Şaban ayının hər günlük əməllərinin əsas 4-ü hansılardır?
Mübarək Şəban ayının müştərək əməlləri dedikdə, ayın müəyyən bir gününə deyil, bütün günlərinə məxsus əməllər nəzərdə tutulur və aşağıda göstərilən əməllərin yerinə yetirilməsi, duaların oxunması tövsiyə olunur:
1. Oruc tutmaq və sədəqə vermək; İ. Sadiq (ə) buyurdu: “Niyə Şəban ayının orucundan qafilsiniz ?!” Soruşdular: “Ey Peyğəmbərin övladı! Şəban ayında bir gün oruc tutan şəxsin savabı nədir?” Buyurdu: “Allaha and olsun, onun savabı cənnətdir.” Soruşdular: “Ey Peyğəmbərin övladı! Bu ayda ən yaxşı əməl nədir?” Buyurdu: “Sədəqə vermək və istiğfar etmək.\"
2. İstiğfar etmək: Belə ki, Şəban ayının hər günü yetmiş dəfəأَسْتَغْفِرُ اللَّهَ وَ أَسْأَلُهُ التَّوْبَةَ (Əstəğfirullahə və əs`əluhut-təvbəh – Allahdan bağışlanmaq diləyir və Ondan tövbə (tövbəyə müvəffəq etməyini) istəyirəm!) zikrini demək müstəhəbdir. Həmçinin tövsiyə olunur ki, hər gün bu zikr də yetmiş dəfə deyilsin: Əsləğfirullahəlləzi la ilahə illa huvər-rəhmanur rəhim, əl həyyul qəyyum, və ətubu iləyh. (Rəhman, rəhim, diri və qəyyum Allahdan məğfirət diləyirəm və tövbə edirəm.)
Şəban ayının fəzilət və əməlləri ilə bağlı nəql olunan hədislərdən belə qənaətə gəlmək olar ki, Şəban ayında ən üstün zikr və dua istiğfar etməkdir (günahların bağlanmasını diləməkdir). Nəql olunur ki, hər kəs bu ayda yetmiş dəfə istiğfar etsə, başqa aylarda etdiyi yetmiş min istiğfar etmiş kimidir...
Yaş salfetlərdə təhlükə varmı?
Yaş salfetlər son illər gündəlik həyatda ən çox istifadə edilən məmulatlardan birinə çevrilib. Lakin gigiyena qaydalarına əməl etməyi asanlaşdıran yaş salfetlərin göründüyü qədər faydalı olmadığı üzə çıxıb.
Belə ki, yaş salfetlərin tərkibindəki spirt və ətrin bir sıra dəri xəstəliklərinə, o cümlədən allergiyaya səbəb ola biləcəyi açıqlanıb. Bu salfetlər dəridə qızartıya, onun quruyub tökülməsinə gətirib çıxara bilər. Həkimlər, xüsusilə də, uşaqlarda nəm salfetlər əvəzinə islanmış pambıqdan istifadə etməyi məsləhət görürlər. Ağız və göz ətrafının təmizliyəndə isə daha diqqətli olmaq lazımdır. Ekzema xəstələri, ümumiyyətlə, onlardan imtina etməlidirlər. Əgər yaş salfetdən istifadəni tərgidə bilmirsinizsə, heç olmasa, tərkibində ətir və spirt olmayan, keyfiyyətli salfet alın. Restoranlarda verilən, üzərində istehsal və son istifadə tarixi yazılmayan yaş salfetdən istifadə etməyin.
Bədəndən qopan dəri hissələri pakdırmı?
Cavab: İslam dininə görə insanın canı və sağlamlığı möhtərəmdir. İnsana əziyyət verməklə bədənindən bir hissə (istər ət olsun, istərsə dəri) qoparmaq günahdır və həmin hissə murdar sayılır, ona toxunan şəxs də özünü pak etməlidir. Amma əgər bədəndən kiçik dəri hissəsi rahatlıqla və ağrısız qopursa, həmin dəri hissəsi murdar sayılmır. Məsələn, bəzən insanın ayağında və ya barmaqlarında dəri quruyub qabıq şəklinə düşür, onu ağrısız qopardıqda pak sayılır. Həmçinin, bəzən insanın dodağının üzərində də xırda dəri parçaları quruyur. Bu dəri parçalarını da ağrısız qoparmaq olar və onlar murdar sayılmır.
Quran və Şəriətdə qan nəcis (murdar) sayılırmı?
Cavab: Qurani-kərimdə buyurulur: “De: “Mənə gələn vəhylər içərisində murdar olduqları üçün ölü heyvan, axar qan, donuz əti və ya Allahdan başqasının adı ilə (bismillah deyilmədən) günah olaraq kəsilmiş heyvanlar istisna olmaqla, hər hansı bir kəsin yediyi yeməklər içərisində haram buyurulan bir şey görmürəm” (Ənam, 145).
