İnsanı şəxsiyyətli edən dəyərlərdir bunlar?!
Bu dəyərlərə yiyələnməklə şəxsiyyətli insan ola bilərsiniz: 1. İnsan Allah-taalanın yer üzərindəki xəlifəsidir. İnsani ilahi düşüncələri onu bəşərin yaradılış məqsədini tanımaqdam böyük təsirə malikdir. (Ənam/165).
2. İnsanın elmi tutumu məxluqatın malik ola biləcəyi tutumlardan daha üstündür. Allah: «Mən sizə, göylərin və yerin gözə görünməyən sirlərini və sizin zahirə çıxardığınız, yaxud gizli saxladığınız işləri bilirəm, söyləmədimmi?» - buyurdu.) (Bəqərə/31,33).
3. O, Allahtanıma fitrətinə malikdir; İnsanın batinində Allahı dərk edən bir qüvvə [vicdan] vardır. Bütün inkar və tərəddüdlər, batini [mənəvi] çatışmazlıqlar insanın təbiətindən qaynaqlanır. (Əraf/172).
4. İnsan təbiətində mövcud olan maddi ünsürlərdən başqa, ayrı bir ilahi ünsür də vardır. İnsan, təbiət və metafizikadan, maddə və mənadan, cism və candan ibarət olan bir varlıqdır. ( səcdə/7-9).
5. İnsanın yaradılışı təsadüfi bir iş deyil, əvvəlcədən düşünülmüş və müəyyənləşdirilmiş bir işdir. İnsan seçilib-sayılmış bir məxluqdur. (Taha/122).
6. Allahın yer üzündəki əmanətdarı olan insan azad və müstəqil şəxsiyyətə malikdir. Onun öhdəsinə ağır məsuliyyətlər düşür. İnsan yer üzünü abadlaşdırmalı və özü öz ixtiyarı ilə ya səadət, ya da zillət yolunu seçməlidir. (Dəhr/2-3).
Valideynə xidmət Allaha olunan müstəhəb ibadətdən üstündür!
İki qardaş var imiş. Bunların qayğıya möhtac anaları da var imiş. Hər gecə qardaşlardan biri ananın xidməti ilə məşğul olur, digəri ibadətlə məşğul olardı… Bir axşam, ibadət edən qardaş etdiyi ibadətdən aldığı həzz və mənəvi rahatlığı hiss edib qardaşına deyir:
— Bu gecə də anama sən qulluq elə, mən ibadət edim.
— Qardaşı təklifi qəbul edir. İbadət edərkən yuxuya gedən qardaş yuxuda bir səs eşidir. Səs ona:
— Qardaşını bağışladıq, səni də onun xətrinə bağışladıq. Bu sözləri eşidən gənc:
— Mən Allah Təalaya ibadət edirəm. Qardaşım isə anama xidmət edir. Bəs nə üçün məni onun etdiyi əmələ görə bağışlayırsınız? Mənim ibadətimin savabı, fəziləti daha çox olmalı deyil? dedi.
Səs ona:
— Sənin etdiyin ibadətlərə bizim heç bir ehtiyacımız yoxdu. Ancaq, qardaşının anana etdiyi xidmətlərə ananın ehtiyacı vardı, ona görə qardaşın valideyninə etdiyi qayğı Allah dərgahında sənin ibadətindən daha yüksəkdi.
Allah analarimizi qorusun.Amin
Mömin bir bəndənin şeytana səcdəsi (əhvalat)
Mahmud adında bir şəxs, kimsəsiz bir yerə bağlanmış, gecə-gündüz ALLAHA (c. c) ibadət edir və heç bir günah iş etmirdi. Bu adamı Şeytan yoldan çixarmağa başladı. Şeytan necə olursa-olsun bu adamı ibadətdən və duadan uzaqlaşdırmaq istəyirdi. Çünki bu adamın etmiş olduğu dualarla minlərlə günah sahibinin günahını ALLAH silirdi. Şeytan adamı aldatmaq üçün müxtəlif hiylələrə müraciət etdi. Lakin heç cür aldada bilmədi. Ən sonunda şeytan işin asanını tapmışdı. Çünki Mahmud, çox ibadət edir, müttəqi, zöhd və təqva sahibi bir şəxs idi amma, alim deyildi. Yəni dini elmləri çox bilməzdi. Ondan ötəri onu aldatmaq asan olacaqdı. Şeytan planını belə tətbiq etdi: Kürəyində cübbəsi, əlində dəyənəyi başında sarığı, əlində təsbehi olduğu halda dümağ saqqalıyla şeytan, Mahmudun qapısını doydu. Mahmud qapını açdıqdan sonra, kim olub haradan gəldiyini və nə üçün gəldiyini soruşdu.
