərini göstərə bilərlər. Ancaq iffətli olmaq və hicabı çıxartmamaq bir qadın üçün daha yaxşı və daha layiqlidir. Yuxarıdakı ayədə Allah Təala iki şərt qoyur:
1. Elə bir yaşa gəlib çatmalıdır ki, evlənməyə ümid etməməlidir.
2. Hicabını açan zaman zinət taxmamalı və özünü bəzəməməlidir.
İmam Sadiqə (ə) bu ayə haqqında sual verirlər: \"Hər kəsin qarşısında? Buyurur: \"Hər kəsin yanında olsun, ancaq özünü bəzəməsin və zinətlənməsin”.
Ancaq hər bir halda bu, elə bir hökmdür ki, zəruri deyildir. Bəlkə bu qadınlar da başqa qadınlar kimi hicaba riayət etmələri daha üstündür. Bunu, ayənin özü də sonda vurğulayır.
Isa (ə) və dostu Azir haqqında əhvalat
İsanın Azir adlı bir dostu vardı. Onu çox sevirdi. O, imanlı bir cavan idi. Bir gün İsa əhvalını soruşmaq üçün Azirin evinə getdi. Anası ağlayaraq çıxdı və dedi: -Azir dünyadan köçüb və üç gün qabaq torpağa tapşırılmışdır. İsa buyurdu: -Onu görmək istəyirsənmi? O cavanın imanlı anası dedi: -Hə, ey Allahın Ruhu! -Sabah gələrəm və Allahın izni ilə onu dirildərəm. Səhər tezdən İsa gəlib, o cavanın anasına buyurdu: -Mənimlə oğlunun qəbrinin başına gəl. Məryəm oğlu İsa qəbrin qarşısında dayandı. Başını göyə qaldırıb, həyat bağışlayan Allahın dərgahına ağladı və sonra ürək yanğısı ilə səslədi: -Ey Azir! Yuxudan oyan! Birdən torpaqlar kənara çəkildi. Qəbir yarıldı. Azir torpağın içindən çıxdı. Ana övladını qucaqladı. Gözlərindən sevinc yaşları axdı. Məsih o cavana buyurdu: -Ananla qalmaq istəyirsənmi? Azir dedi: -Bəli, ey Allahın seçilmiş məxluqu. Məsih buyurdu: -Allah-təala sənə yenidən ömür əta etmişdir. Tezliklə, evlənəcəksən. Allah sənə saleh övladlar verəcəkdir. ixlas.
Kümeyl duası kimə məxsusdur və nə üçün oxunur?
Ramazan ayında və xüsusi ilə həftənin dördüncü günü oxunan Kümeyl duası haqqında:
Kümeyl ibn Ziyad tabiinin böyüklərindən idi, yəni Peyğəmbəri (s) görməmiş, səhabələrdən dərs almışdı. O, İmam Əlinin (ə) ən sadiq tərəfdarlarından biri idi. Hətta onu İmamın sirr sahibi də adlandırırlar. Kümeyl İmam Əlidən (ə) dərin məzmunlu bir neçə hədis və xütbə rəvayət etmişdir. Bu şərəfli şəxsiyyət zalım Kufə valisi Həccac tərəfindən şəhid edilmişdir.
Kümeyl duası dərin irfani və etiqadi mənaları özündə ehtiva edən mətnə malikdir. Rəvayətə görə, bu duanı vaxtilə vəhy mələyi Cəbrail (ə) Həzrət Xızr Peyğəmbərə (ə) öyrətmişdi. Həzrət Əli (ə) bu duanı Kümeylə öyrətmiş və Kümeyl onu digər müsəlmanlara çatdırmışdı; ona görə də dua Kümeylin adı ilə adlandırılır. Kümeyl duasını şəban ayının ortalarında və həftənin cümə gecələrində oxumaq xüsusi savaba malikdir. Çox zaman müsəlmanlar ramazan ayının cümə gecələrində məclislər qurub, hissə-hissə bu duanı oxuyurlar. Kümeyl duası əsas etibarilə Allah-təalanın vəsfinə, ondan dünya və axirət istəklərinin tələbinə həsr edilib.
Yeni çəkilmiş yoldan keçən zaman ən gözəl addım hansıdır?(maraqlı əhvalat!).
