İmam Zaman ağanı (ə) Muhəmməd adı ilə çağırmaq olarmı?
Həzrət Peyğəmbərdən (s) gələn hədisdə oxuyuruq: “Məhdi (ə) – mənim övladlarımdandır. Onun adı mənim adım, künyəsi mənim künyəmdir”. İmam Zaman ağa (ə.f) buyurur: “Məlundur, məlundur o kəs ki, adımı insanların arasında çəkər”.
Bu hədisdən belə nəticə çıxartmaq olar ki, İmam Zaman ağanın (ə.f) adı Muhəmməddir. Ancaq onu bu adla çağırmaq olmaz.
Əgər yuxarıdakı hədislərə nəzər salsaq, başa düşə bilərik ki, İmamı (ə.f) adı ilə çağırmaq olmaz, nəinki Muhəmməd adını dilimizə gətirməyək. Məqsəd odur ki, nə zaman İmam Zaman ağanı (ə.f) çağırmaq istəsəniz, əsil adından istifadə etməyin.
Bəs səbəb nədir? Əgər İmamı (ə.f) adı ilə çağırsalar, İmamın (ə.f) canı üçün təhlükə ola bilər. Lakin əgər bir qədər düşünsək görərik ki, bu səbəb bizim dövrə aid deyildir, təqiyyə olan zamana aid edilir.
Ona görə də deyə bilərik ki, hədislərimiz bizə Muhəmməd adını dilimizə gətirməyi deyil, İmamı (ə.f) bu adla çağırmağımızı qadağan etmişdir. Ancaq bəzi fəqihlərin nəzərinə görə İmamı (ə.f) adı ilə çağırmağın heç bir çətinliyi yoxdur. Bu mövzu təqiyyə zamanına aid edilir. Hədislərimiz buyurur ki, suğra qeybi zamanı Əhli-Beyt (ə) davamçıları təqiyyə halında idilər.
İmam Əli (ə) 4 peyğəmbərdən bu cəhətlərə görə üstün oldu?
İmam Əlinin (ə) səhabəsi olan Səsəə ibn Suhan İmam Əlidən (ə) son anlarında eşidilməyən hədis deməyini xahiş etdi. İmam Əli (ə) Səsəə ibn Suhana buyurdu:
1-Mən İbrahimdən bu cəhətdən üstünəm ki O qiyamətin necəliyi haqda sual verdi Allaha. Mənim imanımın artmasına heç bir şeyə ehtiyac yoxdur.
2-İsa (ə)-dan üstünəm bu cəhətdən ki Məryəm (ə) xatun Allah evinə yaxınlaşanda deyildi ki burdan get müqəddəs yer xəstəxana deyil. Amma mənim Anam Fatimə binti Əsəd Kəbədə məni dünyaya gətirdi.
3-Musadan (ə) üstünəm buna görə ki O Firondan bir nəfəri öldürdü. Allah əmr edəndə ki Fironu və tayfanı hidayət et qorxuduğunu söylədi. Amma mən Qüreyşdən neçələrini öldürdüm. Amma məni Peyğəmbər Məkkəyə göndərəndə mən heç bir şeydən çəkinmədən getdim.
4-Adəmdən buna görə üstünəm ki Adəm (ə) buğda yeməməyə əmr olundu. Amma o buğda yedi. Mən isə çəkindirilmədən heç zaman Buğda yemədim.
Allaha iman gətirmiş şəxsi incitmək haqqında hədislərdə nə buyurulur?
Mömin şəxsi incitməyin günahlığı haqda məsumlardan hədislər:
1-Allahın Peyğəmbəri (s):«Mömini incidən şəxs şübhəsiz ki, məni incitmişdir.»
2-Allahın Peyğəmbəri (s):«Kim möminə onu qorxudan baxışlarla baxsa, Allah Öz kölgəsindən başqa bir kölgə olmayacaq gündə onu qorxudar.»
3-Allahın Peyğəmbəri (s):«Kim mömini kədərləndirsə və sonra dünyanı ona bağışlasa, bu işi onun günahının bağışlanmasına səbəb olmaz və bəxşişinin müqabilində ona savab verilməz.»
