Gözəl əxlaqlı olmaq üçün nə etmək lazımdır?
İmam Sadiq (ə) gözəl əxlaqın tərifində buyurur: “Xoş əxlaq odur ki, rəftarını mülayim edəsən, sözlərini pakizə edəsən, qardaşınla xoş üzlə görüşəsən”.
İslam dini daima öz davamçılarını rəftar və danışıqda mülayim və xoş olmağa dəvət edir. Kobudluğu və pis rəftarı həmişə məzəmmət etmişdir. Çünki bu yol - insanın müvəffəqiyyət və səadət yoludur. Bütün İlahi peyğəmbərlər (ə) insanların ürəyini məhz bu yoldan cəzb etmişdilər. Xoş əxlaq, gülər üz, mülayim və ürəyə yatan danışıq - İlahi övliyaların bariz sifətləri olmuşdur. Həzrət Peyğəmbər (s) özü bu sifətlərin ən bariz nümunəsidir. “Beləliklə, Allah tərəfindən olan rəhmətin bərəkəti sayəsində onlarla (öz ümmətinlə) mülayim oldun və əgər qaba və daşürəkli olsaydın, onlar mütləq sənin ətrafından dağılışardılar”. (“Ali-İmran” 159).
Bəs necə edək ki, gözəl əxlaqa malik ola bilək? 1. Gözəl əxlaqın dəyərinə və təsirlərinə diqqət etmək. 2. İnsanlıq hissini gücləndirmək. 3. Gözəl əxlaqı təmrin etmək. 4. Zarafatcıl olmaq.
Qadınlar ideal ərlərindən nəyi gözləyir?
Hər hər bir kişi üçün ideal qadın o qadındır ki, ev işlərindən xəbəri var və onu ən gözəl şəkildə yerinə yetirə bilir. Bundan başqa hər axşam işdən evə gələndə dadlı şam yeməyi ilə yanaşı, isti ailə mühitini də hiss etmək istəyər.
Qadın isə arzu edir ki, həyat yoldaşı ona aşiq olsun və onu himayə etsin. O zaman ki, işdən evə gəlir, ona bir gül alsın və ya bir şirin söz desin.
Bu gün qadınların ideallıq meyarları dəyişmişdir. Belə ki, bu gün qadınlar evdən xaricdə çalışdıqları üçün ərlərindən gözləntiləri daha çoxdur. Onlar istəyir ki, ərləri onlara ev işlərini yerinə yetirməkdə yardım etsin. İndi kişilərin aldığı əmək haqqı bəzən evin ehtiyaclarını təmin etmədiyinə görə, qadınlar da çalışmağa məcbur olurlar. Belə olan zaman həm bayırda və həm də evdə ağır vəzifə altına girmək onları sarsıdır. ...
Müvəffəq həyat yoldaşı olmaq üçün sadə addımlar nələrdir?
Bütün kişi və qadınlar istəyir ki, bir-biri ilə səmimi rabitə qursunlar. Lakin bu hədəfə çatmaq yollarını bilmirlər. Bəzən də elə düşünürlər ki, bu, əlçatmaz bu hədəfdir. Mütəxəssislərin bizə tövsiyə etdiklərinə işarə edək:
1. Gözləntiniz olmadan bir-birinizin yanında yaşayın. Əgər həyat yoldaşınızdan gözləntiniz olmasa, onun sizi şad etmək üçün etdiyi hər bir səy sizin üçün qiymətli olar. 2. İradlarınızı aradan qaldırın. Həyat yoldaşınıza irad tutmazdan əvvəl, öz eyblərinizə diqqət edin. 3. Sakitliyinizi qoruyun. O zaman ki, həyat yoldaşınız hansısa işi ilə sizi narahat edirsə, fasiləsiz reaksiya göstərməyin. 4. Özünüzü unutmayın. Bəzi insanlar ailə qurandan sonra özlərini unudurlar. Şəxsi həyatda inkişaf etmək üçün səy göstərin. 5. Həyat yoldaşınızın ehtiyaclarına qarşı həssas olun. Bir-birinizlə söhbət etmək üçün vaxt ayırın.
400 peyğəmbərə (ə) xidmət edən şəxsin tövsiyələri nələrdir?
Loqmanın (ə) ovladına buyurduğu nəsihətlərindən:
Oğul! Mən 400 peyğəmbərin qulluğunda dayandım, onların sözlərindən 4 sözü seçmişəm:
1-Namaza duran halda, qəlbinin namazı dərk etməyə hazırlığına diqqət et,
2-Süfrə arxasında əyləşəndə boğazını (haramlardan) qoru,
3-Başqasının evinə gedən zaman, gözüvü (naməhrəmə baxmaqdan) qoru,
4-İnsanların arasında olanda isə dilini qoru,
Yeni doğulmuş uşağla bağlı sünnətlərdən yazın?
