Nə üçün hələ də xanım Zəhranın (s) qəbri gizlin qalmışdır? Amma imam Əlinin (ə) qəbri sonralarda olsa aşkarlandı?
İlk növbədə deməliyik: İmam Əlinin (ə) və xanım Zəhranın (s) qəbrlərinin gizli qalmaq səbəbləri eyni deyildir. İmam Əlinin (ə) qəbrinin gizli qalmaq səbəbi bu idi ki, cahil və ağılsız düşmənlər o həzrətin qəbrinə ehtiramsızlıq edə bilərdilər. amma sonralar Əhli- beyt (ə) məktəbi qüdrətlənir. İmama qarşı hörmətsizlik məsləhəti aradan getdi və o həzrətin qəbri hamı üçün aşkarlanır. Amma xanım Zəhranın (s) qəbrinin gizlin qalması. Xanımın öz vəsiyyəti əsasında idi. Bunun da əsas səbəbi: 1). Peyğəmbərdən sonra müsəlmanların vəfasızlığı. 2). Xəlifələrin Peyğəmbərin vəsiyyətinə əməl etməməsi. 3). Müsəlmanların Peyğəmbər ailəsinə qarşı təsəvvür olunmaz dərəcədə hörmətsizlik etmələri və sair. səbəblər olmuşdur.
Amma belə demək də olmaz ki, bütün bu saydıqlarımız xanımın (s) qəbrinin gizlin qalmasının əsas səbəbidir. Mümkündür bəzi səbəblər olsun ki, biz ondan xəbərsiz olaq.
Həzrət Zəhranın (s) şəxsiyyətinin hansı cəhətləri var?
Həzrət Zəhranın (s) şəxsiyyətinin müxtəlif əzəmətli cəhətləri var ki, onu bütün genişliyi ilə yalnız, çox dərin təhqiqat, təfəkkür və araşdırmadan sonra ələ gətirmək olar. O Həzrətin mənəviyyat və ilahiyyat sahəsindəki elm, rəftar, əxlaq və siyasi mübarizələri araşdırmaqla hədəfimizə çata bilərik. Şiə və sünnü alimlərinin kitablarının təsdiqinə əsasən, xanımlar xanımı Həzrəti Zəhranın (s) mənəvi və insani xüsusiyyətlərini qısa da olsa belə izah etmək olar: 1-Rifah və yüksək səviyyəli həyat tərzi keçirməyə imkanı olan halda, ən çox qənaət, az sərvət və xalis ibadətlə həyat tərzi sürməsi; 2-Özünün şiddətlə təama və sair şeylərə ehtiyacı olan halda, onları Allaha xatir möhtaclara verməklə fədakarlığı və səxavəti; 3-Allah-Taalanın dərgahında xalisanə şəkildə çox ibadət və itaətlə məşğul olması; 4-Qadınlar üçün iffət və həya nümunəsi; İslami örtüyün və örpəyin riayət olunmasında ən kamil qadın nümunəsi; 5-Bütün aləmlərin qadınlarının seiyyidəsi olmaqla, ən yüksək səviyyəli ilahi elmə və agahlığa malik olması. Nümunə üçün \"Fatimənin müshəfi\" adlı dərin mənalı ilahi kitabının olması; 6- Atası, İslam Peyğəmbərinin (səlləllahu ələyhi və alihi və səlləm) vəfatından sonra İmam Əlinin (əleyhissalam) vilayəti və İmaməti uğrunda ən yüksək səviyyədə siyasi və ictimai mübarizə aparması;
75 növ günahın nəticəsi haqqında İmam Səccadın (ə) hədisini yazın?
