7 tip insandan uzaq durun - MƏSLƏHƏT
7 tip insandan uzaq durun - MƏSLƏHƏT
1. \"Tənqidçilər\": Siz nəyi cazibəli bilirsiniz, onlar bunu maraqsız görürlər. Təhlükəlidirlər: Onlar dünyanı özlərinə uyğunlaşdırmaq istəyirlər, əsas da ətrafındakılardan başlayırlar. 2. \"Narsistlər\": Onlar özlərini sevər və dünyanın onların ətrafında döndüyünü düşünürlər. Təhlükəlidirlər: Onlar özlərinə sərf edən şeylərin olmasını istəyirlər. 3. Pessimistlər: Bunlar həyatlarında olan yaxşı şeyləri də qiymətləndirə bilmirlər. Əgər siz desəniz ki, bu gün hava çox gözəldir, onlar: \"nəyi gözəldir?! deyərlər. Təhlükəlidirlər: bu insanlar öz mənfi enerjiləri ilə sizin xoşbəxtliyinizi oğurlayarlar. 4. Manipulyatorlar: Bu insanlar başqalarını idarə etməkdə mütəxəssisdirlər. Təhlükəlidirlər: Bu insanlarla ünsiyyət sizin inanclarınızı zədələyə bilər. 5. \"Arzu öldürənlər\": Hər dəfə sizin arzularınız meydana gələndə onlar sizə bunun mümkünsüzlüyünü təlqin edirlər. Təhlükəlidirlər: Onlar asanlıqla sizin özünəinamınızı sındıra bilərlər. 6. İkiüzlülər: Süni insanlar... Sizə sizi sevdiklərini desələr də, arxanızca sizin axmaqlığınızı deyərlər. Təhlükəlidirlər: Çünki sizin həqiqətən ehtiyacınız olanda tək qoyarlar. 7. Hörmətsizlər: Onlar sizin fikirlərinizə məhv edər və həqiqətən də sizə sizi \"heç\" kimi hiss etdirər. Təhlükəlidirlər: bu insanlar əsla nəyinsə, sizin xətrinizə dəyəcəyini düşünməz və sizi pərt edərlər.
Həmd surəsinin tərbiyəvi dərsləri nələrdir?
Həmd surəsinin tərbiyəvi dərsləri:
1. İnsan “həmd” surəsinin tilavətində “Bismillah” deməklə Allahdan başqalarından ümidini kəsir. 2. “Rəbbil aləmin” və “Maliki yəvmiddin” deməklə hiss edir ki, o yaranmışdır, maliki var. Beləcə, eqoistlik və qüruru kənara qoyur. 3. İnsan “Aləmin” sözünü deməklə özü ilə varlıq aləmi arasında rabitə yaradır. 4. “Ər-Rəhmanir-Rəhim” deməklə insan özünü Allahın lütf kölgəsində bilir. 5. “Maliki yəvmiddin” deməklə qəflət və diqqətsizliyi öz gələcəyindən silib atmış olur. 6. “İyyakə nəbudu” deməklə riyakarlıq və şöhrətpərəstlik aradan götürülür. 7. “İyyakə nəstəin” deməklə fövqəl-qüdrətlərdən qorxuya son qoyulur. 8. “Ənəmtə” deyən insan anlayır ki, nemətlər Allahın əlindədir. 9. “İhdina” deməklə haqq və doğru yol istənilir. 10. “Siratəlləzinə ənəmtə ələyhim” deməklə insan haqq yolda olanlara bağlılığını elan edir. 11. “Ğəyril məğzubi ələyhim vələzzallin” deməklə batil və batil əhlindən uzaqlıq bildirilir.
Məhdəvi həyat tərzinin şərtləri hansilardir?
