Şeyx Mürtəza Ənsarinin Şeytanla mübarizəsi nə haqda idi?
Bir gün məşhur mərceyi-təqlid Şeyx Mürtəza Ənsarinin müqəllidlərindən biri ona deyir: «Bu gecə yuxuda gördüm ki, Şeytan sizin boynunuza kəndir salıb, küçə boyunca sürüdüb aparır. Siz onun əlindən qurtulmağa nə qədər çalışsanız da, buna müvəffəq ola bilmirdiniz. Yalnız küçənin yarısını keçəndən sonra boğazınızı Şeytanın kəndirindən xilas etməyə nail oldunuz».
Şeyx Ənsari azacıq düşüncədən sonra gülümsəyib deyir: «Dünən pulum tamam qurtarmışdı. Evdə yeməyə də heç nə yox idi. Birdən ağlıma gəldi ki, evdəki xüms-zəkat pullarından bir neçə dirhəm borc götürüb bazarlıq edim, əlimə pul gələn kimi yerinə qoyum». Bu fikirlə puldan bir az götürüb evdən çıxdım. Bazara gedən yolun yarısında öz-özümə dedim: «Axı, bu püllar mənim yanımda əmanət qoyulub; mən onları ehtiyacı olanlara çatdırmalıyam! Mənə yaraşarmı ki, əmanət püla əlimi vurum?!». Yarıyoldan evə qayıdıb, pulu yerinə qoydum. Beləliklə, Şeytanın pəncəsindən özümü xilas etdim»
Oruc tatan şəxs səfərə çıxarkən hansı 4 hökmə daha çox diqqət yetirməlidir?
Ramazanda səfər çıxmaq haqda 4 ümumi qayda:
1) Əgər Ramazan ayında səfərə çıxan şəxs həmin səfərdə namazını tam qılmalıdırsa, oruc da tuta bilər.
2) Əgər oruc tutan şəxs zöhr namazının vaxtı daxil olduqdan sonra sə-fərə çıxsa, orucunu tutmalıdır.
3) Əgər müsafir zöhrdən qabaq vətəninə və ya on gün qalmaq niyyə-tində olduğu məkana çatsa, orucu batil edən işlərdən heç birini yerinə yetirməyibsə, oruc tutmalıdır.
4) Ramazan ayında səfərə çıxmaq, hətta orucu batil etmək, necə deyərlər orucdan qaçmaq niyyətilə də olsa, olar. Əlbəttə yaxşı olar ki, əgər səfərə çıxmaq zəruri deyilsə, oruc tutan şəxs səfərə çıxmasın.
Həqiqi namazı dərk etmək üçün hansı addımları atmaq lazımdır?
Həqiqi namaza doğru ilk addımlar:
İLK ADDIM: Həqiqi namaza nail olmaq üçün atılan ilk addım namaz zamanı diqqətli olmaqdır. İnsan bəzən namaz zamanı \"həmddən” \"surəyə” necə keçdiyini hiss etmir. İnsan təkbirətül–ehram deməzdən qabaq kimin hüzurunda dayandığı barədə düşünməlidir.
İKİNCİ ADDIM: İnsan namazda dediyi hər bir cümlənin mənasına diqqət yetirməlidir. Bunu, tədricən də olsa, yaratmaq lazımdır. Hər cümləni deməzdən əvvəl, bu cümlənin mənasını düşünüb sonra demək daha yaxşıdır. Məslən, \"Əllahu əkbər” deməzdən qabaq Allahın əzəməti barədə düşünmək lazımdır.
ÜÇÜNCÜ ADDIM: Bu yolda üçüncü addım insanın dili ilə dediklərinə qəlbən inanmasıdır. \"Yalnız Sənə ibadət edir və Səndən kömək istəyirik” deyən insan Allahdan başqa heç kimsədən kömək intizarında olmamalıdır. \"Əllahu əkbər” deyən şəxs üçün Allahdan böyük varlıq olmamalıdır...
Hansı 8 dəstə insanlardır ki İmam Sadiq (ə) onlardan uzaqlaşmağı tapşırır?
Həzrət İmam Sadiqə (ə) sual verirlər: “Siz bütün bu xəlqi insan kimi görürsünüzmü?”. İmam (ə) buyurur: “İnsanların bu bir neçə dəstəsini kənara qoyun.
