Hicabda çənənin altını örtmək barədə bütün müctəhidlərin baxışını yazın?
Hicabda çənənin altını örtmək barədə bir neçə müctəhidin baxışını:
İmam Xomeyni, Ayətullah əl-üzma Bəhcət,Təbrizi, Xamenei, Fazil və Məkarim həzrətləri:
Çənənin altının, boğazın, qulağın, sinənin və biləyə qədər qolun yuxarı tərəfdən açıq olması qadınlar üçün icazəli deyildir və bu yerləri də naməhrəmdən örtməlidirlər.
Ayətullah əl-üzma Sistani: Çənənin alt tərəfinin adətən məqnə, yaxud rusəri (yaylıq) örtdükləri zaman adətən açıq qalan miqdardan əlavə hissələri, eləcə də boyunun, qulağın, sinənin və əllərin biləkdən yuxarı hissəsnin görünməsi qadınlar üçün icazəli deyil.
Orucun hökmlərindən 8 məsələ:
Orucun hökmlərindən 8 məsələ:
1- Orucun vacib olmasının birinci şərti həddi büluğa çatmaqdır, Sırf zəiflik üzündən bir nəfər tuta bilməsə onun qəzası boynunda qalır, 2-Yenicə həddi buluğa çatmış qızların həddi buluğ yaşı 9 yaş hicri qəməri tarixi ilə hesablanır, oruc vacib olan halda o günü oruc tutacaq, Amma orucu tutmaq gündüzlər onlara zərər yеtirsə və ya dözülməz vəziyyət yaratsa, onda onlara oruc açmağa icazə vеrilir. 3-Orucun nə zaman vacib olduğunu bilməyən şəxs elə həddi buluğ yaşından qəzasını tutmalıdır. 4-Zərər qorxusu gümanı ilə oruc tutmayan və ya orucunu pozan şəxsə fərz olunan halda ona qəzadan əlavə kəffarə də vacib olar. 5- Səfərə gеtmək üzrü ilə ramazan ayının orucunu tutmayan və üzrü növbəti ramazan ayına qədər davam еdən şəxsə təkcə qəza vacibdir və fidyə lazım dеyildir. 6-Oruclu halda irtimasi qüsl onun oruc olmasını unutması və yaddan çıxarması ucbatından olsa, onda oruc və qüslü düzgündür və orucunun qəzası vacib dеyildir. 7-Qadın xəstəlikləri oruc saatlarının hansı vaxtında olsa oruc batil olur. 8-Vacib oruc qəzası olan şəxsə müstəhəb oruc tutmağa icazə verilmir.
Müntəzir xanımların xüsusiyyətləri hansılardır?
Xanımlar – zəirf və incə məxluqlardırlar. Ancaq unutmaq lazım deyildir ki, sadəcə hisslərlə yaşamaq kifayət deyildir. Həyatda çox zaman hissləri kənara qoyub, ağılla qərar çıxartmaq lazımdır. İmam Zaman ağanın (ə.f) intizarında olan xanım – o xanımdır ki, müştərək həyatda öz həyat yoldaşı ilə həm ağılla rəftar edər, həm də hissləri ilə. (Tebyan) Bəs intizarda olan xanım necə olmalıdır?
1. Həyat yoldaşına itaət etməlidir. İmam Əli (ə): “Allaha and olsun ki, o zaman ki, Zəhrayi-Mərziyyə (s.ə) sağ idi, heç bir mövzuda mənə itaətsizlik etməzdi”. 2. Allaha itaətdə ən yaxşı yavərdir. İmam Əli (ə) buyurmuşdu: “Həyat yoldaşım Allaha itaət və bəndəlik yolunda ən yaxşı yavərimdir”. 3. Ərindən gücü çatanı istəmək. Həzrət Zəhra (s.ə): \"Ey Əbəl Həsən! Aləmlərin Pərvərdigarından həya edirəm ki, sizdən elə bir işi istəyim ki, gücünüz çatan deyildir”. 4. Həyat yoldaşını gözəl adlarla çağırmaq. Həzrət Fatimə (s.ə) buyurardı: “Ey Əbəl Həsən! Canım sənə fəda olsun və özüm qurban olum”. 5. Yaxşı qadın xüsusiyyətləri. İmam Əli (ə) buyurur: “Ən yaxşı qadının beş sifəti olar: güzəştli, mülayim, uyğunlaşan, əri qəzəblənən zaman onu razı salmağa çalışan, əri olmayan zaman malını və abrını qoruyan”.
