Hansı nemətdir ki, yalnız layiqli insanlara hədiyyə olunar?
Hikmət – sirləri tanımaq və həqiqətlərdən agah olub, haqqa çatmaqdır. Allah bəzi insanlara pak və təqvalı olduqları üçün bu neməti əta edər. Bu insanlar da şeytanın vəsvəsələrini İlahi ilhamdan ayırar, yol hansıdır, tələ hansı – seçərlər. (Tebyan)
Bəli, hikmət elə bir nemətdir ki, insan onun sayəsində şeytanın tələlərini tanıya bilir və haqqı nahaqdan seçir. Nəyin vəsvəsə, nəyin ilham olduğunu müəyyən edə bilir. Hikmət insanı məğfirət vadisinə gətirər və insanı vəsvəsələrdən xilas edər. Hədislərin oxuyuruq: “Hikmət – dində mərifətdir. Hikmət – Allaha itaət, İmamı tanımaq, kəbirə günahdan çəkinməkdir”.
Təqvaya aparan 6 xüsusiyyət hansılardır?
Quran təqva əhli haqqında buyurur: “O kəslər ki, qeybə (Allah, vəhy, mələklər və məad kimi hissiyyatın dərk edə bilmədiyi şeylərə) inanır, namaz qılır (haqqın müqabilində boyun əyir) və ruzi olaraq verdiyimiz şeylərdən (Allah yolunda) xərcləyirlər. O kəslər ki, sənə nazil edilənə və səndən əvvəl (olub keçmiş peyğəmbərlərə) nazil edilənlərə imanları və axirət (Qiyamət) gününə yəqinlikləri vardır. Məhz onlar (Qur’anın hidayətindən qabaq) Allahları tərəfindən (fitri və əqli) bir hidayətdədirlər və nicat tapanlar da onlardır (və Qur’an onları bu məsələlərin arxasınca gələn kamilliklərə hidayət edir. Bu işləri inkar edən kəslərə isə müsbət təsir göstərmir)”. (“Bəqərə” 3-5). Bu ayədə təvqa əhlinin 6 xüsusiyyəti bəyan edilmişdir, yəni bu 6 sifət onun təqva əhli olmasına şərait yaratmışdır: 1. Qeybə olan imanı. 2. Namaz qılarlar. 3. Allah yolunda infaq etmək. 4, 5. Peyğəmbərə (s) və keçmiş peyğəmbərlərə (ə) iman gətirmək. 6. Axirətə iman bəsləmək.
Vilayəti fəqih haqqında açıqlayın?
Vilayəti-fəqihin mahiyyəti:
Vilayəti-fəqih İmamət xəttinin davamıdır. Bu məsələ fiqhdə müzakirə olunmamışdan öncə kəlam еlmində açıqlanmalıdır. Çünki, bu məsələ İmam və rəhbərlik məsələsinə birbaşa bağlıdır. İmamət məsələsi də Nübuvvət məsələsinin davamı olduğundan onun sübuta yеtirilməsində olan ağlı və nəqli dəlillər bu mövzuda da işlədilir. Pеyğəmbər (s) Allahın əmri ilə vida haccından qayıdarkən Qədir Xumda Əlini (ə) özünə rəsmi canişin kimi təyin еdir. Müsəlmanlar da orada rəsmi surətdə Əli (ə) ilə bеyət еdib onu möminləri əmiri kimi qəbul еdirlər. Pеyğəmbərin (s) o gün еtdiyi xütbə onu göstərir ki, onda olan bütün xüsusiyyətlər (pеyğəmbərlik istisna olmaqla) Əlidə (ə) mövcud idi. Salman Pеyğəmbərdən (s) soruşur: «Bu vilayətdən məqsəd nədir?» Pеyğəmbər (s) buyurur: «Bu vilayət mənim vilayətim kimidir. Mən möminlərə özlərindən, canlarından daha üstünəm.» Əlidən (ə) sonra on bir İmamın mövcudluğu barəsində ayə və еtibarlı hədislər kifayət qədərdir. Hətta sünni kitablarında Pеyğəmbərdən (s) bu barədə bir çox rəvayətlər nəql olunub. İslamda İmamət məsələsi hakimiyyət məsələsindən ayrı bir məsələ dеyildir. ...
İmamlardan imamət məqamı haqqında bir hədis qeyd edin?
8-ci islam rəhbəri İmam Riza (ə)–ın İmamətin yüksək məqamı və xüsusiyyətləri barəsində bəyan etdiyi kəlam: «Onlar (ki, İmamət məsələsində ixtilaf edərək İmamətin seçki yolu ilə olmasına inanandılar) nadanlıq etdilər... Məgər camaat İmamətin ümmət arasındakı məqam və mənzilətini bilirlərmi ki, onların öz ixtiyarlarına həvalə edilmiş olsun?! Həqiqətən İmamətin qədir qiyməti o qədər yüksək və o qədər böyük, mənziləti o qədər ali, məqamı o qədər uca, ənginliyi o qədər əlçatmazdır ki, camaat öz əqli ilə ona çata, öz rə`yləri ilə onu dərk edə bilməzlər...