Şeytan ona bu cavabı verdi: \"
-Mən dünya nemətlərindən uzaq, ömürünü ALLAHa ibadətlə keçirmək istəyən bir kimsəyəm. Bir ALLAH dostu tapıb özümə yoldaş əldə etmək üçün çox yer gəzdim, Məmləkətinə yaxınlaşdığımda, sizin adınızı eşitdim. Sizin də bütün məqsədiniz ALLAHın razılığını qazanmaq olduğuna görə, məni də qəbul et birlikdə ibadətə davam edək, \"-dedi...
Şəhid Mütəhhəridən namaz haqqında bir xatirə
Bir gün mәrhum Mütәhhәri övliyаlаrdаn birinin mәhzәrindә оlаrkәn mәrifәti аrtırmаq yоllаrındаn söz düşür. Övliyа Mütәhhәridәn sоruşur: «Nаmаz zаmаnı qәlbini kәnаr fikirlәrdәn nеcә qоruyursаn?» Mәrhum Mütәhhәri cаvаb vеrir: \"Nаmаzın әvvәlindәn ахırınаdәk dеdiyim sözlәrin mәnаsınа diqqәt еdirәm.\" Övliyа buyurur: “Bәs Аllаhа nә vахt diqqәt еdirsәn?” Оlduqcа ucа mәtlәbdir!
Bәzi insаnlаr nаmаzdа о qәdәr diqqәtsiz оlurlаr ki, nаmаz qıldıqlаrını yаlnız nаmаzı bitirdikdәn sоnrа хаtırlаyırlаr. Bir mәrtәbә üstün оlаnlаr nаmаzın sözlәrinә diqqәt еdir. Növbәti mәrhәlәdә insаn dеdiyi sözlәrin mәnа dәrinliyinә vаrır. Dаhа sоnrаkı mәrhәlәdә әvvәlcә qәlb, sоnrа isә dil dаnışır. Hәr bir insаn dаhа yuхаrı mәrtәbәyә qаlхmаq üçün sәy göstәrmәlidir. İnsаn özünü еlә tәrbiyә еdә bilәr ki, tәkcә nаmаzın sözlәrinә yох, hәttа әtrаfdаkı bütün şеylәrә diqqәt vеrdikdә Аllаhı хаtırlаyаr. Mәsәlәn, üzünә tохunаn külәyi hiss еdәn insаn аni оlаrаq Аllаhın qüdrәtini yаdа sаlıb, duyduğu sәrinliyә görә Böyük Yаrаdаnа şükr еdә bilәr. Bеlәcә, insаn Аllаhın zikrini аrtırmаq vә dеdiyi hәr bir sözün mәnаsını dәrindәn düşünmәklә tәhlükәli qәflәtdәn хilаs оlа bilәr.
İmam Hüseynə (ə) əzadarlıq etməyin 5 bərəkəti.
Hədislərimiz Məsumlar (ə) üçün əza saxlamayı tövsiyə edir və bu əzadarlıqların faydalarını bəyan edirlər. Onlardan bəzisinə işarə edək:
1. Günahların bağışlanması. Peyğəmbər (s) Əhli-beyt (ə) müsibətinə göz yaşı tökən insana behişti vacib bilmişdir.
2. Çoxlu savab. Hədislərdə oxuyuruq ki, İmam Hüseyn (ə) ziyarəti üçün həcc və ümrənin savabı bəyan olunur.
3. Aqibətin xeyirli olması. İmam Hüseynin (ə) inayət əli öz əzadarlarının üzərində olar. Xeyirli aqibətin üç mənası vardır: birinci budur ki, izzətdən sonra zillətə düşməz. İkincisi budur ki, ömrünün axırına qədər dinində dəyişməz. Üçüncüsü budur ki, ölən zaman Əhli-beyti (ə) görər.
