Kişilər xanimlarınızı danlayanda bu yollar daha təsirlidir?!
Qadınları tənqid etməyin münasib üslubu.
1. Kişi mövzunu izah etməzdən öncə onu kağız üzərinə yazsın ki, öz səhvlərinə də diqqət yetirə bilsin.
2. Heç vaxt həyat yoldaşını başqalarıyla müqayisə edib, digərlərinin üstünlüklərini ona tənə etməsin.
3. Həyat yoldaşınızı küsdürən şeyi aradan qaldırdıqdan sonra günahını etiraf etməyə onu məcbur etməyin.
4. Evin işlərini çöl işlərindən üstün tutun və onun zəhmətlərinin qədrini bilin.
5. İnad və tərslikdən çəkinin.
6. Söhbət zamanı söz və ibarələrinizdə diqqətli olun, çünki qadınlar deyilənlərdən çox deyilmək istənilənlərə əhəmiyyət verirlər.
7. Xanımlara çox sual etməklə onları dərk etməyə istiqamətləndirin, özünüzə istintaq qurmayın.
8. Bacardığınız hər hansı bir şəkildə incikliyin aradan getdiyini göstərin (hədiyyə, gül və ya müqabilin ehtiyacı olan hər hansı bir şeyi ona almaqla və s).
İsmayıl Peyğəmbərin neçə övladı olub? Və kimlərdir?
Hz.İsmailin (ə) ilk evlilikdən bir övladı oldu. Amma o uşaqdan heç bir övlad dünyaya gəlmədi. O qadından sonra daha dörd qadın aldı və hər birindən Allah-taala ona dörd oğul əta etdi, ümumilikdə dörd qadından on iki, ya on altı oğul sahibi oldu.
Tarix kitablarında Hz.İsmailin (ə) övladlarının adı belə qeyd edilmişdir: Nabit, Qeydar, İdbil, Mibsam, Mişma, Duməh, Məsa, Hidar, Tima, Yətur, Nafiş, Qədəmə.
Təbəri \"Ət-tarix\" kitabında bu adlarda ixtilaf edərək deyir: -\"Bu on iki oğlun anası Məzaz ibn Əmr Cərhuminin qızı Səyyidədir və ərəblərin nəsli Nabit ilə Qeydara çatır.\"
\"İsbatul-vəsiyyə\" kitabında qeyd edilir ki, Hz.İsmailin (ə) on üç oğlu olub və ən böyüyü \"Qeydar\" idi.
\"Biharul-ənvar\" və \"Qisəsul-ənbiya\" kitablarından nəql edir ki, İbrahim anasının vəfatından sonra Cərhum qəbiləsindən Zələ və yaxud İmadə adlı bir qız ilə evləndi, amma ondan heç bir övladı olmadı. Sonra ona talaq verib Haris ibni Məzazın qızı Səyyidə ilə evləndi və ondan uşaqları oldu.
Sələbi deyir: -\"Səyyidə, Məzaz ibn Əmr Cərhuminin qızıdır.\" Necə ki, Təbəri də bu nəzəri qəbul etmişdir. Yəqubi isə bu qızın adını Heyfə qeyd etmişdir.
İnsan həyatında 10 hadisənin baş verməsi fəlakətgətirən müsibətlərdir!
İnsan həyatında baş verən 10 hadisə fəlakət gətirən müsibət hesab olunur:
Peyğəmbər (s) buyurur: Dünya və axirətin hər biri üçün 5 böyük müsibət baş verər:
Dünya müsibətləri ibarətdirlər:
1-Yaxşı dostun ölümü, 2-Halal ruzini itirmək, 3-Düşmən və namərd insanların danlağına düşmək, 4-Xeyir və saleh əməlləri tərk etmək, 5-Dili acı olan həyatyoldaşı.
Amma Axirət müsibətləri:
1-Namazı əldən vermək, 2-Alimin ölməsi, 3-Əlacsızı ümidsiz etmək, 4-Ata-anaya qulaq asmamaq, 5-Zəkat verməmək (yəni varından Allah yolunda kasıbların haqqını ödəməmək). Məvaizul-ədədiyyə, səh: 263
Peyğəmbərin (s) hədisində yaxşı xanımın xasiyyətləri 9-dur!