Həqiqətən İmamət elə bir məqamdır ki, Allah təala nübüvvət və xüllət məqamından sonra üçüncü mərhələdə onu İbrahim (ə)-ə məxsus etmişdir...
İmamət Allahın və Peyğəmbəri Əkrəmin xilafəti, Əmirəl-mö`mininin məqamı, Həsən və Hüseynin mirasıdır. Həqiqətən İmamət dinin rəhbərliyi, müsəlmanların (ictimai) quruluşunun qalıb davam etməsi, mö`minlərin dünyalarının islah olunması və izzətə çatmaları səbəbidir...
Evlilik haqqında diqqət olunası 10 həqiqət nələrdir?
Sevgi ilə bir yerdə olan evlilik hər iki tərəfin mənəvi inkişafına səbəb olar. Belə cütlər ruhi büluğa çatar və bir-birinin insani kamala çatmasına yardım edər. Hər bir ailə qurmaq istəyən cavanlar üçün 10 həqiqəti açıqlamaq istəyirik ki, onların gələcək ailə həyatı üçün çox faydalı olacaqdır.
1. Müvəffəq ailə münasib həyat yoldaşı tapmaqla başlamaz. 2. Bəzən cəzb olunduğunuz insan o kəs olur ki, siz həmişə ona bənzəməyinizi istəmisiniz və ya onunla rabitə qurmaq sizin üçün qeyri-mümkün olmuşdur. Bu cür insanla evlənmək sizi xoşbəxt etməz. 3. Bəzən insanlar maddi ehtiyaclarını dəf etmək üçün bir-birinin yanında yaşayırlar, yəni ailə qururlar. Ancaq həqiqət budur ki, bu ailələrdə sevgi bağları zəif olar. 4. Tənhalıq və zəif izzəti-nəfsə malik olmaq iki amildir ki, sizin sağlam olmayan rabitə qurmağınıza səbəb olar. Bu insanlar elə təsəvvür edər ki, sağlam olmayan bir rabitə tənhalıqdan daha yaxşıdır. 5. Adətən, qadınlar o kişilərlə ailə qurur ki, qadından asılı olmağı sevməz, yəni bir qədər əlçatmaz olar. ...
Paxıl insanın nişanələri. Paxıllığı müalicə etməyin yolları hansılardır?
İslam təlimlərində həsəd, küfrün köklərindən biri kimi tanıdılmışdır. İmam Sadiq (ə) buyurur: “Şeytan öz ordusuna deyər: “İnsanların arasına həsəd və təcavüzkarlıq salın, çünki bu ikisi Allah yanında şirkə bərabərdir””. Qədimdən deyirdilər ki, paxıl insan heç bir zaman rahatlğı tapmaz. Bu, həqiqətən də belədir. Həsəd aparan insan həmişə öz həsədinin əzab və əziyyətini çəkir. (Tebyan)
Paxıl insanın nişanəsi: Loğman oğluna buyurur: “Paxılın üç nişanəsi vardır: insanın arxasından qeybət edər, yaltaqlıq edər, başqalarının çətinliyinə sevinər”.
Bu xəstəliyi müalicə etməyin yolları: 1. İnsan gərək həsədin ruha, cismə, dinə vurduğu ziyanları tanısın və öyrənsin. 2. Allah Təalaya olan elmini və mərifətini artırsın. 3. Həsədin əksinə olan rəftarlar nümayiş etdirsin. 4. Allah Təalaya dua etsin və şəfasını Ondan istəsin.
Şeytanın (lən) ən çox istifadə etdiyi 4 an hansılardır?
İnsan həyatında bəzən elə şəraitlər yaranır ki, şeytan ondan silah kimi istifadə edir. İnsanın qatı düşməni hər an hazırlıqlıdır və öz nalayiq əməllərini hər an həyata keçirməyə cəhd edər. Ona görə də insan gərək hər an bu təhlükənin gələcəyini gözləsin. (Tebyan)
Biz gərək şeytanın ən çox istifadə etdiyi zaman və məkanları tanıyaq ki, onunla mübarizə apara bilək. Şeytanın ən çox istifadə etdiyi zamanlar və məkanlar ibarətdirlər:
1. Can verən zaman. 2. Gələcək nəslin təməlini qoyan zaman. 3. Sönük evlər. O evdə ki, İlahi ayələr oxunmaz və eşidilməz, həmin ev zülmətlidir və sönükdür. 4. Mömin sıralarını sındırar. Düşmən daima çalışır ki, müsəlmanların vəhdətini sındırsın və təfriqə yaratsın.
Müvəffəq olmağın rəmzi neçə hərfdir?
