Dəstəmaz almağın hikməti və misilsiz faydaları barədə - Hədisdə nə deyilir?
İslaminSesi.info – Dəstəmaz almağ Allahın biz insanlara bir əmr və göstərişidir. Bəzi əməllər dəstəmazsız icra olunmaz.
Dəstəmaz paklığ mənasındadır. Yəni insan dəstəmaz aldıqdan sonra pak olur, yalnız bundan sonra Quran yazılarına və Allahın adı yazılmış yazılara toxuna bilər.
Dəstəmaz almaq bəzən təmizliklə müqaisə olunur. Lakin bilməliyik ki, dəstəmaz təmizlik deyil, paklıqdır. Çünki dəstəmaz alarkən belə insanın dəstəmaz üzvləri təmiz olmalıdır. Bu da o deməkdir ki, paklığla təmiz olmaq arasında fərq vardır. Dəstəmaz insanın ruhunu paklayır.
Hədislərdə dəstəmazın hikməti və dəstəmazlı olmaq barədə buyrulub:
-İmam Baqir (ə) buyurub: Dəstəmaz Allahın təyin etdiyi həddlərdəndir. Mütəal Allah dəstəmaz vasitəsi ilə itaətkar və üsyankarı ayıd edir”.
-Peyğəmbər (s) buyurub: “Mütəal Allah qiyamət günü insanları toplayanda mənim ümmətim digər ümmətlərdən dəstəmazın əsəri olan parlaq nurla tanınacaqlar”.
-Həzrət Peyğəmbər (s): “Gücünüz yetdiyi qədər dəstəmazlı olun. Hər kəs dəstəmazlı halda ölərsə ona şəhadət savabı yazılar”.
-Həzrət Peyğəmbər (s): Kim pak olduğu halda (dəstəmazlı) dəstəmaz alarsa ona 10 qat savab yazılar.
-İmam Baqir (ə) : “Hər kim dəstəmazlı olduğu halda dəstəmazını yeniləsə, Allah da tövbə etməmiş onun tövbəsini təzələyər”.
-İmam Sadiq (ə): Kim evində xeyir bərəkətin çoxalmasını istəyirsə yemək yediyi vaxt dəstəmaz alsın.
-Həzrət Peyğəmbər (s): “Hər kim dəstəmaz alan zaman Allahın zikrini edərsə, bütün bədəni pak olar”./ Yaşar Nuriyev