İmam Əlinin (ə) hədisində qadınların ən yaxşı sifətləri kişilərdə olarsa eyibdir?!
Qadında bu 3 xasiyyət bəyənilir, amma kişidə olarsa ona eyb olaraq nisbət verilər:
Əmirəlmömnin Əli (ə) buyurur: \"Qadınlarda bəzi sifətlər var ki, əgər onlar kişilərdə görünərsə eyib olaraq hesaba gələr. Qadında Qürur, qorxaqlıq və paxıllıq bəyənilir. Çünki qadında əgər qürur olarsa özünü başqasına göstərməyə çalışmaz, Əgər qadında paxıllıq olarsa özünün və ərinin malına xəyanət etməkdən çəkinər, Əgər qadın qorxaq olarsa adını ləkələyən hər bir şeydən uzaqlaşmağa çalışar. Nəhcül-Bəlağə, Hikmətli-kəlam/234. Mizanul-Hikmət kitabı: 510
Kişidə qürur olarsa başqalarını dəyərsiz sayar və nəticədə özünü bəyənmə xəstəliyinə düçar olar, Əgər kişidə paxıllıq olarsa kişinin zinəti olan səxavət simasını əldən verər, əgər kişidə qorxu olarsa qeyrətini əldən verər.
Fərəc duasının tərcüməsini yazın?
Rəhman və Rəhim Allahın adı ilə.
İlahi,bizim bəla və müsibətlərimiz böyüdü və bizim çarəsizliyimiz aşkar oldu və işin üstündən pərdə götürüldü və ümidim ümidsizliyə çevrildi və yer bizə daraldı və səmanın rəhməti bizdən əsirgəndi.Və yalnız Sənsən bizim kömək və yavərimiz,və bizim şikayətlərimiz Sənədir.Və hər bir çətinlik və asanlıqda yeganə arxalandığımız Sənin lütfündür.İlahi salavat göndər Muhamməd və Ali Muhammədə,hansılar ki,ilahi əmrin sahibidirlər(ulil-əmrdirlər) ,və bizə Onların itaətini vacib etdin və bununla Onların məqamını bizə tanıtdın.Belə isə Onların mənziləti və qədrinə xatir bizə fərəc və genişlik ver,özü də çox tez və yaxın,bir göz qırpımında vəya ondan daha da tez əta et! Ey Muhamməd ey Əli,ey Əli ey Muhamməd.Siz mənə kifayət edin ki,yalnız Siz kifayət edənsiniz.Mənə kömək edin ki,yalnız Siz mənim kömək edənimsiniz.Ey mənim mövlam,ey Sahibəzzaman.Fəryada yet,Fəryada yet,Fəryada yet,Məni dərk et,Məni dərk et,Məni dərk et,Elə bu saat,Elə bu saat,Elə bu saat,Tez,Tez,Tez,ey mehribanlarin ən mehribanı,Muhamməd və Onun pak ailəsinə xatir...
Başqasının bağına icazə almadan girmək olarmı?
Başqasının bağına ziyan vurmamaq şərti ilə girməyin hökmü:
Əgər bir şəxsin bağ və ya torpağından istifadə etmək istəsək almaq lazımdır. Amma əgər istifadə etmək üçün əminlik ola ki, sahibinin heç bir narazılığı yoxdur o torpaqdan keçmək və bağın məhsulundan istifadə etmək icazəlidir.
Bu barədə müctəhidlərin cavabları:
1-Ayətullah Xamenei: Başqasının torpağından keçmək və ya bağının məhsulundan istifadə etmək üçün icazə almaq vacibdir.
2-Həzrət Ayətullah Sistani: Əgər bağ və topağın hasarı olmasa və narazılıq əlaməti olmasa istifadə etmək olar. misal üçün qohumların bağ və torpağından istifadə etmək barədə razılığı olduğuna əmin olsa icazə almaq lazım deyil.
3-Ayətullah Safi: Bu əməl qəsb etmək hesab olunur və icazəli deyil.
4-5: Ayətullah Məkarim Şirazi və Nuri Həmədani: Fərz olunan sualın cavabı budur ki, sahibinin icazəsi olmadan istifadə etmək qadağandır.
Yezid necə bir şəxs idi və necə öldü?
Yezid ibn Müaviyə Əməvi nəslindən, ana tərəfdən Bəni Kəlb nəslinə bağlı idi. Yezid cavanlığından eyş-işrətə, içkiyə, musiqiyə, zinaya, meymunbazlıq və itbazlığa həvəsli idi. Onun hakimiyyətində günah və fisq açıq-aşkar edilən əmələ çevrildi,
Yezid atasının sağlığında hakimiyyət işlərinə qarışmadan, eyş-işrət içində gününü keçirirdi. Bundan iki il sonra - hicri 63-cü ildə Yezid ona qarşı qiyam qaldırmış Mədinə əhalisini amansızlıqla cəzalandırdı. Yezidin qoşun başçısı olan Müslim ibn Əqəbənin əsgərləri Mədinədə üç gün rüsvayçıdıq etdilər. Qadınların və qızların namusu tapdalandı.