4-İmam Sadiq (ə):«Uca Allah buyurub ki, Mənim mömin bəndəmi incidən şəxs Mənə qarşı müharibə e’lan etsin.»
5-İncitməmək: Allahın Peyğəmbəri(s):«Camaatı incitmə! Çünki (başqalarını) incitməmək sənin özün üçün verdiyin sədəqədir.»
6-İncitməmək: İmam Sadiq (ə):«Kim camaatı incitməkdən əl çəksə onlardan bir əl çəkilər (onları incidənlərdən biri azalar), camaat isə çox əlləri ondan saxlayar.»
Söyüş söyməyin qəbahəti haqda məsumlar nə buyurmuşlar?
Söyüş söyməyin qəbahəti haqda məsumlardan bir neçə hədis: Söyüş söyməkdən çəkinmək.
1-Allahın Peyğəmbəri (s): «Elə bir şey olmayıb ki, çirkin sözlər danışmaq ona eyb gətirməsin.
2- Peyğəmbər (s): «Allah-taala cənnəti nə dediyindən və nə də eşitdiyindən qorxusu olan hər bir dili pis, həyasız söyüş söyənə haram etmişdir.»
3-Peyğəmbər (s): «Allahın ən pis bəndələrindən biri odur ki, söyüşkənliyinə və dilinin pisliyinə görə onunla yoldaşlıq xoşagəlməz olsun.»
4-İmam Əli (ə): «Böyük insan heç vaxt söyüş söyməz.»
5-İmam Baqir (ə): «Allahın pis dilli, söyüş söyəndən (və ya söyüşə qulaq asandan) acığı gələr.»
6-İmam Baqir (ə): «Alçaqların hərbə-zorbası çirkin sözlər danışmaqdır.»
7-İmam Sadiq (ə): «Söyüş söymək, dili pis olmaq və vəhşilik nifaqdandır (onun nişanələrindəndir)...
Dünya imam Mehdinin (əc) zühurundan sonra hansı müjdəli hadisələrlə üzləşəcək?
-Dünyanın vəziyyəti İmam Mehdinin (ə.c) zühurundan sonra:
1-Allahın Peyğəmbəri (s):«Ümmətimin sonuncusunun içində Mehdi qiyam edəcək. Allah ona yağış əta edəcək, yer otunu bitirəcək, malı tam və kamil şəkildə verəcək, heyvan və dördayaqlılar artacaq və ümmət başıuca və əzəmətli olacaq.» (Kənzul-Ummal, hədis 38700)
2-İmam Səccad (ə):«Bizim Qaimimiz qiyam edəndə Allah bəlanı bizim şiələrimizdən götürəcək, onların qəlblərini dəmir parçası kimi (möhkəm və qorxmaz) edəcək və onların hər birinə qırx kişinin gücünü verəcək. Onlar dünyanın ağa və başçısı olacaqlar.» (Mişkatul-ənvar, səh.79)
3-İmam Baqir (ə):«Qaim qiyam edəndə hər bir kinli düşmənə imanı təqdim edəcək. Əgər (həmin düşmən) səmimi qəlbdən iman gətirməsə boynu vurulacaq və ya bu günkü zimmə əhli (qeyri-müsəlmanlar) kimi cizyə (vergi) verəcək. Və həmin şəxslərin belinə qayış bağlayacaq və onları şəhərlərdən ətrafa və kəndlərə köçürəcəkdir.» (əl-Kafi, c.8, səh.227, hədis 288)
İmam Mehdi (ə)-nin gəlişi və möminlərin ondan bəhrələnməsi haqda hədislərdə nə gəlmişdir?
İmam Zamana (ə.c) aid 4 mövzuda hədis:
1-İmam Zamanın (ə.c) müjdəsi İ. Baqirin (ə) dilində: «Qiyam edəndə Kəbəyə söykənəcək və üç yüz on üç kişi onun ətrafında dövrə vuracaq. Deyəcəyi ilk kəlmə, bu ayə olacaq:«əgər imanınız olsa «bəqiyyətullah» sizin üçün daha xeyirlidir.» Sonra buyuracaq:«Mən «bəqiyyətullah»am, Onun sizin üzərinizdə olan höccət və canişini.» Ona salam göndərən hər bir kəs belə deyər:«Salam olsun sənə ey Allahın yer üzündə qalanı!»