1. O kəs ki, misvak etməz.
2. O kəs ki, dar yerdə ayaqlarını açıb əyləşər.
3. O kəs ki, ona aid olmayan işə qarışar.
4. O kəs ki, elmi olmayan şeyə görə mübahisə edər.
5. O kəs ki, heç bir xəstəliyi olmadan özünü xəstə göstərər.
6. O kəs ki, hər müsibətə pərişan olar.
7. O kəs ki, düzgün məsələdə eyni nəzərdə olan ətrafındakılarla müxalifətlik edər.
8. O kəs ki, ataları ilə lovğalanar, halbuki atalarında olan yaxşı rəftarlar onda olmaz”./Deyerler.
Həzrət Mehdidən (əc.) doqquz kəlamı (tapşırıqları) hansılardır?
İmam Mehdi (ə.c) buyurur: 1-Biz sizin yaşayışınıza diqqət edir, sizi yaddan çıxartmırıq.
2-Sizə əmr edirəm ki, heç bir şeyi Allaha şərik qoşmayasınız və Allahın, onun Peyğəmbərinin (s) itaətində diqqətli olasınız.
3-Sizə əmr edirəm ki, Quranın yaşatdığını yaşada, məhv və batil bildiyini məhv edəsiniz.
4-Mən Adəmdən (ə) davamçı, Nuhdan (ə) azuqə, İbrahimdən (ə) seçilmiş, Məhəmməddən (ə) xülasəyəm.
5-Sizə faydası olmayan şeyləri soruşmayın.
6-Zühurun tezləşməsi üçün çox dua edin. Çünki dua zühuru tezləşdirir.
7-Biz sizin yaşayışınıza diqqət edir, sizi yaddan çıxartmırıq...
İmam Riza (ə) Şəban ayının son günlərində hansı əməlləri tapşırır?
İmam Rza ələyhissəlamdan nəql olunmuşdur ki, Allah-təala şaban ayının son üç gününü oruc tutub onu mübarək Ramazan ayına çatdıran şəxsə ardıcıl tutulmuş iki ayın orucunun savabını verər.
Əba İmam Rza ələyhissəlamdan belə rəvayət edir: Şəban ayının axırıncı cüməsi İmam Rza ələyhissəlamın hüzuruna getdim. Həzrət buyurdu:
-\"Ey Əba Səlt, şəban ayının çoxu gedib və bu cümə onun axırıncı cüməsidir. Belə isə bu ayın qalanından ayın keçən günlərində etdiyin təqsirlərin üçün yaxşı istifadə et. Sənə xeyirli olanlara üz gətir. Çoxlu dua və istiğfar et. (Allahdan bağışlanmağını istə.) Qurani -məcidi çox oxu. Öz günahlarından Allaha-təalaya tövbə et ki, mübarək ay gələndə (Ramazan ayı) özünü Allah üçün xalis etmiş olasan. Başqasının haqqını və ya əmanətini boynunda saxlama. kiminsə kinini ürəyində saxlama, etdiyin günahı tərk et. Allahdan qorx və öz gizli və aşkar işlərində ona təvəkkül et. Hər kim Allaha təvəkkül etsə, Allah ona kifayət edər.\"/islaminsesi
Sevmədiyinin ayaqqabısını cütləyən arif nə qazandı?
Məqsəd zalıma əyilmək yox, bəyənmədiyin adama münasibətdə təvazökar olmaqdır.
Hacı Mirza Cavad Ağa Təbrizi Nəcəfdə təhsil aldığı zaman daim nəfsin tərbiyəsinə vaxt ayırar, diqqət yetirərdi. Bu məqsədlə Ayətullah Axund Molla Hüseynqulu Həmədaninin elm və mərifətindən 14 il bəhrələnmişdi.
Ustadın hüzurunda iki il təlaşdan sonra ona deyir ki, mən seyr-zülukda irəli addım ata bilmirəm. Ustad onun adını soruşur. Məliki Təbrizi, adını deyir və ustadın onu tanımamasından təəccüblənir. Ustad soruşur ki, sən filan Məlikilərin qohumlarındansan? Məliki Təbrizi ustadın nəzərdə tutduğu qohumlarını bəyənmədiyindən onları tənqid edir. Axunad Molla Hüseynqulu Həmədani deyir: Nə vaxt pis saydığın adamların qarşısında onların ayaqqabılarını cütləsən, mən özüm sənin görüşünə gələcəyəm!
Məliki Təbrizi sabahdan sinifdə hamıdan arxada oturur. Bəyənmədiyi qohumlarından olan tələbələrlə elmi mübahisə edir. Nəhayət, onların ayaqqabılarını cütləyir. Bu xəbər Təbrizə çatır, qohumlar arasındakı kin-küdurət aradan qalxır.