Bütün ilahi dinlərdə xilaskarın zühuruna etiqad var. Bəşəriyyət yarandığı gündən ədaləti bərpa edəcəyinə ümidlidir. Məhdəvi həyat tərzinin şərtləri:
1-Xilaskarın intizarında olan insan özünü islah etməlidir. 2-İntizarda olan (müntəzir) insanın əsas xüsusiyyətlərindən biri onun cəmiyyətdə mövcud vəziyyətdən razı olmamasıdır. İnsan o zaman narazı olur ki, ideal cəmiyyət haqqında təsəvvürü olsun. 3-İctimai-siyasi durumdan, ilahi normalar və meyarlardan agah olmayan insan necə intizar çəkər?! İnsan “cəmiyyət necə olmalıdır” sualının cavabını bilməsə mövcud vəziyyətdən nigaran olmaz. İmam Xomeyni (r) “Amerika İslamı” ifadəsini gündəmə gətirməklə Məhəmməd (s) İslamının çizgilərini çəkmiş oldu: biri mövcud vəziyyətlə barışmış İslam, o biri zülmə müqavimət göstərən İslam. İslam zülmə qarşıdır, 4-Xilaskarın zühuru yalnız ilahi qanunlar çərçivəsində gerçəkləşə bilər. Şiə məktəbi ardıcılının vəzifələrindən biri İmam Mehdinin (əc) zühuru üçün şərait yaratmaqdır. Həqiqi mömin fərd bu yolda özünün və cəmiyyətin islahına çalışmalı, ...
Xərçəngin 10 əlaməti nələrdir?
Xərçəngin 10 əlaməti:
1. Düşməyən qızdırma: 2. Gündən-günə artan yorğunluq: 3. Qalıcı öskürək: 4. Dəridə sağalmayan yaralar: 5. Udqunma problemi və xroniki səs alçalması: 6. Ağızın içində olan yaralar: 7. Sidikdə qan görülməsi: 8. Bilinməyən ağrılar: 9. Bədəndə şişkinliklər olması və ya dərinin sərtləşməsi Sinə daxil olmaqla müxtəlif xərçəng növlərinin əlamətidir. 10. Birdən-birə arıqlamaq:
Davamlı olan, səbəbi açıqlanmayan əlamətlər xərçəngin əlamətləri ola bilər. Həkimlər, \"Bədəninizdə yolunda getməyən bir şey varsa və uzun müddət davam edirsə, bunun normal bir vəziyyət olmadığını bilin. Bədəninizin səsini dinləyin. Erkən diaqnoz sayəsində həyatınız xilas ola bilər \"deyirlər\".
Balaca bir ağrının üstünə tez düşsəniz, xəstəliklərdən daha tez yaxa qurtarıb, rahat həyat yaşaya bilərsiniz. Hər bir xəstlik vaxtında müalicə olunursa, heç bir qorxusu yoxdur. Bunu unutmayın. Sağlamlığınızın qeydinə qalın. -atv.az
Neçə dəstənin namazları qəbul olunmaz?
Namazları qəbu olunmayan dəstələr:
1= Etinasızlar: İmam Sadiq (ə): Cəmiyyətin yoxsullarına etina göstərməyənlərin namazı qəbul deyil. 2= Haramxorlar: Həzrət Peyğəmbər (s): Haramxorların namazı çınqıl üzərində tikilmiş bina kimidir. 3= Evdə məsuliyyətsizlik edənlər: Allah Rəsulu (s): Ərinin qazancından faydalanan, lakin öz ilahi göstərişlərinə əməl etməyən qadının namazı qəbul deyil. 4= Zəkat verməyənlər: Bir gün Allahın rəsulu (s) doqquz nəfəri zəkat ödəmədiyi üçün məsciddən çıxardı, sonra namaza başladı. 5= Təqvasızlar: Təqvasızların, yetərli şəkildə səcdə və rüku etməyənlərin namazı qəbul deyil. 6= Haqin və haqib: Haqin və haqib sidik və nəcasəti saxlayıb, özünü çətinliyə salan və cismi zərərlərə düçar olan şəxsə deyilir. Bu iş sağlamlığa ziyan vurmaqla yanaşı namaz zamanı insanın diqqətinin yayınmasına və qəlb iştirakının aradan getməsinə səbəb olur. 7= Sevilməyən pişnamaz: Bəzən hansısa bir məsciddə xalqın qəbul etmədiyi və sevmədiyi bir pişnamaz şəxsi məqsədlə məscidi və ya məqamını tərk etmək istəmir. Təbiidir ki, bu hal camaat namazının süstləşməsinə, qarşıdurmaya səbəb olur. Rəvayətlərdə bu qəbil şəxslərin camaat namazının qəbul olmadığı bildirilir.
Ata-anası olmadan dünyaya gələn 6 varlıq hansılardır?
