Nə üçün zalım və günahkar İnsanlardan bİr hİssəsİ nemətlər İçİndə qərq olublar?

Cavab: Bu sual çoxlarını düşündürür. Qurani-Kərimin ayələrinə əsasən, belələri islahedilməz olduqları üçün yaranış qanunları və iradə azadlığına əsasən özbaşına buraxılmışlar. Uca ALLAH tərəfindən verilmiş bu möhlət, əslində, onları uçuruma aparır. «Ali-İmran» surəsinin 178-ci ayəsində buyurulur: «Küfr edənlər, onlara verdiyimiz möhləti özləri üçün xeyirli bilməsinlər. Biz onlara möhlət vermişik ki, günahlarını dahada artırsınlar. Onlar üçün zəliledici bir əzab vardır.» Bəzi ayələrdən məlum olur ki, bəzən ALLAH zalım və günahkarlara verdiyi nemətləri hədsiz dərəcədə artırır və onlar ləzzət içində xumarlandıqları zaman qəfildən onları bütün nemətlərdən məhrum edir. Misilsiz firavanlıqdan sonra qəfil səfalət və zəlalət həmin insanlar üçün böyük əzaba çevrilir. «Ənam» surəsinin 44-cü ayəsində oxuyuruq: «Edilmiş xəbərdarlıqları unutduqları bir an bütün nemət qapılarını onların üzünə açdıq ki, şadlansınlar. Sonra isə qəfildən bütün verdiklərimizi geri aldıq. Bununla da, onlar hədsiz narahatçılığa düçar oldular.» Təsəvvür edin ki, bir zalım, kövrək budaqları qıra-qıra üzüyuxarı, dayanmadan ağaca dırmaşır. Yuxarı qalxdıqca, daha da şad olur. Anlamır ki, nə qədər yuxarıdan yıxılsa, bir o qədər çox əziləcək. Qəfil tufan qopur və bir an əvvəl şadlıqdan oynayan sümüklər yerə qaxılıb, xıncım-xıncım olur.