İmam Həsənin (ə) romalı alimin 5 məchul sualına verdiyi cavablar nə haqda idi?
Bir gün Romadan İmam Əlinin (ə) yanına bir nəfər gəlir və deyir: sualım var. İmam Əli (ə) buyurur: “Nə istəyirsənsə bu iki oğlumdan soruş və kifayət qədər cavab alacaqsan”. Həmin şəxs İmam Həsənə (ə) işarə edib ona sual verəcəyini bildirdi. O, İmam Həsənin (ə) yanına gəlir və suallarını vermək istəyəndə, İmam Həsən (ə) buyurur: “Bu sualları soruşmaq üçün gəlmisən:
- Haqla batil arasındakı fasilə nədir?
- Yerlə səma arasında nə qədər fasilə vardır?
- Şərqdən qərbə qədər nə qədər məsafə vardır?
- Göy qurşağı nədir?
- O on şey nədir ki, biri o birisindən daha möhkəmdir?”.
Romalı kişi təəccüblə halda deyir: “Bəli, mənim suallarım bunlardır”. İmam Həsən (ə) bir-bir suallara cavab verməyə başlayır...
İmam Hüseynin (ə) 6 suala cavabı nə oldu?
Bir nəfər İmam Hüseynin (ə) xidmətinə gəlir və deyir: “Ey Peyğəmbər (s) övladı! Sualım vardır”. İmam (ə) buyurur: “Soruş”.
Həmin şəxs deyir: “İmanla yəqin arasında nə qədər fasilə vardır?”. İmam (ə) buyurur: “Dörd barmaq qədər. İman o şeydir ki, eşidəsən, yəqin o şeydir ki, görəsən. Gözlə qulaq arasında dörd barmaq fasilə vardır”.
Soruşur: “Yerlə göy arasında nə qədər fasilə vardır?. İmam (ə) buyurur: “Bir duanın yerinə yetməsi qədər”.
Soruşur: “Şərqlə qərb arasında nə qədər fasilə vardır?”. İmam (ə) buyurur: “Günəşin bir gün seyr etməsi qədər”.
Soruşur: “İnsanın izzəti nədədir?”. İmam (ə) buyurur: “İnsanlardan ehtiyacsız olmaqda”.
Soruşur: “Ən çirkin şey nədir?”. İmam (ə) buyurur: “Qoca kişidə günah, vəzifə və məqam sahibində sərtlik və tündlük, tanınmış insanlarda yalan, zəngində simiclik, alimdə hərislik”. Həmin ərəb deyir: “Düz buyurdunuz. İndi isə İmamların sayından məni agah edin?”. İmam (ə) buyurur: “Onlar Bəni-İsrayilin seçilmişləri kimi 12 nəfərdirlər”.
Az yeməyin bədən və ruha 10 müsbət təsiri nələrdir?
Az yeməyin və ac qalmağın bir çox faydaları vardır ki, onlara işarə edək:
1. Ruh və cismin sağlam qalması. İmam Sadiq (ə) buyurur: “Az yemək - bütün dünya insanları yanında bəyənilən sifətlərdəndir, zahir və batinin faydasınadır”.
2. Pak düşüncə. İmam Əli (ə) buyurur: “Hər kim yeyən zaman ölçüsü olarsa, sağlamlığı artar və düşüncəsi sağlam qalar”.
3. Yeməkdən ləzzət almaq. İmam Hadi (ə) buyurur: “Gecə oyaq qalmaq - yuxunu şirin və aclıq - yeməyi ləzzətli edər”.
4. Allah yanında ən sevimli əməl. H. Peyğəmbər (s) buyurur: “Nəfsinizlə cihad edin, aclıq və susuzluğunuzla. Əcri o kəsin əcri kimidir ki, Allah yolunda cihad edər.
5. Hesabı asan edər. İmam Əli (ə) buyurur: “Hər kim yeməyi az olarsa (yəni az yeyərsə), az hesab verər”.
6. Hikmət əta olunar. Peyğəmbər (s) buyurur: “Hikmət nuru - aclıqdır. Toxluq Allahdan uzaqlaşmaqdır. Ona görə də tox olmayın ki, mərifət nuru qəlblərinizdə sönər”.
7. İbadət. Həzrət Peyğəmbər (s) buyurur: “Az yemək - ibadətdir”.