Əməl dəftəri nədir?
Qurani-Kərimdə bir çox ayə vardır ki, orada Allahın insanların əməllərini yadda saxlanılması yazılmışdır. Bəs əməl dəftərinin mənası nədir? 1-Bəzi təfsirçilərin dediyinə görə, bu dəftər insanın ruhundan başqa bir şey deyildir. Orada bütün əməllər qeyd edilmişdir. Ya da ola bilər ki, bu dəftər bizim bədənimizin dərisi olsun və ya torpaq və ya səma olsun. Çünki onlar həmişə bizimlə olmuş və bizim keçmişimizdən xəbərdardırlar.
2- Əməl dəftəri insanın dünyada gördüyü bütün əməllərin həqiqətidir. Yəni, bu insan dünyada necə yaşamış, necə əxlaq nümayiş etdirmiş və ətrafdakıları ilə necə rəftar etmişdir - hamısı burada qeyd olunur. Beləliklə əməl dəftərini: Hər bir varlığın insan xeyrinə və ziyanına qiyamətdə şahədət verməsi əməl dəftəri kimi məna etmək olar.
Şeytanın üç səhvi hansılardır?
Biz dəfələrlə şeytanın dastanını eşitmişik. Ancaq şeytanın bu əhvalatından necə ibrət götürəcəyimizə diqqət etməmişik. Əgər ibrət götürsəydik, onun getdiyi yolu getməzdik. Öyrənək və onun səhvlərindən uzaq duraq. Şeytan üç səhv edib:
Birinci səhv: İblisi cənnətdən qovan onun təkəbbürü idi. İkinci səhv: Şeytan öz üsyanı ilə Allahın elm və hikmətini kiçik hesab etdi. Üçüncü səhv:. İblis (lən) bu qədər səhvinə görə süqut edir. Allah rəhmətindən qovulur.
Ayətullah Behcətin Muxtar Səqəfi barədə suala cavabı nə olmuşdur?
Ayətullah Behcətin cavabı belə olmuşdur: “Muxtar - namaz əhli ... və Muxtarı tanımaq üçün onun Əhli-beytin (ə) qatillərindən qisas almasına diqqət yetirməyimiz kifayətdir. Sonuncu qatili öldürdüyü zaman “indi rahatlaşdım, “indi ölsəm də qorxum yoxdur” deyib”.
Şeytanın (lən) bizdən istədiyi, amma dilinə gətirmədikləri nələrdir?
İnsanın həyatı boyu ona düşmənçilik edənlərin sayı heç də az olmur. Ancaq şeytanı bu düşmənlər içərisində ən güclüsü hesab etmək olar və O (lən) bizdən istəyib, dilinə gətirmədikləri: 1. İstədiyiniz hər sözü dilinizə gətirmək (ölçüsüz olsa belə). 2. Şeytanın dəstəsinə qoşulmaq. 3. Addım-addım şeytana yaxınlaşmaq. 4. Qumar və şərab əhli olmaq. 5. Əxlaqsız olmaq.6. Hər yeməkdən yemək. 7. Heç kimə kömək etməmək. 8. Gözünüzə nəzarət etməmək. Bunların hamısı Quranın tələblərinə ziddir və insanı bəxbəxtliyə sürükləyən amillərdir.
Quran baxışında bərəkətli yaşayışı əldə etmək üçün nələr etmək lazımdır?
\"Məcməül-Bəhreyn\" lüğət kitabına əsasən bərəkətin mənası çoxalmaq və davamlı olmağa deyilir. Eləcə də Quran və hədislərə əsasən bərəkəti yaradan amillər ibarətdirlər: 1. Allahı zikr etmək və Quran oxumaq, 2-İşləri başlayanda Allahın adını çəkmək, 3-Ata-ananın xeyir duası. 4-Qohumlarla əlaqəni yaratmaq, 5-Təqva və iman sahibi olmaq, 6- Ədalətli olmaq. 7-Vəhdətli yaşamaq və təfirqə yaradan yollardan əl çəkmək. ...
Kişi və Qadınların qarşılıqlı şəri borcları hansılardır?