İslam dinində insanın həyatına aid olan məsələlərdə xoşbəxtlik və nəticəsi faydalı olan qanunlar gəlmişdir. Yəni insanın özünə və ailəsini hidayət edən dusturların hamısını ehtiyacları təmin etmək üçün əldə etmək mümkündür. Eləcə də, ailədə yeni doğulmuş uşağla bağlı İslam maarifində sünnətlər gəlmişdir, bir neçəsinə işarə edirik: 1-Yeni doğulmuş uşağın iki qulağın azan və iqamə demək müstəhəbdir. 2-Müstəhəbdir ki, uşağın qulaqlarına azan və iqamə oxunmazdan öncə körpənin ağzının dadını xurma ilə tanış etsinlər. 3-Yeni doğulmuş uşağ üçün əqiqə (yəni qurban kəsmək) müstəhəbdir. 4-İmam Sadiq (ə) buyurur: Əqiqənin (kəsilmiş qurban ətinin) ətini valideyinlərin yeməsi bəyənilmir. 5-İslam təlimlərinə əsasən oğlan uşağı doğulmasından 7 gün sonra sünnət olunmalıdır. 6-Oğlan uşağın sünnət olunan vaxtda nəql olunan duanın oxunması bəyənilir. 7-Uşağı dünyaya gətirən ana üçün müstəhəbdir ki, birinci yeməyi xurma olsun. 8-Yeni doğulmuş uşağı ağ parçaya bükülməsi müstəhəbdir, 9-Müstəhəbdir ki, uşağın saçı 7 ci günündən sonra qırxılsın. Saçının çəkisi qədərində gümüş və ya qızıl Allah yolunda sədəqə verilsin. 10-Müstəhəbdir ki, əgər körpə qızdırsa 7-ci günündə qulağının yumşaq tikəsində sırğa üçün dəlik açılsın.
Övlad tərbiyəsinə dair Loğmanın 10 tövsiyəsi nələrdir?
Quran dini tərbiyəni Loğmanın dilindən bəyan edir və Loğman öz oğluna 10 dəyərli nəsihət verir:
1. Rəhman Allahla gözəl rabitə. 2. Valideynə ehtiram qoymaq. 3. Məadı unutmamaq, 4. Namaz qılmağa tövsiyə, 5. Əmr-be-məruf və nəhy-əz-münkər. ”Yaxşı işlərə dəvət və pis işlərdən çəkindirməyin zərurəti). 6. Səbir çətinliklər qarşısında, 7. İnsansevərlik (cammata təhqirgözlə baxmamaq). 8. Təvazökarlıq. (lovğalıq zəlilik gətirəndir dərsini öyrətmək). 9. Mötədil olmalı. (artıq istəməkdən çəkinib, geridə qalmamağa çalışmaq). 10. Sakit danışmaq. (heyvani rəftat və danışıq Allahsevən deyil),
Həzrət Məhdinin (ə.f) 313 səhabəsinin neçəsi qadın olacaq?
Həzrət Məhdinin (ə.f) 313 səhabəsinin 50-si qadın olacaq. İmam Zaman ağa (ə.f) zühur edən zaman 313 nəfərlə zühur edəcəkdir. Hədislərdə bu insanların xüsusiyyətləri və sifətləri zikr edilmişdir ki, onlardan bəzisinə işarə edək.
İmam Baqir (ə) buyurur: “Bədr əhli qədər insan Qaimlə (ə.f) beyət edər. Onların içərisində Misir əhlindən olan nəciblər, Şam əhlindən olan xeyirxahlar, İraq əhlindən olan nəciblər vardır ki, dini Allah istədiyi qədər bərpa edəcəklər”. İmam Əli (ə) Həzrət Məhdinin (ə) dostlarının xüsusiyyətləri haqqında buyurur: “Məhdinin (ə.f) dostları cavandırlar. Onların arasında qoca yoxdur”. İmam Sadiq (ə) buyurur: “Qaim İmamın (ə.f) səhabələri anidən gecə yataqlarından qeyb olar və səhəri Məkkədə olarlar. Onların bəzisi küləklərin arasında hərəkət edər. Adları, atalarının adı, sima və qiyafələri tanınmış olar”. İmam Baqir (ə) buyurur: “Allaha and olsun ki, 313 nəfər onun yanına gələr ki, onun 50-si qadındır”. davamını oxuyun ...
İmam Məhdinin (ə.f.) inqilabı üçün hansı şərtlər lazımdır?
İmam Məhdinin (ə.f.) inqilabı üçün dörd şərt lazımdır:
1. Mükəmməl qanun. yəni: yaxşı bir inqilabın iki proqrama ehtiyacı vardır: 1.Mövcud vəziyyəti aradan qaldırmaq üçün proqram. 2. Cəmiyyətin yaxşı bir vəziyyətə tərəf hərəkət etməsi üçün münasib qanun. Həzrət Məhdi (ə.f.) qiyamı üçün bu şərtlər də lazımdır.
2. Rəhbərlik. Bir inqilabın meydana gəlməsi üçün lazım olan şərtlərdən biri də agah bir rəhbərə malik olmaqdır. O, hədəfləri və maneələri yaxşı tanımalıdır.