İmam Səccaddan (ə) nəql olunmuş bir rəvayəti yada salmaq yerinə düşər. Bu rəvayətə əsasən 75 günahın dünyəvi nəticəsi var. Onlardan bəziləri bunlardır: 1. Neməti kəsən günahlar: Xalqa sitəm, xalqa ehsan etməmək və s, 2. Peşmanlıq gətirən günahlar: mömini öldürmək, qohumlarla əlaqəni kəsmək və s, 3. Nemətləri puç edən günahlar: Bilərəkdən günaha yol vermək, xalqın haqqını tapdalamaq və s, 4. Ruzini azaldan günahlar: Yoxsulluq və ehtiyacın izharı, namazın qəzaya getməsinə səbəb olan yuxu və s, 5. Abırı-həyanı aparan günahlar: Şərab içmək, qumar oynamaq, mənasız iş, yersiz zarafat və s, 6. Bəla gətirən günahlar: Çətinlikə olan müsəlmana diqqətsizlik, məzluma yardım göstərməmək və s, 7. Düşmənin rişxəndinə səbəb olan günahlar: Aşkar zülm, göz qabağında günah, haramı halal bilmək və s, 8. Ölümü tezləşdirən günahlar: «Yaxınlarla əlaqəni kəsmək, yalan and və yalan danışmaq və s, 9. Ümidi qıran günahlar: Allahın mərhəmətinə ümidsizlik, Allahın lütfünə diqqətsizlik və s, 10. Havanı qaraldan günahlar: Sehr-cadu, ulduzların taleyə təsirinə inanmaq və s, 11. İffət pərdəsini yırtan günahlar: Qaytarmamaq məqsədi ilə borc almaq, israfçılıq və s, 12. Duaların qəbuluna mane olan günahlar: Pis niyyətlik, qəlbin çirkaba batması və s, 13. Yağışı kəsən günahlar: Hakimlərin zülmü, yalan şəhadət, şahidliyi gizləmək, zəkat və borcun qarşısını almaq və s,
Səhih Buxari mötəbər kitabdırmı? Nə üçün səqəleyn hədisi orada yoxdur?
Əlbəttə bu o demək deyil ki, əgər bir rəvayət səhih Buxaridə yoxdursa, deməli o hədis heç cür etimadlı deyildir. Belə ki, əhli- sünnətin özü də belə əqidəyə sahib deyildir. əgər belə olmasaydı bir çox fiqhi, kəlami vəs elmlərdə bu kitabın rəvayətlərindən savayı istəfadə edilməz və digər rəvayət kitablarını arxivə qoymaq lazım gələlərdi. Amma alimlərin kitablarını oxuduqdan sonra məlum olur ki, onlar müxtəlif mənbələrə istinad etmişlər.
Digər tərəfdən əhli- sünnət səhih Buxaridə olan bütün rəvayətləri qəbul edə bilməzlər. Çünki Quranın dəyişilməsi barəsində olan rəvayəti də qəbul etməli olarlar. İzah edilənlərdən sonra qeyd edə bilərik ki, doğrudur ki, səhih Buxari öz kitabında səqəleyn hədisinə işarə etməmişdir, amma bu kitabda bu hədisin olmaması onun etibarlılğına heç bir zərər yetirmir. Çünki bu hədis digər səhihlərdə və onların digər mötəbər kitablarında vardır. Misal üçün onların bəzisini qeyd edirik: - 1. Səhih Termizi, cild 5, səh 328, hədis 3874.[2] 2. Səhih Mslim, cil 7, səh 123.[3] 3. Sünən Darimi, cild 2, səh 432.[4] 4. Musnəde Əhməd bin Hənbəl, cild 3, səh 14, 17, 26 və 59: cild 4, səh 371.[5] (Qeyd etmək lazımdır ki, bu kitabın təlif olunma tarixi də əhli- sünnətə görə çox dəyərlidir və Səhih Buxarinin yazılışından öncə yazılmışdır ) ...
Qabilin qardaşı Habili öldürmə dastanı bizlərə hansı dərsləri verdi?
Adəm övladları, Qabilin qardaşı Habili öldürmə dastanın bizlərə ibrət və dərsləri:
1-Habil-xeyir, Qabil ise ser quvveni temsil edir.
2-Qabil Habile el qaldirsa da, Habil onun pisliyine pislikle cavab vermir, eksine, qardasina dail pislikden el cekib duzgun yasamagi tovsiye edir.
3-Habil qetle yetirilse de, qalib o olur ve ozune ebedi Cennet, seadet qazanir.