2-İmam qeybdə olan zamanda dindarlığın çətin olması: Peyğəmbər (s) :«Məni haqq olaraq müjdəçi kimi göndərənə and olsun ki, o qeybdə olanda onun İmam olması əqidəsində möhkəm duranlar qırmızı kükürddən də az tapılarlar.»
3-Zühur üçün vaxt təyin edənlər yalançıdırlar. İ. Baqir (ə) Fuzeylin «zühurun vaxtı müəyyənləşdirilib?» sualının cavabında buyurmuşdur:«Vaxt qoyanlar yalan deyiblər, vaxt qoyanlar yalan deyiblər, vaxt qoyanlar yalan deyiblər!»
4-İmam qeybdə olan zaman insanların ondan bəhrələnməsi: İ. Mehdi (ə):«Mən qeybdə olan zaman məndən bəhrələnmək günəş buludun arxasında gözlərdən gizlin olanda ondan bəhrələnmək kimidir. Ulduzlar göy əhlinin əmin-amanlıq amili olduğu kimi mən də yer əhlinin əmin-amanlıq amiliyəm.
İmam Zaman ağanın (ə.f) mübarək dilindən İmam Hüseynin (ə) 10 xüsusiyyəti hansılardır?
İmam Məhdi (ə.f) cəddi haqqında buyurur: “Sən, ey Hüseyn! Allahın Rəsulu (ə) üçün övlad, Quran üçün sənəd, ümmət üçün qol idin. Allaha itaətdə çalışqan, əhd və peymana qarşı hafiz idin. Fasiqlərin yolundan üz çevirmisən, ah çəkmisən, zəhmət və əziyyətə düşmüş insanın ahını. Sənin səcdə və rükuların uzun idi, dünyada zahid və təqvalı idin”. İmam (ə.f) bu dəyərli kəlamları ilə bizə İmam Hüseynin (ə) on xüsusiyyətini tanıtmışdır.
1. İmam Hüseyn (ə) Peyğəmbərin (s) övladı idi. 2. O, Quranın sənədi və dayağı idi. Qurani-Kərim, İmam Hüseynin (ə) müqəddəs varlığına söykənərək yayılmağa başladı. 3. İmam (ə) ümmətin sınmaz qolu idi. İslam ümməti onun varlığı ilə daha qüdrətli və güclü idi. 4. İmam (ə) itaət yolunda çox çalışqan və səy göstərən idi.
5. Həzrət (ə) verdiyi sözə və bağladığı əhdə həmişə vəfalı olmuşdur. 6. O, fasiqlərin yolundan üz çevirmişdi və heç bir zaman onlara tərəf meyl etməmişdir. 7. İmam (ə) dərdli halda ah çəkir və onun bu ahı – zəhmətə və əziyyətə düşən insanın naləsi idi. 8. İmamın (ə) səcdə və rükusu uzun olardı və uzun müddət səcdə və rükuda qalardı. Belə görünür ki, İmam Zaman ağamız (ə.f) bu sözləri ilə İmam Hüseynin (ə) Məbuduna qarşı nə qədər aşiq olduğunu bildirmək istəmişdir...
Tanınmış səhabə İbni-Abbasın ən çox bəhrələndiyi hədis hansı rəvayətdir?
İslaminSesi – İnsanlar həyatda sevinc və kədərlə qarşılaşırlar. Onların sevinc meyarı, kədər və narahatçılıq meyarı da şəxsiyyətlərinə görə dəyişir. İnsanları əksəriyyətinin sevinc amili dünya və dünya malıdır. Bunu əksi də doğrudur. Onların kədər amillərinin əksəriyyəti də dünya və dünya malına görədir.