Kişilərin xanımlarına nisbətdə şəri borcları ibarətdir: 1. Yemək və içməyini təmin etmək, 2. Şəninə uyğun geyimini təmin etmək, 3-Evlərinin ehtiyaclı vəsaitlərini ixtiyarında qoymaq, 4-Yaşayacaq ev ilə təmin etmək və 5-Fitri və ruhi ehtiyaclarını təmin etmək.
Xanımların həyat yoldaşlarına nisbətdə borcları ibarətdir: 1. Evdən yoldaşının icazəsi ilə bayıra çıxması, 2-Fitri və ruhi ehityaclarını doydurması, 3- Nifrət yaradan amilləri aradan qaldırması, 4-Özündə təmizliyə və gözəlliyə diqqət etməsi, 5-Nəzr və andını yoldaşının icazə ilə həyata keçirməsi.
Təzə müsəlman olmuş xanımla evlənməyin hökmü necədir?
Bütün alimlərin baxışında raşidə xanımla icazə verilmişdir. Atası qeyri-müsəlman olan raşidə xanımın atasından icazə də gərək deyldir.
Kişilərin naməhrəm qarşısında qısa qollu paltar geyinməyin hökmü necədir?
Bütün alimlər caizliyini demişlər, bəzi alimlər isə qeydiyyatı ilə birlikdə nəzər bildirib deyirlər: Əgər qısa qollu geyinmək xas fəsada yol aça onda geyinilməsi haram hesab olunur. (əxlaqi cəhətdən də uyğun olmaması nəzərə çarpır). Safi və Behcət aqa ehtiyat vacibə görə qısa qollu paltarı kişilərin geyinməkdən çəkinməsini lazım bilmişlər.
Həqiqi müsəlman olmaq üçün riayət edilməli 5 məsələ hansılardır?
Həqiqi müsəlman olmaq üçün beş mühüm məsələlər ki, onlara riayət etmək lazımdır, ibarətdirlər:
1. Etiqadi məsələlər. “Möminlər yalnız o kəslərdir ki, Allah zikr olunduqda qəlbləri qorxar, ...”. (“Ənfal” 2).
2. Əxlaq məsələləri. “(Həmçinin) böyük günahlardan və çirkin əməllərdən çəkinən ...”. (“Şura” 37).
3. İbadət məsələləri. “Həmişə kitabdan yapışan və namaz qılan kəslərin mükafatını zay etməyəcəyik”. (“Əraf” 170).
4. İqtisadi məsələlər. “Öz mallarını gecə və gündüz, gizlin və aşkar xərcləyənlərin Rəbbi yanında məqamlarına layiq mükafatları vardır”. (“Bəqərə” 274). 5. İctimai məsələlər. “Kim Allahı, Onun peyğəmbərini və iman gətirənləri sahib və başçı(sı) kimi qəbul etsə şübhəsiz, Allah firqəsi qalibdir”. (“Maidə” 56). Bu məsələlərə əməl etmədən həqiqi müsəlman olmağı iddia etmək problematikdir.
İt nəcasətindən də pis olan şey nədir?
Bu sualımızın cavabınıda İmam Əli (ə) əziz övladı İmam Həsənə (ə) belə buyurur: “Bunu yəqin bil ki, sən bütün arzularına çata bilməyəcəksən. Ölənə qədər çox yaşamayacaqsan. O kəsin yolunda gedirsən ki, səndən əvvəl getmişdir. Ona görə də dünyanı ələ keçirtməkdə sakit ol. Hər səy edən də istədiyi ruziyə çata bilməyəcəkdir. Nəfsini hər cür alçaqlıqlardan saxla. Baxmayaraq ki, səni hədəfinə çatdırar. Qul olma, çünki Allah səni azad xəlq etmişdir. Şər vasitəsilə əldə edilən yaxşılıq, yaxşılıq deyildir. O rahatlıq ki, çətinliklərlə əldə edilər, rahatlıq deyildir”. Nəticədə itdən nəsic olan şey insanın nəfis əsasında hərisliyi və istəkləridir ki, İlahi yoldan uzaq ola.