3. Dostlar. Bir inqilabın başqa bir şərti isə fədakar tərəfdaşların olmasıdır. Onlar rəhbərlərinin hədəflərini və əqidəsini bilir və həyatlarının sonuna qədər inqilab rəhbərindən əl çəkmirlər. Hər cür fədakarlığa hazırdırlar.
4. Ümumi hazırlıq. Bir inqilabın baş tutmasında lazım olan şərtlərdən biri də insanların bu inqilabı qəbul etməsidir. Əgər insanlar onu istəməslər, o, alınmaz. Buna bariz nümunə Kərbəla qiyamıdır. (Qeyd etdiyimiz dörd şərtin ikisi hazırdır. Ancaq üçüncü və dördüncü şərtlər hazırdırmı? Görəsən İmamın (ə.f.) tərəfdaşları kifayət qədərdimi? İnsanlar bu inqlabı qəbul edəcəklərmi?)
İmam Zaman ağa (ə.f) hansı ailəni bəyənir?
Ailə öz etiqad üsulu ilə sabahkı cəmiyyətin etiqadını müəyyən edər. Evin rəhbəri olan ata gərək İlahi riza yolunda səy göstərsin və Vəliyyi-Əsrini (ə.f) tanıyıb, ona itaət edən olsun. Əgər ata və ana İmam Zaman ağanın (ə.f) razılığını əldə etmək üçün səy göstərərsə, İmamın (ə.f) ruhu həmin ailədə təcəlli edər. Məhdi (ə.f) ailəsi o ailədir ki, İmam Zamanın (ə.f) varlığını dərk edərək, rəftarlarını onun razılığını əldə edəcək şəkildə tənzim edərlər. Hədəfləri - İmamın (ə.f) hədəfi olar, ibadətləri - İmamın (ə.f) ibadətinə bənzəyər, bəndəlikləri - İmamın (ə.f) bəndəliyini yada salar.
İslam dedikdə, Quran və Əhli-Beyt (ə) nəzərdə tutulur. İslam dininin əsasında Allah rizası durur. Haqq yolu ilə həqiqətə çatmaq. Ona görə də hər bir müsəlman öz qidasına diqqət edərsə, öz ruzisini halallığına diqqət edərsə, mötədil olmağa çalışarsa, infaq edərsə, İmama (ə.f) layiq müsəlman ola bilər. Əgər yediklərimiz Allahın bəyəndiyi olarsa, əgər ətrafımızda olan insanlara qarşı laqeyd olmarıqsa, əgər ibadətimizdə təvazökar olarıqsa, ruhi rahatlığa və ürək əminliyinə çatarıq. Çünki biz pak qidalarla bədənimizi gücləndirib ruhumuzu paklaşdırarıq və bu zaman da hər bir əməlimizə nəzarət edər və İmamın (ə.f) bəyəndikərini etməyə çalışarıq. - Beləliklə deyə bilərik ki, əgər ailəmizin Həzrət Məhdiyə (ə) layiq olmasını istəyiriksə, gərək onun bəyəndiyi və razı qaldığı işlər görək, rəftar nümayiş etdirək. Bu yolda ailənin rolu mühümdür.
Loğman (ə) necə hikmətli şəxsiyyətə çevrildi?
Loğmanın (ə) həyatında əsas məsələ budur ki, belə bir şəxsiyyət hikməti qazanmaqda hansı sektora malik idi. Başqa sözlə desək: Bu suala cavab vermək lazımdır ki, Loğman nə əməl sahibi idi ki, Allah Taala onu hikmət nemətindən bəhrələnməyi nəsib etdi? Əgər bu sirr açılsa başqaları da öz zamanlarında Loğmanın sünnətinə əməl etməklə bu məqama nail ola bilərlər.Bu sualın qısa cavabı budur ki, Hikmət nuru, ilahi sünnətə söykənərək özünəməxsus başlanğıc əməllərə bağlıdır. Onların ən əsası: İman, ixlas, saleh əməl etmək, zahidlik və halal ruzidən istifadədir.
Hikməti qazanmağın ən əsas reseptini İmam Əli (ə) kəlamında tapmaq olar, O həzrət buyurur: “Hər kim qırx gün ixlasla əməl etsə, halal yesə, günləri oruc tutsa, gecələri oyaq qalsa, Munəzzəh Allah, onun qəlbində olan hikmət bulaqlarını dilinə axıdar”. “Mustənəde Zeyb İdn Əli” kitabı, səh: 384
Loğman (ə) buyurur: Düz danışmaq, əmanətdarlıq, mənə aid olmayan işlərdən uzaq durmaq, dilimi qorumaq, yeməyimin paklığı və halallığı. Bundan sonra hər kim bu əməllərdən az etdisə, məndən aşağıdakı məqamda qaldı. Hər kim bu əməllərdə öncül oldusa məndən öncə keçdi. Hər kim mənim kimi əməl etdisə mənim məqamıma çatdı. (“Tənbihul Xəvatir” kitabı, cild: 2, səh: 230; Bihar əl-Ənvar, cild: 13, səh: 21). ...