Peyğəmbər (s.) buyurur: “Yol üstündə düşüb qalmış və insanların gəlib-keçməsinə əngəl olan daş, sümük, tikan kimi maneələri yoldan qaldırıb kənara tullamaq da insana sədəqə qədər savab qazandırar”.
İnsanlar xidmət haqqında maraqlı əhvalat: Şahlardan biri ölkəsi üçün yol çəkir. Və yoluna açılışı üçün piyada keçiş yarışması keçirir. Və bu yarışmadan hər kəs daha qiymətli səhnə yarada bilsə şah onun üçün xeyir mükafat təyin edir.
Sabahı hərə öz fikrində yaraşıqlı səhnələr yaratmağa çalışırlar. Amma əhalinin içindən bir cavan oğlan yeni çəkilmiş oldan keçən zaman yollara atılmış zibilləri cəmləməyə başlayır. Şah bu səhnəni görəndə cavanın bu addıma heyran qalır. və Soruşur: Nə üçün belə edir? Cavan cavab verir ki, gələnlərin rahat hərəkət etməsi üçün bu işig gördüm. Şah təyin etdiyi caizəni cavana bəxş edir. Və sonra uca səslə xalqa səslənir: \"“Yarışmanın qalibi bu oğlandır. Çünki yoldan ən gözəl şəkildə keçən – özündən sonra gələnlərin yolunun üstündəki əngəlləri qaldıran adamdır”.
Bəzi elmi kəşflər dinlə uzlaşmır. Əksinə bəzən dini nəzəriyyələrin əksinə olur. Din bu məsələni necə həll edir?
Elm və dinin uzlaşmaması mövzusu zristianlıqdan İslam dininə daxil olan bir mövzudur. Müqəddəs İslam dinində bu məsələnin həlli üçün aşağıdakı qeydlərə diqqət yetirmək lazımdır.
1. Dindən hər hansı bir nəticəni almaq üçün ilkin surətdə onun qeydlərini və müxəssislərini (xüsusiyyətlərini və istisnalarını) tanımaq lazımdır. Yəni bu prosesi keçməmiş heç bir nəzəriyyəni din barəsində yürütmək olmaz.
2. Zəka İslam dininin nəzərində Allahın ümdə dəlilidir. Əgər hər hansı bir nəzəriyyə əqil və dəlil yolu ilə sübuta yetirilsə din onu sözsüz qəbul edir.
3. Uzlaşma mövzusunda bəzi mənəvi temaları (qeyri maddi) sırf maddiyata aid olan temalarla qarışdırmaq olmaz. Çünki bunlar amil etibarı ilə olduqca fərqli mövzulardır.
4. Elmi kəşflərlə münasibətdə gərək bütün teoriyalar və nəzəriyyələr, həmçinin sübuta yetirilmiş və naqis mövzular arasında böyük fərqlər olduğunu qəbul etmək lazımdır. Çünki sübuta yetirilmiş nəzəriyyələrlə qanun şəklində istifadəyə verilmiş və sübuta yetməyən və naqis nəzəriyyələr qaunuda öz əksini tapmamışdır. Bundan əlavə daim infilasiya və dəyişməkdə olan qanunlar dini temalarla uzlaşmaya bilməz. deməli bütün elmi nəticələrə gərək diqqətli olaq.
Həzrət Mehdinin (ə) mövluduna və onun bu vaxtadək sağ olmasına etiqad zəruridirmi?
İmamət prinsipinə etiqad baxımından həzrət Mehdinin (ə) mövluduna və varlığına etiqad zəruridir. Şiəliyə görə İmamət dinin üsuludur, yer üzü heç vaxt höccətsiz (İmamsız) qala bilməz. Belə bir etiqadda olan insan həzrət Mehdinin (ə) mövluduna da inanır. Peyğəmbərdən nəql olunmuş mötəbər rəvayətlərə əsasən ondan sonra 12 İmam var. Bu silsilə qiyamətədək davam edəcək. Bundan əlavə, hər bir İmam özündən sonrakı İmamı təsdiqləmişdir.
