Behiştin 8 qapısının üstündə yazılan nəsihətlər nələr haqqındadır?
Həzrət Peyğəmbərin (s) bu haqda buyurduqlarına nəzər salmaq üçün hədislərin sorağına gedək. Belə ki, Həzrət (s) nəql edir: “Merac gecəsində məni səmaya aparan zaman mən behişti gördüm ki, 8 qapısı var idi. Hər bir qapısının üstündə dörd kəlmə yazılmışdı ki, hər bir kəlməni bilib əməl edən üçün bütün dünya və onda olanlardan daha yaxşıdır.
1-ci qapı: Rahatlığa çatmağın yolu - dörd sifətdir: qənaət, haqq toxumu səpmək, kini tərk etmək, xeyir əhli ilə yoldaş olmaq”.
2-ci qapı: Axirət sevincinə çatmağın yolu - dörd sifətdir: yetimlərin başına əl çəkmək, dul qadınlara sevgi göstərmək, möminin ehtiyacını aradan qaldırmaq üçün çalışmaq, yoxsulları və miskinləri ziyarət etmək”.
3-cü qapı: Hər bir şeyin yolu və çarəsi vardır. Dünyada salamatlığa çatmağın yolu - dörd sifətdir: az danışmaq, az yatmaq, az yol getmək, az yemək”.
4-Ürəyin ağlığı və aydınlığı dörd sifətdədir: xəstəni ziyarət etmək, cənazəni müşayiət etmək, özün üçün kəfən almaq, borcunu qaytarmaq”...
İmam Əli (ə)-nin hədisində hansı insanların istəyi yerinə yetirilməz?
Bir nəfər İmam Əliyə (ə) deyir ki, mənim duam niyə yerinə yetmir? Həzrət (ə) cavabında buyurur: “Peyğəmbərdən (s) gələn hədisdə belə nəql edilir ki, ümmətimin bir neçə dəstəsinin duası yerinə yetməz:
1. O insan ki, ata və anası üçün pislik istəyər.
2. (Borc alan insan,) borc verən insanın bədbəxt olması üçün dua edər ki, onun yanına hansısa malı qoymuşdur. Nə ondan sənəd almış və nə də şahid tutmuşdur.
3. O kişi ki, xanımının ziyanına dua edər, halbuki Allah həyat yoldaşının xilas olmasını onun əlində qərar vermişdir.
4. O kişi ki, evində əyləşər və deyər: “Pərvərdigara! Mənə ruzi ver!”. Özü bayıra getməz və ruzi axtarmaz.
5. O kişi ki, Allah ona çoxlu mal verər və o, hamısını infaq edib deyər: “Pərvərdigara! Mənə ruzi ver!”.
6. O kişi ki, qohumluq əlaqəsini kəsmək üçün dua edər”.
30 min hədisi əzbər bilən alim kim idi?
30 min hədisi əzbər bilən və hər xütbəsi zamanı bir mətləb barədə 100-ə yaxın hədis rəvayət edib izah edən Şeyxul-muhəddisin Hüccətül-İslam Şeyx Mürtəza Ənsari Qumi.
Şeyx Mürtəza Ənsari Qumi 1899-cu ildə Qum şəhərində nəsəbi Şeyxut-Taifəyə və İmam Həsən Əskərinin tanınmış səhabəsi Səd ibni Abdullah Əşəri Qummiyə çatan bir ailədə dünyaya gəlib.
Şeyx Mürtəza Ənsari Qumi şiə hövzəsində, ruhanilər və alimlər arasında təbliğat üçün hicrətə getməyin əsasını qoyan, ramazan və məhərrəm aylarında təbliğat mühacirətlərin təşkil edilməsini formalaşdıran ilk alimdir.
Şeyx Mürtəza Ənsari Qumi islam dünyasının ən böyük xətiblərindən olub. Onun on minlərlə hədisi sənədi və mətni ilə birgə əzbər bilməsi şeyxin xütbələrini daha da cəzzab edirdi. O ömrünün 40 ilini təbliğat üçün mühcirətə sərf edib...
Hansı surəni oxumaq ürək sıxıntısını aradan aparar və ruzini bol edər?
Həzrət Peyğəmbər (s) buyurur: “Hər kim bu surəni oxusa, Allah ona yəqin və afiyət verər. Hər kim onu sinə ağrısı üçün oxuyarsa və bu ağrıya görə onu yazarsa, Allah ona şəfa verər”. Burada söhbət “Şərh” surəsindən gedir. (Tebyan)
Həzrət (s) başqa yerdə buyurur: “Hər kəs “Şərh” surəsini qiraət edər, o kəs kimi olar ki, Həzrət Muhəmmədlə (s) görüşmüşdür. Əgər qəmgin və narahat olsa, Allah narahatlığını aradan qaldırar”.