4-Qabil ise Habili yolundan goturse de, Allah terefinden cezalandirilir ve ozune ebedi bexbextlik qazanir.
5-Insan kimise qetle yetirmekle, kimise bedbext etmekle ozunu xosbext ede bilmez.
6-Insan ancaq qelbini saflasdirmaqla, gunah islerden cekinmekle ozunu xosbext ede biler.
7-Tarixde saysiz-hesabsiz Qabiller yasayib, yasayir da. Ancaq elde olunan var-dovlet, ad-san, vezife inani seadete yetisdire bilmir.
İmam Əlini (ə) kim və nə baxımdan yer üzünün dördüncü xəlifəsi adlandırmışdı?
İmam Əli (ə) həmişə Peyğəmbərlə (s) bir yerdə olmuş və İslam yolunda hər bir fədakarlığı əsirgəməmişdir. Bir gün Peyğəmbərə (s) buyurur: \"Ey Allahın Rəsulu! Bir dəfə Mədinə yolunda uzun boylu bir kişi ilə rastlaşmışdıq. Bu uzun boylu kişi böyük bir ehtiramla Peyğəmbərə (s) salam verir və halını soruşur. Sonra üzünü mənə çevirib, deyir: \"Allahın salamı sənə olsun, ey dördüncü xəlifə”. Sonra Peyğəmbərə (s) baxıb dedi ki: \"Məgər belə deyildir?”.
Həzrət Peyğəmbər (s) də onu təsdiq edir. Sonra bu qoca kişi çıxıb getdi. Onun siması çox nurlu idi və necə də böyük bir şəxsiyyət idi. Məni niyə dördüncü xəlifə adlandırdı? Ey Peyğəmbər (s)! Bu qoca kişinin dedikləri nə idi? Siz də onu təsdiq etdiniz”. Həzrət Peyğəmbər (s) buyurdu: \"O, düz söz deyirdi. Həqiqətən, sən onun dediyi insansan. Allah Quranda buyurur: \"Və (yadına sal) o zaman(ı) ki, Rəbbin mələklərə dedi: «Həqiqətən Mən yer üzündə bir canişin (Allahın oradakı nümayəndəsi, ya da oranın nəsli kəsilmiş qədim sakinlərinin canişini) qoyacağam». (\"Bəqərə” 30). Birinci xəlifə Həzrət Adəm (ə) idi. Quran buyurur: \"(Sonra dedik:) «Ey Davud! Biz səni yer üzündə (Öz) xəlifə(miz) etdik”. (\"Sad” 26). İkinci xəlifə Həzrət Davud (ə) idi. Quran buyurur: «Qövmümün içində canişinlik et, islahla məşğul ol və fəsad törədənlərin yoluna tabe olma». (\"Əraf” 142). Harun üçüncü xəlifə idi. ...
And içməyin neçə şərti var?
Andın bir neçə şərti vardır:
1. And içən şəxs, gərək baliğ və aqil olsun. Qəsd və ixtiyar üzündən and içsin. 2. And içib yerinə yetircəyi iş, gərək haram, ya məkruh olmasın və and içib tərk edəcəyi iş gərək vacib, ya müstəhəbb olmasın. 3. Allahın adlarından birinə and içsin ki, Onun müqəddəs zatından başqa o ad heç kəsə deyilməz, məsələn; «Allah», «Tanrı». Yaxud yalnız Allaha məxsus olan sifət və ya fe`llərlə (işlərlə) Allahı yad etsin, 4. Andı dilə gətirməlidir. Amma lal olan bir şəxs işarə ilə and içərsə, səhihdir. 5. Anda əməl etmək onun üçün mümkün olmalıdır.
Cəfəri məktəbinin baxışında kafir (və nəcis) şəxs kimdir?
