İnsan bu üç müsibətin fikrində olsa, maddi çətinliklər onun üçün dəyərsiz olar?!

Bir nəfər İmam Səccadın (ə) yanına gəlir və halından, dünyasından şikayət edir. İmam (ə) buyurur: “Çarəsiz insan hər gün üç müsibətə düçar olar ki, heç birindən ibrət götürməz. Əgər ibrət götürsəydi, dünya müsibətləri onun üçün asan olardı.
1. Ömründən keçən hər gün ömründən azaldar. Əgər malından nəyisə azalmış olsaydı, əvəzini vermək olardı. Ancaq ömrün azalmasının əvəzi yoxdur.
2. Hər gün ona çatan ruzi əgər halaldan olarsa, hesabı vardır. Əks halda cəzası vardır.
3. Hamısından daha çox müsibətlisi odur ki, hər gün insanın ömründən gedir və həmin qədər axirətə yaxınlaşır. Ancaq bilmir ki, behiştə gedəcək, yoxsa cəhənnəmə?
Əgər həqiqətən bu üç müsibətin fikrində olsa, maddi giriftarlıqları onların qarşısında dəyərsiz və asan olardı”./Deyerler.