İmam Zaman ağanı (ə.f) tanımaq üçün 10 pillə hansılardır?
İmam Əli (ə) bizlərə nəsihətində buyurmuşdur: “Canlarınıza zərif hikmətlərlə ruh bəxş edin. Çünki onlar da bədənlər kimi yorulur”. İmam Zaman ağa (ə.f) hər bir Əhli-beyt (ə) davamçısının İmamıdır və onu tanımaq üçün bir-bir nərdivanın pillələni qalxmalıyıq. (Tebyan)
Bu yolda Üveys Qəraninin tövsiyələrinə diqqət edək. O, da İmamını görməmiş, ancaq ona çatmışdır. 1. Allahla ünsiyyət. Bir nəfər Üveysə deyir: “İstəyirəm ki, səninlə həmsöhbət olum və səninlə ünsiyyət qurum”. Üveys deyir: “Sübhənallah! Təəccüb edirəm o kəsə ki, Allahı tanıyır və Allahla olmaqdan qəflət edir”. İnsanın munisə ehtiyacı vardır. Allah Təala - insanın daimi Munisidir. Hər bir zaman və hər bir yerdə insan Onun həmsöhbəti ola bilir. 2. Quranla yaxın olmaq. Üveys deyir: “Heç kəs Quranın yoldaşı olmaz, məgər ayağa qalxan zaman o kəsə bir şey əlavə olar və ya ondan bir şey əskilər. Quran möminlər üçün şəfa və rəhmətdir. Zalımlara ziyan və xusranı artırar”. 3. Nəsihəti eşitmək. 4. Ürəyi yetişdirmək. 5. Günahı tanımaq. 6. Ölümə inam. 7. Axirət azuqəsi. 8. Xoşbəxtlik məcunu. 9. İctimai məsuliyyət. 10. Vilayəti qəbul etmək.
Allah eşqinə mane olan pərdələri kənara atmaq üçün nələr etmək lazımdır?
Allahın eşqini isə qəlb gözü qarşısındakı pərdələri açmadan görmək mümkün deyil. Bu hicabı hansı yollarla kənara çəkmək üçün yollar:
1. Allahın sifətlərini düşünmək; 2. Etiqadi kitablar oxumaq; 3. İstər Əhli-Beytdən (ə) nəql olunmuş dua və minacatlarla, istərsə səmimanə şəkildə Allahla söhbət etmək; 4. Gündəlik işlərdə Allahın razılığını düşünmək, Onunla danışıb, Onun razılığını qazanıb addım atmaq; 5. Bir ömür həyatını ilahi eşqi qazanmağa sərf etmiş arif və övliyaların həyatını mütaliə etmək; 6. İmam və övliyaların ziyarətinə getmək; 7. Namaz, oruc, sədəqə kimi xeyir işlər görmək. Naqis də olsa Allah övliyalarına ziyarət hədiyyəsi vermək.
İlahi məhəbbətə çatdıran amillər hansılardır?
İlahi məhəbbətin əldə olunmasında mərifət və ibadət ən təsirli amillərdir. İlk addımda məhəbbət mərifətlə şərtlənir. Məhbubu tanımadan sevmək olmaz. Bir az da dərinə getsək, ibadət daha artıq mərifət və məhəbbət əldə etməyə köməkçi olur. İlahi məhəbbəti gücləndirmək üçün ariflərin tövsiyələrini yada salaq:
1. Xüsusi şəraitdə gözəl və həzin səslə Quran oxumaq; 2. Allah barədə düşünmək və onun zikrini davamlı etmək; 3. İlahi nemətlərə diqqət. Bu diqqət Allahın rəhmət və məhəbbətini görməyə kömək edir; 4. Yaranışdakı gözəlliklər və qəribəliklərin mütaliəsi; 5. Əhli-Beyt (ə), övliyalar, Allah dostları ilə ruhi və mənəvi rabitə; 6. Zikr, övliyalarla ünsiyyət məclislərində iştirak etmək; 7. Mərifət və eşq əhlinin əsərlərini, şeirlərini oxumaq.