Kafir (və nəcis):
1. Allahın varlığını inkar edən şəxs.
2. Allaha şərik qoşan şəxs.
3. Həzrət Məhəmmədin (s) nübüvvətini qəbul etməyən şəxs.
4. Yuxarıda qeyd etdiklərimizdən birində şəkk və şübhə edən şəxs.
5. Müsəlmanların zəruri yəni dinin bir parçası saydığı açıq, aydın hökmlərini inkar edən və İmamlara qarşı düşmənlik izhar edən xəvaric və nəvasib kimi şəxslər.
6-Ğulat olan şəxsdir, (İmam Əlini (ə) Allah məqamında bilənlər).
7-İlahi övliyalar olan Peyğəmbər və canişinlərinə hörmətsizlik edərək təhqir edən şəxsdir.
Cünub şəxsə haram və məkruh olan şeylər nələrdir?
=Məsələ 354: Cünuba beş şey haramdır: 1. Öz bədənindən hər hansı bir yeri Qur`anın yazısına ya Allahın adına (hansı dildə olsa) toxundurmaq. 2. Məscidul-Hərama və Peyğəmbər (s) məscidinə girmək. 3. Başqa məscidlərdə və vacib-ehtiyata əsasən İmamlar (ə.s)-ın hərəmlərində dayanmaq. 4. Lazım-ehtiyata əsasən, bir şeyi məscidə qoymaq, 5. Vacib səcdəsi olan ayələri oxumaq: «Səcdə/32-ci surə; «Fussilət/41-cu» surə; «Nəcm/53-ci» surə və «Ələq/96» surə.
=Məsələ 355: Doqquz şey cünuba məkruhdur: 1-2. Yemək-içmək. 3. Qur`anın vacib səcdəsi olmayan surələrdən yeddi ayədən artıq oxumaq. 4. Bədənindən hər hansı bir yerini Quranın cildinə toxundurmaq. 5. Quranı özü ilə, öz yanında gəzdirmək. 6. Yatmaq; amma dəstəmaz alsa və təyəmmüm etsə, məkruh deyil. 7. Həna və buna bənzər şeylərə boyanmaq. 8. Bədənə yağ çəkmək. 9. Möhtəlim olandan (yə`ni yuxuda məni xaric olandan) sonra cinsi əlaqədə olmaq.
Qeybətin gətirdiyi dünya və axirət bəlaları nələrdir?
Bəzi çirkin əməllərimiz insanlarla rabitəmizə mənfi təsir qoyar
Bu çirkin əməllərdən biri də qeybətdir. Qeybət elə bir şeydir ki, əgər həmin insan bu xəbəri eşitsə, xoş qarşılamaz. Yəni, sən kiminsə nöqsanını başqalarının yanında deyirsən. Bu nöqsan ola bilsin ki, əxlaq, rəftar və bədən eybləri olsun. Qeybət sırf dillə edilən bir əməl deyildir. Yazmaq və ya işarə etmək də qeybətə şamil edilir.
Həzrət Peyğəmbər (s) soruşur: “Bilirsinizmi ki, qeybət nədir?”. Deyirlər: “Xeyr”. Buyurur: “Qardaşını elə yada salmaqdır ki, əgər başa düşsə, narahat olar”. Soruşurlar: “Əgər o şeyi ki, deyirlər, qardaşımızda olsa belə?”. Buyurur: “Əgər o şeyi ki, deyirsən, onda olarsa, qeybət etmişsən, əgər onda olmazsa, böhtan atmısan”. İslamın tövsiyə etdiyi ən gözəl əxlaqi fəzilətlərindən biri budur ki, başqasının eybini gizlədək. Qeybətin gətirdiyi bəlaları iki dəstəyə bölmək olar:
A) Qeybətin mənəvi və axirət bəlası: 1. Yaxşı əməlləri məhv edər. 2. Allah vilayətindən xaric olar. 3. İnsanın inancı fasid olar. 4. İbadətin dəyəri azalar. 5. Əməlləri qəbul olmaz. 6. Behiştdən məhrum olar. 7. Mükafatı təxirə düşər. 8. Qiyamət günü çirkin şəkildə təcəssüm olar.
B) Qeybətin dünya bəlaları: 1. Abrı aparar. 2. Düşmənçilik yaradar. 3. Çirkinlikləri təbliğ edər.