Həzrət Peyğəmbər (s) buyurur: \"Qadınların ən yaxşısı o xanımdır ki, bu 9 xasiyyəti olmuş olsun:
1-Övlad sahibi olmağa hazırlıqlı olan xanım,
2-Rəftar və danışıqda mehriban olan xanım,
3-Həyalı və iffətli olan xanım,
4-Qohumları yanında başı uca və həyat yoldaşı qarşısında təvazökar olan xanım,
5-Özünün gözəlliklərini yalnız əri üçün göstərən xanım,
6-Başqalarının yanında özünün iffət, namus və vüqarlılığını qoruyan xanım,
7-Həyatyoldaşının sözünə qulaq asıb itaət edən xanım,
8-Müştərək evlərində yoldaşının sözündən çıxmayan xanım,
9-Kişilərdə olan hazırcavablıq etməyən xanım. Üsul-Kafi, cild: 5, səh: 324.
Ehtiyaclarınızı 3 dəstə insanlardan başqa heç kəsin yanında danışmayın!
Ehtiyaclarınızı 3 dəstə insanlardan başqa heç kəsin yanında danışmayın:
İmam Hüseyn (ə) buyurur: Ehtiyac və çətinliklərinizi həll etmək üçün bu 3 dəstədən başqa heç kəsdən kömək istəməyin:
1-Dindar, 2-Kişi və mərdanəliyini olan şəxs, 3-Əsl-nəsəbli olan insana.
-Çətinliyini həll etmək üçün dindara ağız aç. Çünki dindar dinin insanların şəxsiyyətini qorumaqda tapşırıqları pozmayacaq.
-Kişi olan insanə ağız açmaqdan çəkinmə. Çünki kişi insan öz mərdliyindən həya edib möhtacın çətinliyini həll etməkdə əlindən gələni əsirgəməz.
-Əsl-nəsəbli və köklü insana hacətini deməkdən çəkinmə. Çünki mənliyə sahib olan şəxs sənin mənliyinin başqasının yanında tökülməməsinə mane olmağa çalışar. Tuhəful-Üqul, səh: 430
İslam maarifində müsəlman şəxsin öhdəsinə qoyulan 20 haqlar
İslam maarifində insan boynuna gələn əməl olunması vacib haqlar:
1-Övladın haqqı: Onun düzgün tərbiyə olunması və ibadətə meyillənməsi üçün kömək etmək.
2-Qardaşın haqqı: Qüdrətin olduğunu düşünərək ona kömək etməyə çalışmaq,
3-Sənə yaxşılıq edən şəxsin haqqı: Onun ehtiyacı olduğu zaman köməyini əsirgəməmək,
4-Azançının haqqı: İbadətə çatdığı üçün minnətdarlıq göstərmək,
5-Namazda axund və imanın haqqı: Onun hörmətini qoruyub, izzətini artırmağa çalışmaq,
6-Məclisdəki həmsöhbətlərin haqqı: Onların dəyərli olduqlarını göstərməyə çalışmaq,
7-Qonşunun haqqı: Hörmətini, namusunu və varını qorumağa çalışmaq,
8-Dostun haqqı: Onunla insafla rəftar edib günahdan çəkindirmyə çalışçmaq,
9-Malın haqqı: Halal yolla qazanıb xeyir işlərdə işlədib, ehsan etməyə çalışmaq,
10-Borc aldığın şəxsin haqqı: Xoş dillə razılığını cəlb et.
11-Şərikin haqqı: Onu aldatmamaq,
12-İddiaçı şəxsin haqqı: haqqıdırsa kömək etmək və nahaqdırsa mülayim nəsihət etmək,
İslamda insan öhdəsinə qoyulan yerinə yetiriləsi haqlar-1
İnsani kəmalata və ibadətlərdə şirinliyə çatmaq istəyən insan öncə bu haqları ödəməlidir:
1-Allahın haqqı: Ona ixlasla ibadət etmək.
2-Nəfəs çəkməyin haqqı: Allaha itaət etməkdir,
3-Qulağın haqqı: Qeybət eşitməmək və hikmətli sözlərə qulaq asmaq,
4-Dilin haqqı: Haram sözlər deməkdən çəkinərək ilahi kəlamları oxumaq,
5-Gözün haqqı: Naməhrəm və harama baxmamaq,
6-Əlin haqqı: Başqalarının malına sahib çıxmamaq,
7-Ayağın haqqı: batil yolda addımlamamaq,
8-Qarının haqqı: haram və yetimin malını yeməmək.