Bir gün Hz.Məhəmməd (s.ə.s) belə bir sual verirlər: Ya Peyğembər! Deyin görək hansı məxluqlar və nələr anası və atası olmadan dünyaya gəlib?
- Peyğəmbər (s.ə.s) bu suala belə cavab verərək 6 məxluqun belə olmasını sadaladı:
1- Bunlardan birincisi Adəm Peyğəmbərdir. Allah Təala onun yaratdığı cansız bədəninə ruh əta etmişdir. 2-İkinci ata və anası olmayan məxluq Həvvadır. ... 3-Üçüncü Saleh Peyğəmbərin dəvəsidir. 4-Dördüncü İbrahim veə İsmayıl Peyğəmbərə endirilən qoçdur. İsmailin qurbanlığı əvəzinə ... 5-Beşinci ata və anası olmayan məxluq Musa Peyğəmbərin əsasıdır ki, əjdahaya döndü sehirbazların düzəltdiklərinin hamısını uddu. 6- İsa Peyğəmbərin kafir qövmə göstərdiyi möcüzədir yarasanın yaradılması kimi ...
Qapıların qıfılını 40 günə qıran ziyarətdir bu?
Qapıların qıfılını 40 günə qıran ziyarət:
Təlaş kənarında təvəkkül, dua, raz-niyaz, təvəssül
Mərhum Ayətullah Həqşünas Ziyarəti-Aşuraya böyük diqqət yetirib və əksər müşküllərini bu yolla həll edib. Ziyarəti-Aşuranı necə oxumaq barədə Ayətullah Bürucerdinin göstərişlərinə əməl edib. Əvvəllcə 100 dəfə Allahi Əkbər, bir salam, bir lənət oxuyub. Ziyarəti-Aşuraya başlayıb və birinci lənətə qədər oxuyub. Sonra qalxıb 2 rəkət namaz qılıb, İmam Hüseynə (ə) hədiyyə edib. Yenə 100 dəfə təkbir deyib, ziyarətnaməni davam etdirib. 100 salam və lənətlə ziyarətnaməni bitirib, yenə 2 rəkət namaz qılıb. Bu əməli 40 gün davam etdirib və çətinlik aradan qalxıb.
...İranda şah dövründə siyasi fəaliyyətlərə görə hörmətli bir adamın qızı həbs edilir. Atası qızının həbsindən çox üzülür, nə qədər çalışırsa, qızı həbsdən qurtara bilmir. Ayətullah Həqşünas 40 günə həmin qızın asadlığına nail olur.
Həzrət Ayətullah Behcətin tövsiyə etdiyi dua ...
Həzrət ustad mərhum Ayətullah Behcətin tövsiyə etdiyi dua: Kimsə dünyadan necə gedəcəyini bilmir... Böyük alim, dəyərli arif Ayətullah Şeyx Məhəmmədtəqi Behcətin vəfat idönümü münasibətilə Cənab Rəhbərin mətbuat xidməti ustadın Ayətullah Xameneiyə tövsiyə etdiyi dua haqqında yazıb.
Dörd il öncə Qum Elm Hövzəsinin ustad və tələbələri ilə görüşdə bir hədisin şərhi zamanı Cənab Rəhbər, Ayətullah Behcətin tövsiyə etdiyi duanı yada saldı. Bu Qəriq duası idi: “Ya Əllah, ya Rəhman, ya Rəhim, ya muqəllibəl-qulub, səbbit qəlbi əla dinik” (یا الله یا رحمان یا رحیم یا مقلب القلوب ثبت قلبی علی دینک). Həmin vaxt Cənab Rəhbər buyurmuşdu: “Kimsə deyə bilər ki, bizim dinimiz möhkəmdir və bu dua imanda aşağı təbəqəyə aiddir. Əslində necədir? Hər bir insan öz iman mərtəbəsindən süqut edə bilər. Dua bunu nəzərdə tutur ki, Pərvərdigara, məni hazırkı iman məqamımda möhkəm qərar ver. İnsan ali iman dərəcəsinə qalxıb bu dərəcədə dayana bilsə həyatı şirin, ölümü rahat olar. Bizim üçün çətinliklərdən biri ölüm çətinliyidir. İmam Səccad (ə) Allah-Taaladan imanının hifzini istəyir. (امتنا مهتدین غیر ضالین، طائعین غیر مستکرهین غیر عاصین) Daim doğru yolda olmuş bir insanın belə dua etməsi göstərir ki, yol təhlükəlidir.
