Tərəfdar yığmaq fikrində olanlara Ayətullah Cavadi amuli hansı tövsiyəni etdi?
Ayətullah Cavadi Amuli öz əxlaq dərsində belə buyurdu: \"Hər kim ömrünü özünə mürid yığmaq fikri ilə keçirsə həqiqətdə İslam düşüncəsinə görə o hələ mənəvi həddi büluğa çatmamışdır.\"
Ayətullah Cavad Amuli özünün əxlaq dəsrsində gözəl məqamlara toxunub. Dərs zamanı \"Məqam və mövqe insanın xidmət edə bilməsi üçün istifadə edəcəyi bir oyuncaqdır. Lakin əgər biri həmişə bütün ömürünü bu oyuncağa ayıracaq olsa, ortaya çıxacaq görünüş oynamaq və əylənmək olar. Oyuncaqlar oyun oynayanlar üçün yaradılıb ki, onunla məşğul olsunlar, yorğunluqlarını çıxarmaq üçün arada bu işlərə baş vursunlar. Lakin bütün ömrünü buna sərf etsə, 80 yaşında olsa da, o bir uşaqdır. Mürid yığmaq həvəsilə daim diqqət mərkəzində olmaq istəyənlər, əlini öpdürmək və bu kimi şeylərə vaxtını xərcləyən kəslər yaşları 70-80 olsa belə əqilləri həddi-büluğa çatmamış kiçik bir uşaq əqlidir\", - deyə bildirib.
\"Ənkəbut surəsinin başlanğıcı imtahan mövzusu ilə əlaqədardır. Daha sonra bir neçə peyğəmbərin hekayəsindən söz açılır. Sonda isə buyurulur: \"Allahdan başqa özlərinə dost (hami) qəbul edənlər özünə yuva qurmuş hörümçəyə bənzəyirlər. Evlərin ən zəifi isə, şübhəsiz ki, hörümçək yuvasıdır. Kaş biləydilər!\"
Allahdan başqasına güvənib sığınanların halı hörümçək toruna sığınanların vəziyyətinə oxşayır. Burada onun dayağının nə olduğunun heç bir əhəmiyyəti yoxdur; özünə güvənib dözə bilər və ya hər hansı bir bütə, adama ya da qrupa… Hər vəziyyətdə Allahdan qeyrisinə bel bağladığından müşrikdir. Belə biri, hörümçək toru kimi sığınacaqların ən zəifinə sığınmışdır\", - deyə Ayətullah Cavad Amuli önə çəkib. (Çıxış 2012-də dərslərin birində qeydə alınıb).