Təbərsi deyir: “Ürək sıxıntısını aparmaq üçün hər gün iki dəfə həm səhər və həm də əsr vaxtı “Şərh” surəsini 17 dəfə oxumaq lazımdır”. Hər kim dəniz səyahətinə çıxarsa, “Şərh” surəsini oxuyarsa onu qorxu və dərdlərindən amanda saxlayar. O zamana qədər ki, gəmidən düşər. Səfər ayının son çərşənbə günü “Şərh”, “Tin”, “Nəsr” və “Tövhid” surəsini 7 dəfə oxumaq insana sərvət qazandırar.
Fitr bayramı niyə belə adlanır?
“Fitr” sözünün mənası “açılmaq” deməkdir. Hədislərdə də bu sözə rast gəlmək olur. Belə ki, Peyğəmbərimiz (s) haqqında gələn hədisdə oxuyuruq ki, Həzrət (s) ibadət etmək üçün o qədər ayaq üstə dayanardı ki, ayağının əti yaralandığı üçün bir-birindən ayrılardı və açılardı. Oruc tutanlara şamil edilməsinin mənası isə budur ki, oruc tutan insan Fitr bayramında ağzını açar, yəni artıq yeyə və içə bilər.
Quranın da buyurduğu kimi, oruc tutmaq başqa dinlərdə də mövcuddur. Ancaq onların bu orucluq əyyamını Fitr bayramı iə bitirməkləri haqqında məlumat yoxdur. Oruc tutmaq İslam ümmətinə aid olan bir şərəfdir. Başqa dinlərdə oruc tutmaq ancaq peyğəmbərlərə (ə) vacib buyurulmuşdu.
Fitr bayramının özünəməxsus əməlləri vardır ki, bu əməllərə başqa dinlərdə rast gəlmək olmur. O cümlədən Fitr bayramına məxsus namazın olması, bayram gecəsində edilən ibadətlər, bu bayramda fitrənin çıxardılması kimi...
Ramazanın zəkatı fitrə zəkatıdır, bəs bədən üzvlərimizin zəkatı nələrdir?
İmam Sadiq (ə) buyurur: “Hər bir üzvün zəkatı vardır.
-Gözün zəkatı - ibrətlə baxmaq və günaha göz yummaqdır.
-Qulağın zəkatı - eşitmək, elmə, hikmətə, Qurana qulaq asmaqdır.
-Dilin zəkatı - müsəlmanlara nəsihət etmək və qafilləri ayıltmaq və ALLAHı təsbih etməkdir.
-Əlin zəkatı - elm yazmaq və mal bəxşiş etməkdir.
-Elmin zəkatı - onu nəşr etməkdir.
-Qüdrətin zəkatı - insafdır.
-Sağlamlığın zəkatı - ALLAHın əmr etdiklərinə və qadağan etdiklərinə itaət etməkdir.
-Ağlın zəkatı - ağılsızlara dözmək və səbir etməkdir.”
Şeytan nə üçün qəzəbə gəlib?
Usta d Məhəmmədbaqir Təhriri İftitah duasını şərh edərkən buyurub:
Allahın qəzəb sifəti Onun cəlal sifətlərinin cüzi vəsfidir. Qəzəb bəzən daha cüzi, əzab şəklində zühur edir. Əzab bir növ ayrılıq, uzaqlıqdır. Bəziləri özünü ilahi cəlal sifətin yeganə məzhəri bilir. Bu isə Allahın müqəddəs zatından uzaqlıqdan başqa bir şey deyil. Şeytan belədir, buna görə Allah tərəfindən qovulub. Beləcə Allahın qəzəbinə gəlib. Bəzi varlıqların dəfetmə xüsusiyyəti daha qabarıqdır. Dəfetmənin səbəbi bir varlığın cəlal sifətinin məzhəri olmasıdır. Biz Allahı cəlal sifəti ilə mədh edirik. Amma elə məqam gəlir ki, bir varlıq bu sifətlə bağlı qınanır. İkram sifəti cəlal sifəti ilə qarşı-qarşıyadır. İkram Allahın cəmal sifətlərindəndir. İkramın təsiri cazibədir. Allahın cəmal sifətləri varlıq aləmində daha çox müşahidə edilir. Bu iki sifəti yalnız aydınlaşdırmaq üçün ayırırıq, əks-təqdirdə onlar ayrılmazdır. Quran Allaha müxalifətdən danışanda cəlal sifətlərini önə çəkir. Söhbət bəndələrin Allaha doğru cəzbindən gedəndə cəmal sifətləri yada salınır./ Vilayet.info
Zinanın ağır günah olması haqqında ilahi rəhbərlər nə buyurmuşlar?