Ibn əl-Cövzi bunları nəzərdə tutaraq deyirdi: \"Nə deyim bir adamın barəsində ki, üç il hakimiyyət sür¬müş, birinci il Hüseyn ibn Əlini qətlə yetir¬miş, ikinci il Mədinə əhalisini qorxudub ca¬maatın qanını halal elan etmiş, üçüncü il də Allahın evini mancanaqlardan daşa tutmuş¬dur?\" (Təzkirətül-xəvass, səh-291-2).
Yezidin ölümü: hicri 64-cü il 14-15 rəbiüləvvəl ayında, 39 yaşında öldüyü deyilir. Mərhum Şeyx Səduq yazır ki, Yezid gecə sərxoş halda yatdı, səhər onu ölmüş vəziyyətdə gördülər. Bədəni qapqara qaralmışdı, sanki dərisinə qatran sürtmüşdülər. (Məlunun ölümü haqda bir neçə nəzəriyyələr var.) Bir çox müsəlman alimləri Yezidin törətdiyi zülmlərə əsaslanaraq, onun ruhuna lənət oxumağı icazəli bilmiş, hətta onu kafir saymışlar.
Şiə məzhəbinin isə məsələyə münasibəti birmənalıdır. Peyğəmbərin nəvəsini qətlə yetirmək üçün əmr verdiyinə, qeyri-islami və qeyri-əxlaqi həyat tərzi sürdüyünə, eləcə də, istər söhbətlərində, istərsə də yazdığı şeirlərdə açıq-aşkar küfr əqidəsini tərənnüm etdiyinə görə şiələr Yezidi kafir sayır və lənətə layiq bilirlər.
Həzrət Zeynəbin (ə) dilincə behiştdə gedən xanımın hansı xüsusiyyətləri olmalıdır?
Həzrət Zeynəb (ə) buyurur: \"Əgər bir müsəlman xanım düzfikir və düzəməlləri ilə namaz qılarsa, Ramazan ayının orucunu tutarsa, və özünün iffətini və hicabını təmiz qorumaqda çalışqanlıq göstərərsə, həyatyoldaşı ilə uyğunlaşmağa çalışıb onun haqqlarını tapdamarsa ona qiyamət günü deyilər behiştin hansı qapılarından istəyirsən behiştin gözəllik və nemətlərinə daxil ol.\" mihan24.com
Həzrət İsa (ə)-ın hədisində insanın üzünün çirkinləşməsinin səbəbi nə olaraq tanıtdırılır?
Həzrət İsa (ə)-ın hədisində insanın üzünün çirkinləşməsinin səbəbi:
İslam Peyğəmbərindən (s) nəql olunur: \"Həzrət İsa (ə) bir şəhərə daxil olarkən bir kişi və qadının çəkişməsinə şahid oldu. İsa (ə) soruşdu: Niyə çəkişirsiniz? Kişi dedi: Ey Allahın Peyğəmbəri (ə) bu qadın mənim həyatyoldaşım və çox yaxşı xanımdır. Amma mən onu sevmirəm və ondan ayrılmaq qərarına gəlmişəm. İsa (ə) buyurdu: Nə üçün ondan ayrılırsan və sevmiyirsən? Kişi dedi: Xanımımın üzü qocalıb, özü cavan olsa belə. Həzrət İsa (ə) üzünü qadına çevirərək, buyurdu: Üzünün yenidən təravətli və bəyənilən vəziyyətə qayıtmasını istəyirsən? Qadın ərz elədi: Bəli. İsa (ə) buyurdu: Bir şey yeyəndə doymazdan öncəyə qədər ye. Çox yeyərək mədəni doldurursan, və yemək mədəndə çox olaraq acılıq verir və Ruhu qocaldır. Ruhun qocalığı isə üzdə özünü göstərir. O qadın Həzrət İsanın (ə) dediklərinə əməl etdi. Xanımın üzünün gözəlliyi geri qayıtdı və yenidən ailəsində sevinclik yarandı.
Cümə namazı qılmağın 4 əsas fəlsəfəsi
Allahın rəsulu (s) cümə namazını “fəqirlərin həcci” hesab edir və onu günahların bağışlanma səbəbi bilirdi.
Cümə namazı müsəlmanların qüdrət və vəhdətinin nümayişi, namaz qılan möminlərin vədəgahı, görüş yeridir.
Allahın rəsulu (s) hicrətin əvvəlində Mədinəyə çatarkən xalq üçün birinci cümə namazını bərpa etdi. Bununla da belə bir əzəmətli və həyatverici yığıncağın əsasını qoydu.
Bu namazın siyasi yönümləri vardır. Xütbə oxuyan və ya İmam-cümə, ya müsəlmanların hakimi, ya da hakimiyyət tərəfindən bu iş üçün seçilmiş şəxs olur. Bu siyasi ibadətin ictimai, tərbiyəvi, həyatverici təsirləri, bərəkətləri çoxdur.
Cümə namazının əsas 4 fəlsəfəsi: 1. Qardaşlıq ruhiyyəsinin güclənməsi, 2. İslam qüvvələrinin mütəşəkkilliyi, 3. Müsəlmanların düşüncə və siyasi baxımdan inkişafı, 4. Birlik ruhiyyəsinin güclənməsi.
