Qurani Kərimdə gələn “Salehlər səhərlər istiğfar edərlər” nə deməkdir?
“Onlar gecənin az bir hissəsini yatırdılar. Və səhərlər (Allahdan) bağışlanma diləyirdilər”. (“Zariyat” 17-18). Allah bu ayələrdə salehlərin nişanələrindən söz açmışdır.
Salehlərin ilk nişanəsi budur ki, gecəni az yatarlar. Bu ayə onu demək istəyir ki, saleh insanlar çox az hallarda gecənin hamısını yatarlar. Daha çox oyaq qalar və ibadətlə məşğul olarlar. Bu insanlar dua edər və gecə namazı qılarlar.
Salehlərin ikinci nişanəsi budur ki, onlar səhər çağı istiğfar edərlər. Səhər çağı o zamana deyilir ki, gecə artıq sona çatmaqdadır və bu, elə zamandır ki, insanların əksər hissəsi yuxuda olurlar. Hər yerdə sakitlik hakim olur və heç bir səs-küy yoxdur ki, insanın diqqətini dağıtsın. Salehlər məhz bu zamanı Allahla münacat üçün seçiblər. Çünki çox fəzilətli və bərəkətli bir zamandır. İbadət yerlərinə gələrlər və Allahla raz-niyaz edərlər. Namaz qılıb, istiğfar edərlər.
Bəzi təfsirçilərin nəzərinə görə, bu ayədə istiğfar dedikdə gecə namazı nəzərdə tutulur. Çünki namazqılan vitr namazının qunutunda istiğfar edər.
Həzrət Peyğəmbər (s) buyurur: “Gecənin sonun mənim üçün (gecə namazı qılmağa görə) əvvəlindən daha sevimlidir. Çünki Allah buyurar: “Salehlər səhərlər istiğfar edərlər”.
Başqa bir hədisdə İmam Sadiq (ə) buyurur: “Behiştin salehləri səhər çağı vitr namazında Allahdan 70 dəfə bağışlanma istəyərlər”.
Həzrət Peyğəmbər (s) buyurur: “Gecə oyaq qalmaq və gecə namazı üçün gecənin sonunu əvvəlindən daha çox sevirəm. Çünki Allah Təala buyurur: “Və səhərlər (Allahdan) bağışlanma diləyirdilər”.
Həzrət Peyğəmbərdən (s) bu ayənin (Zariyat” 18) mənasını soruşan zaman buyurur ki, yəni namaz qılarlar. Bəlkə ona görə istiğfar bu ayədə namaz mənasında işlənir ki, vitr namazının əsas hissini istiğfar etmək təşkil edir.
Beləliklə İmam Sadiqin (ə) buyurduğu kimi demək istəsək, gecə namazını behiştin salehləri yerinə yetirərlər və bu əməl behişt əhlinin nişanələrindəndir./Deyerler.