Paltar seçən zaman nələrə dİqqət edək?
Hər bir cəmiyyətin paltar və geyimi onların ürf və dəyərlərinə uyğun olur. Bəs İslami paltar seçən zaman nə etməli?
Paltar insanın üç ehtiyacına cavab verər:
1. Onu soyuqdan və istidən qoruyar.
2. İffətini hifz etməkdə ona yardım edər.
3. Ona vüqar bəxş edər.
Hər bir insanın libası onun şəxsiyyətindən xəbər verir. Paltarın keyfiyyəti, rəngi və təmizliyi insan şəxsiyyətinin nişanəsidir.
Paltar seçən zaman nələrə diqqət edək:
1. Paltar seçən zaman onun rənglərinə diqqət edin və açıq rənglərə üstünlük verin. Belə ki, Həzrət Peyğəmbər (s) buyurur: “Ağ rəngli paltar geyinin ki, sizin rahatlığınıza və pakizə olmağınıza səbəb olar”.
2. Xarici libas almağa çox meyl etməyin. Aldığınız libas İslam dininin şərltərinə uyğun olmalıdır. O kəs ki, yazılı xarici köynəklər geyinər, özünü həmin toplumun dəyərlərinin əsiri edər. İmam Əli (ə) buyurur: “Bu ümmətin halı o zamana qədər yaxşı olar ki, xarici libas geyinməz. Onların yeməyini yeməz. Nə zaman belə etsələr, Allah onları zəlil edər”.
3. Paltar gərək şöhrət paltarı olmasın, yəni təmtəraqlı olmasın. İmam Sadiq (ə) buyurur: “İnsan üçün xarlığın nişanəsindən elə bu bəsdir ki, elə paltar geyinsin ki, onunla məşhur olsun”.
4. Münasib paltar insanı başqalarının yanında əziz edər. İmam Əli (ə) buyurur: “Həqiqətən ən yaxşı paltar o paltardır ki, səni insanlara oxşar edər və dillərini sənə görə pis danışmaqdan saxlayar”.
5. Təmiz paltar düşmənləri zəlil edər, insanın başını uca edər. İmam Sadiq (ə) buyurur: “Pakizə paltar düşməni zəlil edər”. İmam Əli (ə) buyurur: “Təmiz paltar qəm və narahatlığı aradan aparar. Namaz üçün bir növ pakizəlikdir. Ona görə də insan ruhuna şadlıq bəxş edən amillərdən biri - təmiz paltar geyinməkdir”.
6. Yaraşıqlı paltar bizi Allaha yaxınlaşdırar. İmam Sadiq (ə) buyurur: “Özünüzü paltar vasitəsilə yaraşıqlı edin. Çünki Allah gözəldir və gözəllikləri sevər”.
7. İnsanın paltarı gərək onun cinsinə uyğun olsun. Ona görə də kişi paltarı ilə qadın paltarı fərqlənməlidir. Hər biri özünəməxsus paltar geyinməlidir. Peyğəmbərimiz (s) o qadınları ki, kişi paltarı geyinir və o kişiləri ki, qadın paltarı geyinir, Allah rəhmətindən uzaq hesab edir.
Kişilərin geyimi haqqında demək olar ki, ipək və qızıl iplərlə bəzənmiş paltar geyinmək olmaz. Həmçinin kişilərin paltarı elə olmalıdır ki, qarşı cinsi təhrik etməsin. Necə ki, qadınların hicabı və geyimi məhrəm-naməhrəm mövzusuna uyğun olmalıdır. Eləcə də kişilər də geyinən zaman bu ölçülərə riayət etməlidir. Kişilər dar və dinimizə yaraşmayan libaslardan xüsusilə uzaq olmalıdırlar.
Beləliklə deyə bilərik ki, paltar alan və ya seçən zaman bu tövsiyələrə qulaq verək və iffətimizi libasın köməyi ilə qoruyaq.(Tebyan/ Deyerler.org)