Tarixi baxımdan da şiə cəmiyyəti həzrət Mehdinin (ə) İmamətini qəbul etmişdir. Digər bir tərəfdən, bilirik ki, İmam Mehdini (ə) tanımaq hamının vəzifəsidir. Ona beyət etmək zəruridir. Beləliklə, İmam Mehdi (ə) qeybdə olsa da, onun mövluduna və varlığına etiqad vacibdir.
Xeyirxah insanın 4 nişanəsi hansilardir?
Məsumların baxışında xeyirxah insanın nişanələri:
-Əmirəl-möminin (ə) buyurur: “Bilin ki, Quran elə xeyirxahdır ki, xəyanət etməz, elə bir hidayətçidir ki, yolunu azdırmaz, elə bir natiqdir ki, yalan danışmaz”.
Dinimizi xeyirxahlıq olmadan təsəvvür etmək olmaz. Xeyirxahlıq – kin və həsədin əksidir. Xeyirxahlıq odur ki, insan Allahın nemətinin və xeyirinin müsəlmanlara çatmasını istəyər və onlara zülm və şərin dəyməsini kərahət bilər. (Tebyan)
-Həzrət Peyğəmbər (s) buyurur: “Allah yanında ali məqamlı insan o kəsdir ki, xəlq üçün xeyirxahlıq yolunda hamıdan daha əvvəl addım atar”. İlahi peyğəmbərlər (ə) və İmamlar (ə) xeyirxah insanlar olmuşdular.
-İmam Səccad (ə) buyurur: “Başqaları üçün xeyir addım at, əgər o, onun əhli olarsa, sən haqqı əldə etmisən, əgər əhli və layiqli olmazsa, sən ona layiq olarsan”.
Hər kim başqasının xeyrini istəyər, ona çatan xeyirdə onunla şərik olar. Yəni, savabı xeyri çatdıranın savabı kimi olar. Ona görə də əgər kimisə xeyir işə tərəf hidayət etsəniz və o, həmin əməli yerinə yetirərsə, siz də həmin əməlin savabında onunla şərik olarsınız.
-Həzrət Peyğəmbər (s) buyurur: “Xeyirxah şəxsin nişanəsi 4 şeydir: haqla hökm çıxardar, özündən başqalarına haqq verər, özü üçün bəyəndiyini başqaları üçün də bəyənər, heç kəsin (haqqına) əl uzatmaz”.
Peyğəmbərin (s) qoca babası Əbdülmütəllib mömin olub yoxsa yox?
Peyğəmbərin (s) babası olan Əbdülmütəllibin imanı haqda araşdırma:
1. HƏdisdə gəlmişdir: \"Qiyamət günündə Əbdülmüttəlib vahid ümmət halında məhşərə gələcək, onda peyğəmbərlərin siması, hökmdarların heybəti olacaq\"
2.Kəbənin quraqlığı zamanı Əbdülmüttəlib Kəbənin qarşısına gəldi və körpə Muhəmmədi (s) yuxarı qaldırıb belə dua etdi: \"Ya Rəbb, bu uşağın xatirinə bizə bol yağış əta elə!\" Üstündən bircə saat keçməmişdi ki, səmanı buludlar bürüdü, elə güclü yağış yağdı ki, hətta camaat məscidin uçulacağından qorxdu\" Bu hadisə sübut edir ki, Əbdülmüttəlib vahid Allaha pərəstiş edirmiş.
3. Peyğəmbər (s) İmam Əliyə (ə) buyurmuşdur: \"Ey Əli! Əbdülmüttəlib cahiliyyə dövründə beş sünnə (dəb) qoymuşdu ki, İslam dini də bunları təsdiq etdi: 1) atanın arvadını oğula (başqa arvaddan olan oğul nəzərdə tutulur) haram elan etdi; 2) xəzinə tapanda onun beşdən birini sədəqə verdi; 3) Zəmzəm quyusunu qazıyandan sonra onu hacıların içməsi üçün vəqf etdi; 4) insan qətli üçün diyə (qanbahası) olaraq 100 dəvə verilməsini qərarlaşdırdı; 5) qüreyşilər Kəbənin ətrafında təvaf edərkən, neçə dəfə dövrə vurmağın dəqiq sayını müəyyən etməmişdilər, Əbdülmüttəlib 7 dövrə vurmağı qanun qoydu\"...