Namazın qəbul olmasının 6 şərti nələrdir?
Hədislərdə oxuyuruq ki, bəzi günahlar, o cümlədən: şərab içmək, qeybət etmək, zina kimi iyrənc işlər namazın qəbul olmasına mane olar. Hədislərimizdə saleh əməllərin və namazın qəbul olmasının şərtləri vardır ki, onlara nəzər salaq. (Tebyan)
1-ci şərt: Allaha iman bəsləmək. “Kim iman gətirməli olduğu şeyə kafir olsa, həqiqətən onun əməli puç olub ... “Maidə/5\". 2-ci şərt: Vilayət. İmam Baqir (ə) buyurur: “Hər kimin Allaha imanı vardır və taqəti çatan ibadətləri də yerinə yetirir, ancaq Allah tərəfindən İmamı olmazsa - səyləri faydasızdır”. 3-cü şərt: a). Təqva. b). Namazda qəlb hüzuru. İmam Baqir (ə) buyurur: “Namazda diqqətiniz Allahda olsun, çünki namazda o miqdar qəbul olar ki, sən ona diqqət etmisən”. 4-cü şərt: a). İnsanların haqqını əda etmək. İmam Riza (ə): “Hər kim namaz qılar, ancaq zəkat verməzsə namazı qəbul olmaz”. b). Halal və mübah əşya. İmam Əli (ə): “Ey Kumeyl! Nəzər salıb bax gör, nəyin üzərində namaz qılırsan və nəyin üzərində namaza dayanmısan. Əgər namaz üçün istifadə etdiyin şey halal və mübah deyildirsə, namazın qəbul deyildir”. 5-ci şərt: Başqalarına qarşı xeyirxah olmaq. İmam Sadiq (ə) buyurur: “Allah Təala buyurub: “O kəsin namazını qəbul edərəm ki, ... Bəndələrimə lovğalanmaz və aca yemək verər, paltarsızı geyindirər, müsibət görənə mehribanlıq edər və qəribə pənah verər”. 6-ncı şərt: Xoşrəftar olmaq, Həzrət Peyğəmbər (s) buyurur: “Hər kimin əxlaqsız və əziyyətverən arvadı olar, Allah həmin qadının namaz və yaxşı işlərini qəbul etməz”.
Övliyaların məqamına çatmaq üçün İmam Səccad (ə) hansı tövsiyələri buyurur?
İmam Səccadın (ə) bir çox məktub şəklində olan moizələri vardır. Bu məktublardan birini İmam Baqir (ə) bizlərə belə təqdim edir. Bu məktub Quran ayəsi ilə başlayır: “Bilin ki, şübhəsiz, Allahın dostları və yaxınları üçün (axirət aləmində) nə bir qorxu var və (onlar) nə də qəmgin olarlar”. (“Yunus” 62).
Bu ayədən belə görünür ki, əziz İmam (ə) İlahi övliyalar haqqında söz açacaqdır. Bu, elə bir məqamdır ki, ona çatan hər bir insana nə bir qorxu olar və nə də axirətləri üçün qəmgin olarlar. Bu, elə bir məqamdır ki, Allaha ona görə həyatlarına bərəkət verər və Qiyamətləri üçün savabı qoruyub saxlayar. Bu məqama çatmaq üçün İmam (ə) bizə yollar göstərir. Bəs bu yollar hansıdır? 1. İlahi vacibata əməl etmək. 2. Peyğəmbər (s) sünnətinə əməl etmək. 3. Günahdan çəkinmək. 4. Dünyadan əl çəkmək. 5. Halal ruzi qazanmaq üçün səy göstərmək. 6. Allah yolunda infaq etmək.