Bəs Allaha inanclı olan şəxs hansı işlərə sevinməli və hansı işlərdə kədərlənməlidir. Nəhcül-Bəlağədə 221-ci xütbədə deyilir:
“İbni Abbas deyir: Əmirəl-möminin Əli ibni Əbi-Talib həmişə bunu deyərdi və mən peyğəmbərin kəlamlarından sonra bunun qədər heç bir hədisdən bəhrə ala bilməmişəm. O (İmam) deyərdi: Bəzən kişi elə bir şeyin əldə edilməsinə görə sevinir ki onsuzda onu əldə edəcəkdi və bəzən də elə bir şeyə görə narahat olur ki onsuzda onu əldə edə bilməyəcəkdi (yəni insanın dünya malına görə boş yerə canfəşanlıq etməsi əbəsdir). Ey ibni Abbas sənin sevincin axirət üçün nəyisə əldə etdiyinə görə olsun! Və təəssüfün də axirət yolunda nəyisə itirdiyinə görə olsun”
İmam Mehdinin (əc) qeybdə olmasının fəlsəfəsi və Həzrətin yolunu gözləyənlərin vəzifəsi nədir?
İslamınSesinin suallarını ilahiyyatçı Vasif M. cavablandırıb: “İmam Zamanın (əc) zühurunun fəlsəfəsi, dünyada insanlığın və bəşəriyyətin arzusunda olduğu ideal, ədalətli dövlətdə yaşamın gerçəkləşməsidir. Hər bir insan haqq və ədalətin hakim olduğu bir dövlətdə yaşamağı arzulayır. Allah belə bir hakimiyyətin yalnız İmam Zamanın (əc) əli ilə gerçəkləşəcəyinə vədə verib. Yəni o həzrətdən başqa heç kəs bəşərin bu arzusunu həyata keçirməyə qadir ola bilməyəcək”. İmamın intizarında olan insanların vəzifəsinə gəlincə: “ İnsanlar İmam Mehdinin (əc) zühuru üçün bacardıqları qədər dua etsinlər. Eyni zamanda öz əməllərimizlə ağanın zühurunu tezləşdirə bilərik. İmam Zamanın (əc) öz naiblərindən birinin vasitəsi ilə göndərdiyi məktubda deyilir: “ Əgər bizim şiələrimiz və həqiqi intizarımızda olanlar zühurun tezləşməsini istəyirlərsə , gərək bağladıqları əhd-peymana sadiq qalsınlar. Bu Allaha olan bəndəçilik əhd-peymanıdır...
Gözəl səbir nədir? Səbrin hansı 3 növü var?
Gözəl səbir – o səbirdir ki, Allah üçün həyata keçər və davamlı olar. Ümidsizliyin ona yolu olmaz. Taqətsizlik, ah və nalə etməklə bir yerdə olmaz. Gözəl səbir – o səbirdir ki, insan həyatın ağır hadisələri və imtahanları qarşısında şəxsiyyətini nümayiş etdirər və ruhunun nə qədər geniş olduğunu göstərər.
Əxlaq elmində səbri müxtəlif cür şərh edirlər. 1. Səbir ibarətdir: nəfsi ağlın və dinin buyurduqlarına vadar etməkdən. Və ağlın və dinin qadağan etdiklərindən çəkindirməkdən. 2. Səbir – yəni, nəfsin çətinliklər və bəlalar zamanı sabitliyini saxlaması. Belə ki, dilini şikayət üçün açmasın, bədənini bəyənilməyən hərəkətlərdən saxlasın. 3. Səbir, yəni dini hədəflərin şeytani və nəfsani hədəflər qarşısında durmasıdır. Bu mənada ki, insan müsibət və çətinlik zamanı şeytanın (lən) vəsvəsələrinə müqavimət göstərər və Allaha itaət yolundan azmaz. Əziz Peyğəmbərimiz (s) buyurur: “Səbir üç növdür: müsibət zamanı səbir etmək, itaətə səbir etmək, günahı tərk etməyə səbir etmək”. Müsibətə səbir etmək – İlahi qürb məqamına çatmağın yollarından biridir.