1-Məsih (ə): «Sənə məxsus olmayan qadına gözünü dikmək olmaz. Çünki gözünü (naməhrəmə baxmaqdan) saxlayanadək, heç vaxt zina etməzsən. Əgər naməhrəm qadının hətta libasına baxmamağı bacarsan, belə et.»
2-Allahın Peyğəmbəri (s.): «İnsanın bədən üzvlərinin hər birinə zinadan bir bəhrə yazılmışdır ki, istər-istəməz ona yetişər. Məsələn, gözün zinası (naməhrəmə) baxmaq, ayağın zinası günaha tərəf getmək və qulağın zinası haram səslər eşitməkdir.»
3-Allahın Peyğəmbəri (s.a.v) :«Əgər ərli qadın öz gözünü ərindən başqa bir kişi, ya naməhrəmlə doldurarsa, Allah-taala ona qəzəblənər və onun bütün əməllərini batil edər. Əgər öz ərinə xəyanət edərsə, ona qəbr əzabı verdikdən sonra Cəhənnəm odunda yandırmaq Allahın haqqıdır.»
4-Allahın Rəsulu (s.a.a.) buyurur: \"Tövratda belə yazılmışdır ki, Allah buyurur: Mən qatillərin qatili, zina edənləri fəqir və pərişan edən Allaham!”
Hansı 3 dəstə İmam Zaman (ə.f) ağaya yardım edəcək?
İmam Zaman ağanın (ə.f) qiyamı zamanı üç dəstə yardım edəcəkdir:
-Birinci dəstə. İmam Zaman ağanın (ə.f) ətrafında toplanıb ilk ona yardım edəcək kəslər – 313 nəfər xüsusi dostlarıdır ki, Həzrətin (ə.f) ordusuna rəhbərlik edəcəklər. İmam Cavad (ə) bu haqda buyurur: “Bədr səhabələrinin sayı qədər 313 nəfər səhabələr, Yer kürəsinin uzaq nöqtələrindən onun ətrafında hazır olacaqlar”.
-İkinci dəstə. On min nəfərlik ordudur ki, İmamın (ə.f) ən yaxın tərəfdaşlarından təşkil ediləcəkdir. Bu ordu toplanan kimi, İmamın (ə.f) qiyamı başlayacaqdır. İmam Cavad (ə) buyurur: “On min kişidən ibarət olan əqd kamil olan kimi, Əziz və Cəlil Allahın izni ilə qiyam edəcəkdir”.
- Üçüncü dəstə. Zülmdən yorulmuş insan toplumudur ki, İmama (ə.f) yardım etmək üçün ona qoşulacaqlar. Həzrət Peyğəmbər (s) buyurur: “Yer üzü nuru ilə aydınlanar və hökuməti dünyanın şərq və qərbinə çatar”.
İmam Zamanın (ə) xüsusi 313 səhabəsi hansı xüsusiyyətə malik olacaqlar?
Bu 313 nəfərin ən mühüm xüsusiyyətləri.
1. Allah Təalaya olan dərin elmi. İmam Sadiq (ə) buyurur: “Onlar o insanlardır ki, ürəkləri dəmir parçası kimidir. Allahın müqəddəs zatına qarşı heç bir şübhələri yoxdur...”.
2. İmama (ə.f) olan dərin elm. İ. Səccad (ə) buyurur: “Onlar İmam Məhdinin (ə.f) İmamətliyinə inanırlar”. Bu dərin elmin nəticəsi – İmama (ə.f) olan sonsuz eşqdir.
3. İxlaslıdırlar. İ. Cavad (ə) buyurur: “O zaman ki, onun üçün bu 313 ixlas əhli cəm olacaq, Allah onun əmrini zahir edəcəkdir”.
4. Şücaətlidirlər. İ. Sadiq (ə) buyurur: “Sanki mən Kufədə Qaimə (ə.f) və səhabələrinə nəzər salıram. Səcdələr alınlarına təsir etmişdir, gündüzün şirləri və gecənin rahibləridirlər”.