Meysəm Təmmar Əmirəlmöminin (ə) səhabəsi sirlər bilicisi olub!
Əvvəldə qeyd etdiyimiz kimi, Meysəm bir çox gələcək hadisələrdən xəbərdar olmuşdur. O öncədən xəbərlər vermiş, gizli sirlərdən məlumatlı olmuşdur. Meysəm bağlı naməni oxuyur və eşitmədiyi sirri danışardı. Bütün bunları mövlası Əlidən (ə) öyrənmişdi. Özünün və başqalarının taleyindən xəbərdarlıq, gələcəkdə baş verəcək hadisələr haqqında agahlıq, onun Həzrət Əlidən (ə) öyrəndiyi elmlərdən idi. Həzrət Əli (ə) bu sayaq bilikləri yalnız böyük ruh, yüksək istedad və tutuma malik dostlarına öyrədərdi. Belə adamları \"Əshabe-sirr\" adlandır-mışlar. Meysəm də bu zümrəyə daxil idi. Meysəm bir hadisə haqqında öncədən necə deyərdisə, həmin hadisə o şəkildə də baş verərdi. Bu öncə görmələrdən bəzilərini xatırlayaq:
1- Öz şəhadətini öncədən görməsi; Meysəm dəqiq bilirdi ki, nə vaxt necə, kim tərəfindən öldürüləcək. 2) Müaviyənin ölüm xəbəri; Əbu Xalid Meysəmlə bir gəmidə olduğu zaman tufanın baş verməsi ilə Müaviyənin ölməsi xəbərini verdi və bir həftə sonra Meysəmin bu sir və ön xəbəri təsdiqləndi. 3) Muxtarın qiyamı; Meysəm Muxtarla Kufədə eyni zindanda olanda ona dedi: \"Sən zindandan çıxacaq, Hüseyn ibn Əlinin qanını almaq üçün qiyam edəcək və İbn Ziyadı öldürəcəksən.\" 4) Kərbəla hadisəsi. Cəbələ Məkki adlı bir qadın nəql edir ki, Meysəm Təmmar demişdi: \"Bu ümmət Peyğəmbər (s) qızının balasını Məhərrəmin onuncu günü qətlə yetirər və Allah düşmənləri bu günü mübarək sayar. ...
Cümə namazı haqqında 40 hədis!
Kim üç həftə ardıcıl üzürsüz səbəbdən cümə namazını tərk etsə...
Hədis 1. Həzrət Peyğəmbər (s) buyurur: Allah-Taala cümə namazını sizə vacib etdi. Kim mən həyatda olduğum zaman və ya məndən sonra cümə namazını yüngül sayıb və ya inkar edib atsa Allah onu pərişan edər, işinin bərəkəti olmaz. Bilin ki, onun namazı qəbul olmaz. Bilin ki, onun zəkatı qəbul edilməz. Bilin ki, onun istəkləri qəbul olunmaz. Bilin ki, onun yaxşı əməlləri qəbul olunmaz. Əgər tövbə edib bir də cümə namazını tərk etməsə, onu yüngül saymasa, inkar etməsə durumu dəyişər. (Vəsailuş-şiə, c. 5, səh. 7)
Hədis 2. Həzrət Peyğəmbər (s) buyurur: Dörd şəxs həyata yenidən başlayar: Xəstəlikdən sağalan şəxs, İslamı qəbul edən müşrik, həcc əməllərini başa vuran şəxs, cümə namazını qılıb yola düşən şəxs. (Biharul-ənvar, c. 86, səh.197)
Hədis 3. Həzrət Peyğəmbər (s) buyurur: Bir mömin dedi ki, dəfələrlə həccə getmək istəyib, amma tövfiq əldə etməyib. Ey Mömin!, Daim cümə namazında ol, cümə namazı imkansızların həccidir. (Vəsailuş-şiə, c. 5, səh.5) ...