Müvəffəq olmağın rəmzi 5 hərfdən ibarətdir: Yəni Əxlaq. Əxlaq necə olur onu da aydınlaşdıraq:
- Məsuliyyətli olmaq. - Rəqabəti sevmək. - Sadiqdir. Riyakarlığa qarşı müxaliflik, - Başqalarına hörmət edər. - İctimai dəyərlərə hörmət edər. - Ədalət və insaf sahibidir. - Başqaları ilə həmdərd olar. - Vəfadardır. Öz vəzifəsinə sadiqdir. Başqalarının sirdaşıdır.
Hansı halda sükut etmək qadağandır?
İslamda bidət yaransa hər bir şəxsə, xüsusi ilə din alimlərinə vacibdir ki, haqqı deyib, batili inkar etsinlər. Din alimlərinin sükutu elm və İslam alimlərinə sui-zənnə səbəb olarsa, istənilən bir şəkildə haqqı bəyan etmək vacibdir. Bunun təsirsiz qalacağı bilinsə də, addım atılmalıdır. Düzgün ehtimal edilsə ki, sükut pis işin yaxşı, yaxşı işin pis iş kimi tanınması ilə nəticələnəcək, hamıya, xüsusi ilə İslam alimlərinə haqqı demək vacibdir və sükut yolverilməzdir. Əgər İslam alimlərinin və başqalarının sükutu zalımı gücləndirərsə və ya ona cəsarət verərsə, haqqı deyib batili inkar etmək vacibdir. Bunun təsiri ötəri olsa da addım atılmalıdır.
ÜÇ halda sükut etmək qadağandır: 1)-Әgәr İslаm dinindә bidәtlәr bаş vеrәrsә, hаmıyа, хüsusilә İslаm аlimlәrinә hаqqı izhаr, bаtili inkаr еtmәk vаcibdir. Әgәr аlimlәrin sükut еtmәlәri еlmin mәqаmınа hörmәtsizliyә, İslаm аlimlәrinә qаrşı sui-zәnnә sәbәb оlаrsа, mümkün оlаn hәr vаsitә ilә hаqqı izhаr еtmәk–hәttа tәsir еtmәcәyini bilsә dә, vаcibdir. 2) -Әgәr sükut еdilmәsinin münkәrin mәruf vә yа mәrufun münkәr оlmаsınа sәbәb оlаcаğınа sәhih еhtimаl vеrsәlәr, hаmıyа хüsusilә İslаm аlimlәrinә hаqqı izhаr vә оnun аşkаr еdilmәsi vаcibdir, sükut еtmәlәri isә cаiz dеyil. 3)-Әgәr İslаm аlimlәrinin sükut еtmәsi zаlımın güclәnmәsinә, tәsbit оlunmаsınа, sаir hаrаm işlәrә cürәtlәnmәsinә sәbәb оlаrsа, hаqqı izhаr, bаtili inkаr еtmәk–hәttа hаl-hаzırdа tәsiri оlmаsа dа vаcibdir.
Qurban bayramının hökümlərindən yazın?
Qurban bayramı ərəfəsindəyik. İslam dünyasının ən müqəddəs bayramlarından sayılan Qurban bayramının təqribən 3000 ildən çox tarixi vardır.Həzrəti İbrahim Peyğəmbərin (s) öz oğlu İsmayılı Allah yolunda qurban kəsmək niyyətini bildirən hadisə ilə əlaqələndirilir. Allah öz sevimlisi İbrahim Peyğəmbərin sadiqliyini sınamaq üçün ondan yeganə oğlu İsmayılı qurban kəsməyi tələb edir. Həzrəti İbrahim Peyğəmbər tərəddüd etmədən bu tələbi yerinə yetrərkən Allahın göndərdiyi mələk Cəbrail göydən yerə enərək onun əlini saxlayır. Mələk Allahın ondan razı qaldığını bildirir və İsmayılın əvəzinə Tanrının göndərdiyi qoyunu kəsməyi təklif edir. Din tarixində dərin iz salmış bu hadisə Allahın inamın, dərin etiqadın nümunəsidir. Həmin vaxtdan müsəlmanlar hər il ev heyvanlarından birini Allah yolunda kəsib, ona öz itaətkarlıqlarını bildirirlər. A) Kəsilən heyvanın şərtləri: 1) Əgər kəsilən qurbanlıq qoyundursa yeddi aylıqdan yuxarı, inəkdirsə bir ili tamamlayıb ikinci ilə daxil olmuş olsun. 2) Qurbanlıq heyvan nöqsansız və sağlam olsun. 3) Arıq olmasın.
B) Heyvanın başının kəsilməsində yeddi şərt vardır: 1) Kəsən şəxs müsəlman, 2) Heyvanın başını kəsən kəsici alət dəmirdən olmalıdır. 3) Heyvan üzü qibləyə, 4) Heyvanın başını kəsəndə “Bismillah” yaxud “Allahu Əkbər” desə kifayətdir. 5) Heyvan başı kəsiləndən sonra can vermiş olsun. 6) Heyvanın başı kəsiləndən sonra məmuli qayda da qan axmış olsun. 7) Boğazın kəsilməsi kəsmək qəsdi ilə olmalıdır.