İslam məzhəblərində üstünlük təşkil edən rəyə görə axar qan nəcis (murdar) sayılır. Ona görə də qana bulaşmış hər şey yuyulub pak olunmalıdır. Alimlərin kiçik bir hissəsi qanın pak olduğu qənaətindədir. Təxminən iki əsr bundan əvvəl ilk dəfə bu fikri yəmənli əhli-sünnə alimi İmam Şovkani irəli sürmüşdür. Son dövrlərdə bəzi sələfi alimləri də qanın pak olmasına fətva vermişlər.
Cənnətin yolunu tapmaq üçün Həzrət Peyğəmbərin (s) tövsiyə etdiyi əməllər nələrdir?
-Behişt yolunda hərəkət etmək üçün İslam Peyğəmbərinin (s) əmli tapşırıqları:
-Cәnnәtin yоluBir nәfәr Pеyğәmbәrdən (s) sоruşdu: Cәnnәtә nеcә dахil оlа bilәrәm? Buyurdu: Bеş vахtın nаmаzlаrını qıl, Rаmаzаndа оruc tut, cәnаbәt qüslünü unutmа vә Әli (ә) vә övlаdlаrını sеv. Mәni pеyğәmbәrliyә sеçәn Аllаhа аnd оlsun, min rәkәt nаmаz qılsаn, min dәfә hәccә gеtsәn, min dәfә mühаribәdә iştirаk еtsәn, min qul аzаd еdib, dörd sәmаvi kitаbı охusаn, bütün pеyğәmbәrlәrlә görüşüb оnlаrlа ibаdәt еtsәn vә hәr bir pеyğәmbәrlә min mühаribәyә gеdib, min hәcc vә ümrә еtsәn dә, әgәr qәlbindә Әli (ә) vә övlаdınа mәhәbbәtin оlmаsа, cәhәnnәmliklәrlә birlikdә cәhәnnәmә dахil оlаcаqsаn. Bu хәbәri burаdа оlаnlаr оlmаyаnlаrа çаtdırsınlаr. Çünki bu sözü Cәbrаil Аllаh tәrәfindәn gәtirmişdir.
Hədislərdə deyilir: Allahın bütün insanlara vacib etdiyi 3 əməl hansılardır?
Allah-Taalanın (c.c) bütün insanlardan xüsusi ilə imanlı şəxslərdən tələb etdiyi əməllər:
İmam Baqir (ə) buyurur: Allah-taala üç şeyi bütün insanlara vacib edib:
1. İnsaflı olmaq. Yəni hər nəyi özünə bəyənirsən başqasına da bəyənəsən, özünə qarşı istəmədiyin şeyi başqasına rəva bilmiyəsən,
2. Mömin qardaşın yolunda fədakarlıq etmək. Əlindən gələndən artığını etməyə çalışmaq.
3. Həmişə Allahı yada salmaq. Əsasən Allahın vacibatlarını yerinə yetirməkdə və insan günaha yaxınlaşan zaman Allahı yadına salıb günahdan uzaqlaşsın,
İmam sonra bu ayəni oxudu: «Təqvalı insanlar şeytanın vəsvəsələrinə düçar olsalar, Allahı yada salarlar və haqqı görərlər». «Əraf», 201
Peyğəmbərin (s) oğlu dünyasını dəyişəndə, hansı 3 şəri hökm bəlli oldu?
Peyğəmbərin (s) Mariyeyi Qibtiyyədən olan oğlu İbrahim (ə) dünyasını dəyişəndə, 3 şəri hökm bəlli oldu: Ayat namazı, 7 yaşına çatmamış uşağa meyit namazının vacib olmaması, və uşağı atasının basırmasının haram olmaması...
1-İ. Kazım (ə) buyurub: \"Peyğəmbərin (s) oğlu 17 aylığında dünyasını dəyişəndə 3 sünnət müəyyən oldu. İbrahim ruhunu tapşıran zaman günəş tutulması olmuşdu. İnsanlar deyirlər ki, günəş tutulması Peyğəmbərin (s) oğlunun vəfatı ilə bağlıdır. Peyğəmbər (s) bu sözləri eşidib, minbərə çıxdı və buyurdu: \"Ay və günəş tutlması ilə ayət namazı qılın”.
2-AYAT namzazından Sonra İmam Əliyə (ə) buyurur: \"Oğlum İbrahimə qüsl ver və kəfənlə ki, dəfnə hazır olsun”. İbrahimi dəfnindən sonra deyirlər: \"Allahın Peyğəmbəri (s) qəm və qüssəyə görə meyyit namazını qılmağı unutdu”. (yəni 7 yaşından öncə uşaq üçün meyyit namazının vacib olmaması).