“İki şahidlik sahibi” (züş-şəhadəteyn) ləqəbi ilə tanınan səhabə kimdir?
Şəhadəti İslam şəriətində iki şahid dəyərində olan səhabə:
Xuzeymə ibn Sabit Ovsi. İki şahidlik məqamı sahib olan ləqəbini Peyğəmbərdən (s) qazanan bir şəxs idi. Peyğəmbər və İmam Əli (ə) səhabəsi olmuşdur. Siffeyn müharibəsində Əmmar Yasirin öldürülüməsindən sonra, şəhid olanlardan oldu.
Dini mənbələrdə yazılıb ki, Peyğəmbər bir bədəvi ərəbdən at almaq barədə sövdələşmişdi. Lakin münafiqlər həmin bədəvini yoldan çıxarıb, atı xeyli baha qiymətə sata biləcəyini söylədilər. Bədəvi ərəb Peyğəmbərlə mübahisəyə başlayıb, atı ona satdığını inkar etdi. Bu zaman Xüzeymə şahid kimi ifadə verib, həqiqətən, Peyğəmbərlə ərəbin arasında at alveri olduğunu təsdiqlədi. Peyğəmbər Xüzeymədən soruşdu: “Sövdələşmə zamanı bizim yanımızda olmadığın halda, niyə şahidlik etdin?” Xüzeymə cavab verdi: “Fikirləşdim ki, əgər sənin peyğəmbərlik iddiasında doğrucul olduğunu qəbul edirəmsə, bundan daha əhəmiyyətsiz olan at alverində də doğru dediyini qəbul etməliyəm. Ona görə sənin yalan danışmadığına şəhadət verdim”. Peyğəmbər Xüzeymənin hərəkətini alqışladı və onun ifadəsini iki nəfərin şahidliyinə bərabər qüvvədə saydı. Peyğəmbərdən sonra da Xüzeymənin ifadəsi iki şahidə bərabər tutulurdu.
Həzrət Musanın (ə) Allah-Taaladan 7 suala cavab alması.
Həzrət Musanın (ə) Allah-Taaladan 7 sualına cavab alması:
1-İlahi! Səndən həya edərək xəyanəti tərk edənin savabı nədir? Cavab: Qayamət günü ona əzabdan əman vardır,
2-Mömini öldürən şəxsin cəzası nədir? Cavab: Qiyamət günü Allahın rəhmətindən məhrum və günahları bağışlanmaz,
3-Kafir şəxsi hidayət edən şəxsin savabı nədir? Cavab: Qiyamətin çətin günündə özündən başqa kimi istəsə özü ilə behiştə apara bilər.
4-İbadət və xüsusən namazlarını vaxtında qılan şəxsin cavabı nədir? Cavab: İstəkləri qəbul olunar.
5-Mənəvi təharətə sahib olanın savabı nədir? Cavab: Mənəvi paklığına diqqət edən şəxsin savabı qiyamətdə nur sahib olmasıdır.
6-Ramazan ayının orucunu tutan şəxsin savabı nədir? cavab: Qiyamət günündə ona qorxu yoxdur.
7-Sileyi-Rəhm edənin savabı nədir? Cavab: “Ölümünü təxirə salaram. Can verən anını ona asan edərəm. Behişt xəzinədarları onu səsləyər ki, bizə tərəf gəl. Hansı qapıdan istəyirsənsə behiştə daxil ol”.
Xanım Zeynəbin (ə) kufəlilərə tarixi müraciəti nə oldu?
XANIM ZEYNƏBİN(Ə) KUFƏLİLƏRƏ TARİXİ MÜRACİYƏTİ.
Zeynəb (s) iffət və həya ilə öz sözlərini Allaha həmd və səna etdikdən, Peyğəmbərə, onun pak, seçilmiş xanədanına salamdan sonra belə buyurdu:
... Bundan sonra siz gərək xar və məğlub yaşayasınız, çünki siz özünüzə Allah qəzəbi qazandınız. Elə bir iş gördünüz ki, az qalıb göy yerə düşə və yer parçalana, dağlar bir-birinə dəyə. Bilirsiniz ki, necə bir qan axıdıbsız? Bilirsiz, hicabsız halda küçə və bazarlara gətirilmiş qadın və qızlar kimlərdir? Bilirsiz ki, Peyğəmbər ciyərini parçalamısınız? nə qədər çirkin və ağılsız iş görmüsünüz. Elə bir iş ki, onun çirkinliyi dünyanı başdan-başa doldurub. Göydən qan damlalarının yağmasına təəccüb edirsiniz?! Amma bilin ki, axirətin əzab və xarlığı çətin olacaq. Əgər etdiyiniz işə Allahın qəzəbi tutmursa rahatlanmayın. Allah günahın cavabını dərhal vermir, amma məzlumların qanını da yerdə qoymur. Allah hər şeyin hesabını edir.
Zeynəbin dağlı qəlbindən və imanlı ürəyindən gələn təkanverici və bəlağətli sözlər Kufə camaatına od vurdu.