Alverdə baha satmaq haramdırmı?
Baha satmaq:
Ticarətin bəlalarından biri də baha satmaqdır. Baha satmaqdan əldə olunan pul haramdır. İmam Sadiq (ə) buyurur: “Mömini aldatmaq haramdır. Malın qiyməti barədə satıcının sözünə inanan şəxsi aldatmaq haramdır.”
Nəql edirlər ki, bir dükanda fərqli qiymətə libaslar vardı. Satıcı namaz zamanı məscidə getdi. Dükanda qardaşı oğlunu qoydu. Bir bədəvi ərəb dükana gəldi və 400 dirhəmlik libas istədi. Satıcının qardaşı oğlu ona 200 dirhəmlik libas verdi. Kişi bunu bəyənib aldı. Yolda satıcı ilə rastlaşdı. Satıcı libası neçəyə aldığını soruşdu. Kişi 400 dirhəmə aldığını dedi. Satıcı dedi ki, bunun qiyməti 200 dirhəmdən artıq deyil. Ona dedi ki, libası qaytarıb pulunu alsın. Bədəvi kişi dedi ki, bu libas bizim yerlərdə 500 dirhəmədir və mən razıyam. Satıcı dedi: “Din yolunda xeyirxahlıq bütün dünya malından yuxarıdır.” Sonra onu dükana apardı, 200 dirhəmini geri qaytardı. Qardaşı oğlunu bu işi gördüyünə görə danladı. Qardaşı oğlu dedi ki, alıcı bu alverdən razı idi. Satıcı dedi: “Özünə rəva bilmədiyini başqasına rəva bilirsən?!” Doğrudan da malın qiymətini gizləmək, satıcıya bildirməmək zülmdür. Tacir Allahı yaddan çıxarmamalı, insafı gözləməlidir. Müştərinin qiymətdən xəbərdar olub-olmaması mühüm deyil, əsas odur ki, Allah həqiqəti bilir. Sənə ruzi verən Allahdırsa, qiyməti bilən Allahın hüzurunda onu aldatma.
Ticarətdə möhtəkirlik nə deməkdir?
Möhtəkirlik
Bəyənilməyən yolla var-dövlət qazanmaq yollarından biri də möhtəkirlikdir. Möhtəkir bir malı yığıb saxlayır, xalqın ehtiyacı olduğu halda bazarda qıtlıq yaradır. Qiymətlər qalxdıqdan sonra həmin malı baha qiymətə satır. Buna möhtəkirlik deyirlər. İslam möhtəkirliyi qadağan edir, haram iş sayır. Çünki möhtəkirlik xalqa, müsəlman cəmiyyətinə zərərlidir. Əqli baxımdan da bu iş xoşa gələn deyil. İmam Sadiq (ə) buyurur: “Kim mənim ümmətim üçün bir gece bahalıq arzulasa Allah onun 40 il xeyir əməlini batil edər.” İslam dini malı toplayıb saxlamağı qadağan edir. Şəriət hakiminin ixtiyarı var ki, qanuni yolla möhtəkirliyin qarşısını alsın. Bu barədə Həzrət Əli (ə) Malik Əjdərə yazır: “Bazar əhli, tacirlər xalqın ehtiyaclarını ödəməkdə mühüm rol oynayırlar. Amma onların arasında elələri var ki dar baxışlıdır, pis müamilə edir, paxıldır, möhtəkirliklə məşğul olur. Yanlız öz xeyrini düşünür. Malı istədiyi qiymətə satır. Bu mənfəətpərəstlik və malın baha satılması bütün cəmiyyətə zərər vurur, hakim üçün böyük eybdir. Möhtəkirliyin qarşısını al. Həzrət Peyğəmbər (s) möhtəkirliyə yol verməyib. İslam cəmiyyətində alış-veriş ədalətlə yerinə yetirilməlidir, qiymətlər satıcı və alıcıya ziyan vurmamalıdır. Sən qadağan etdikdən sonra möhtəkirliyi davam etdirəni cəzalandır, başqalarına ibrət olsun.” ...