3-Sonra buyurdu: \"Ey Əli! Qəbrə daxil ol və oğlum İbrahimi ora qoy”. Həzrət Əli (ə) İbrahimi qəbrə qoyan zaman insanlar dedilər: \"Bir daha heç kəs gərək övladını qəbrə qoymasın, çünki Peyğəmbər (s) belə etmişdir”. Həzrət Peyğəmbər (s) buyurdu: \"Əgər kimsə ölmüş övladını qəbrə qoyar, haram deyildir. Bir şərtlə ki, şeytanın onun imanını almayacağından əmin olmalıdır, taqətsizlik etməməlidir. Dilinə küfredici sözlər gətirməməlidir””.
Hәr kim iki hәdis öyrәnsә nələr əldə etmişdir?
Məsumların hədislərini öyrənib və öyrətməyin dəyəri və faydaları haqqında rəvayətlər:
1-Pеyğәmbәr (s) buyurur: «Yаlnız sizi bеş şеydәn uzаqlаşdırаn vә bеş şеyә dәvәt еdәn аlimlә оturun: Şәkdәn yәqinә, riyаdаn iхlаsа, rәqvәtdәn zöhdә, tәkәbbürdәn tәvаzökаrlığа, хәyаnәt vә hiylәdәn хеyirхаhlığа dәvәt еtsin». «Dе, еy pеyğәmbәr! İlаhi! Mәnim еlmimi аrtır». («Tаhа» 114)
2- Pеyğәmbәri-Əkrәm (s) Әbuzәrә bеlә buyurmuşdur: – Еy Әbuzәr! Bir sааt еlmi müzаkirә ilә mәşğul оlmаq, min gеcәnin sаvаbındаn ki, hәr gеcә min rükәt nаmаz qılıb vә min mühаribә vә Qurаn tilаvәtindәn üstündür. «Аllаh еlm vә imаn әhlinin mәqаmını (hәr iki dünyаdа) ucа еdәr». («Mücаdilә»: 11)
3-Hәzrәt Pеyğәmbәr (s) buyurub: «Hәr kim iki hәdis öyrәnsә, оnlаrdаn kаmаlа yеtişmәk üçün istifаdә еtsә vә yа bаşqаlаrınа öyrәtsә, оnlаr dа о hәdislәrdәn istifаdә еtsәlәr, bеlә bir şәхsin әmәli аltmış ilin ibаdәtindәn üstündür».
Məbəs gününün (bu gün bayramın) namazı və zikri necə olmalıdır?
Məbəs bayramının gününün namaz və zikrləri:
1-“Məbəs gününün namazı” niyyəti ilə 12 rükət namaz qılınır (6 dəfə sübh namazı kimi 2 rükətli namaz). Hər rükətdə Həmd və surə oxunur. 12 rükət bitdikdən sonra 4 dəfə “Fatihə”, 4 dəfə “İxlas”, 4 dəfə “Fələq” və 4 dəfə “Nas” surələri oxunur. Sonra isə 4 dəfə bu zikr oxunur:
2-Transkripsiya: [La ilahə illəllahu vallahu əkbər. Və subhənallahi vəlhəmdu lillah. Və la həvla qüvvətə ila billahil əliyyil azım]
Tərcümə: “Allahdan başqa məbud yoxdur və Allah böyükdür. Və Allah pakdır və həmd olsun Allaha. Uca və Əzəmətli Allahdan başqa qüvvət və qüdrət yoxdur”
3-Daha sonra isə 4 dəfə aşağıdakı zikr deyilir: Transkripsiya: [Allahu Allahu rabbi lə uşriku bihi şəy-ən] Tərcümə: “Allahdır Allahdır Rəbbim ki, ona heç nəyi şərik qoşmuram”
4-Və sonda 4 dəfə bu zikr deyilir: Transkripsiya: [Lə uşriku bi rəbbi əhədən] Tərcümə: “Tək olan Rəbbimə şərik qoşmuram”
İmam Zaman (ə) İslamı qəbul etməyənləri qətlə yetirəcək?
İmam Sadiqdən(ə) nəql olunan rəvayətdə deyilir ki, İmam Mehdi (ə) zühur edəndə yəhudiləri, məsihiləri, dünyanı İslama dəvət edəcək, qəbul etməyənlərin boynunu vuracaq. Bu doğru xəbərdirmi? İslamquest.net (Ayətullah Hadəvi Tehrani) cavab verir: Rəvayətə mötəbərlik verən onun sənədi, mənbəsidir. Bu rəvayət sənəd baxımından mursəl olduğu üçün deyilənlərin İmam Sadiq (ə) tərəfindən olması dəqiq deyil. Bir əqidəni insana zorla qəbul etdirmək olmaz. Bu rəvayətdə zorla qəbul etdirmə yer aldığından onu mötəbər saya bilmirik. İslam sevgi və mərhəmət dini olduğundan İmam Zamanın (ə) İslamı zorla qəbul etdirməsi mümkün deyil. Amma cəmiyyətdə sabitlik və əmin-amanlığı təmin edən qanunlara itaət məcburi ola bilər. / Vilayet.info