9-Həyanın haqqı: Onu zinadan qorumaq,
10-Namazın haqqı: Onu hüzuri-qəlblə (diqqətlə) qılmaq,
Ziyarətgahlarda şam yandırmaq düzgündürmü?
Günümüzdə çox işlənən əməl haqda sual:
Ziyarətgahlarda şam yandırmaq ənənəsi İslamda yoxdur. Dini mətnlərdə bununla bağlı hər hansı məlumata rast gəlmirik. Buna görə bəzi alimlər bu ənənənin mövhumat nəticəsində xristianlıqdan İslama keçdiyini söyləyirlər. Bəzi hədislərdə məzarların üzərini işıqlı etmək və qaranlıq saxlamamaq tövsiyə edilir. Bu da yəqin ki, o zamanlar işıqlandırma sisteminin olmaması ilə əlaqədar idi. Hal-hazırda ən azından bütün iri ziyarətgahlarda müasir və güclü işıqlandırma sistemi fəaliyyət göstərir. Ona görə də ziyarətgahda şam yandırmağın heç bir mənası qalmır. Üstəlik, yuxarıda qeyd edildiyi kimi bu hərəkət xristianların dəbini xatırladır. Müsəlmana yaraşmaz ki, özünü qeyri-müsəlmanlara bənzətsin və öz müstəhəb dini ayinini onlar kimi yerinə yetirsin.
İmam Zamanla (əc) görüşməkdən daha üstün olan əməl varmı?
Mərhum Ayətullah Behcət (ə) İmam Zamanın (əc) görüşünü arzulayanlara məntiqli tövsiyə:
Bəzən insanlar Həzrət Mehdi (ə)-ın hüzuruna nail olmaq üçün çox səy edirlər. Amma iki rəkət namaz qılıb məsum İmamlara (ə) təvəssül etmək bundan daha yaxşıdır. Çünki İmam Zaman (ə) həm bizləri görür, həm də eşidir. Onun qeyb dövründəki ibadət, zühur edəcəyi vaxtdakı ibadətdən qat-qat üstündür. Məsum İmamlardan (ə) hər hansı birini ziyarət etmək, İmam Zamanı (ə) ziyarət etmək kimidir.
Qiyamətdən sonra dünyanın taleyi necə olacaqdır?
Bu sualın cavabında məsumlardan olan beşincim İmamdan (ə) nəql olunan hədisə diqqət edək:
Muhəmməd ibni Müslim nəql edir ki, İmam Baqir (ə) buyurmuşdur: “Allah Təala o gündən ki, yer üzündə yaradılışın bünövrəsini qoydu, 7 aləm xəlq etdi ki, onlar Adəm övladlarından hesab olunmurdular. Onları torpaqdan yaratdı və bir-birinin ardınca yerdə sakin oldular. Nəhayət nəsilləri tükəndi. Ona görə də Adəmi (ə) yaratdı və övladlarını onun nəsildən xəlq etdi. Allaha and olsun ki, heç bir zaman behişt möminlərin ruhundan boş olmamışdır, atəş də kafirlərin və günahkarların ruhundan. Yəqin ki, belə hesab edirsən ki, Qiyamət bərpa olan zaman behişt əhlinin bədənləri ruhları ilə birləşəcək, cəhənnəm əhlinin bədənləri də cəhənnəm əhlinin ruhları ilə bir olacaqdır, artıq O, (Allah) şəhərlərdə pərəstiş olamayacaqdır? Elə bir məxluq yaratmayacaqdır ki, Ona pərəstiş etsin? Bu cür deyildir. Allaha and olsun ki, yaradılışı olacaqdır ki, erkək və dişi olmadan meydana gələcəkdir və Ona bəndəlik edəcəkdir, Onu böyük hesab edəcəkdir. O, elə bir yer xəlq edəcəkdir ki, çörəyi həml edər, səmanı xəlq edər ki, kölgəsində olsunlar. Görmürsən ki, Allah buyurur: “Bu yerin başqa bir yerə çevriləcəyi (dağların məhv olacağı, dəryaların buxarlanacağı və yer üzünün tamamilə düz olacağı) və həmçinin göylərin (dəyişəcəyi) və hamının (bütün ölülərin hesab və cəza üçün) hər şeyə qalib tək Allahın hüzurunda zahir olacağı gündə!””. (“İbrahim” 48).