4. İslamın cavidan olması. İmam Hüseyn (ə) öz səhabələrinə Aşura günü belə buyurmuşdu: “Sizin kimisi olmayıb və gəlməyəcək də”. Hər kim əzadar məclislərində iştirak edər, İmamın (ə) səhabələri kimi olar. və dinin qalmasından necə ki Kərbəla qəhrəmanları dinin qalması üçün canlarından keçdilər, bizlər də əzadarlıqlarımızla haqq dini saxlaya bilərik.
5. Dualar yerinə yetər. ... Qızım dedi: “Atacan, Həzrət Zəhra (s.ə) bura gəlmişdi və o, qara geyimdə idi. O, İmam Hüseynə (ə) dedi ki, bizim başımıza əl çəksin və o, da bizim başımıza əl çəkdi. Biz də sağaldıq”.
İmam Əlinin (ə) ardıcılının xoşbəxt olması üçün 4 əməl hansılardır?
Bu insanlar üçün xoşbəxtlik o zaman həyata keçər ki, İlahi razılıq əldə olunar. Məsumlarımız (ə) bizə bu xoşbəxtliyə çatmağın yollarını tövsiyə edirlər.
1. Elmə əməl etmək. İmam Əli (ə) buyurur: “Elmə əməl edin ki, xoşbəxt olasınız”.
2. Tənbəllikdən uzaq olmaq. İmam Əli (ə) buyurur: “Rahatlıq, tənbəllik və xoşbəxtliyə çatmaq bir-birlərindən necə də uzaqdırlar”.
3. Alimlərlə yoldaş olmaq. İmam Əli (ə) buyurur: “Alimlərlə yoldaş olun ki, mübarək və xoşbəxt olasınız”.
4. Nəfsi mühasibə etmək. İmam Əli (ə) buyurur: “O kəs ki, nəfsini mühasibə edər, xoşbəxt olar”.
Cənab Rəhbərin baxışında məhərrəm ayının əhəmiyyəti
Cənab Rəhbər Həzrət Ayətullah Seyid Əli Xamenei məhərrəm ayının əhəmiyyəti haqda buyurur:
Məhərrəm ayı din alimlərinə öz dinləyicilərini Allah, İslam, Peyğəmbər (s), Əli (ə) və Hüseyn (ə) həqiqətlərinin bir hissəsi ilə tanış etmək imkanı verir
Siz qardaş və bacılar özünüz məhərrəm ayının əhəmiyyətini yaxşı bilirsiniz; həm məhərrəmin hadisələri baxımından, həm məhərrəmin tarixdəki - istər qədim tarixdəki, istərsə də inqilab tarixindəki təsiri baxımından, həm də məhərrəmin həmişə din elminin daşıyıcıları üçün yaratdığı imkan baxımından. Məhərrəm ayı din alimlərinə öz dinləyicilərini Allah, İslam, Peyğəmbər (s), Əli (ə) və Hüseyn (ə) həqiqətlərinin bir hissəsi ilə tanış etmək imkanı verir. Mühüm olan bu imkandan necə istifadə olunmasıdır. Çoxlu fürsətlər insanın əlindən əbəs yerə xaric olur. Əgər biz öz işimizdə - istər fürsətlərdə, istər imkanlarda, istər Allahın bizə verdiyi nemətlərdə hesablama aparsaq, şübhəsiz, qədirbilməzlik etdiyimiz çoxlu yerlərlə rastlaşacağıq; bu neməti, bu fürsəti, bu imkanı, bu bilgini, bizdə olan bu nitqi və bu məsuliyyət hissini tələf etdik, onlardan maksimum bəhrələnmədik. Ölkənin ruhani cəmiyyəti və din alimləri üçün ən vacib işlərdən biri budur ki, bu fürsətlərdən ən yaxşı şəkildə istifadə etmək haqda düşünsünlər.
Yaxşı valideyn olmağın 6 yolu hansılardır?
Bütün valideynlərin ən böyük arzusu budur ki, övladı ədəbli və tərbiyəli olsun və cəmiyyətə faydalı ola biləcək bir insan yetişdirsin. Övladınızın tərbiyəli bir insan kimi böyüməsini istəyirsinizsə, gərək siz də özünüzü tərbiyə edəsiniz və bu sifətlərə malik olasınız.
1. Təzyiq göstərmək yerinə, himayə edib yol göstərmək.
2. Uşağınızın müstəqil olmasına icazə verin. (qeyri müstəqim nəzarət etməklə),
3. Unutmayın ki, uşaqlar sizi müşahidə edərlər.
4. Övladınızı təhqir etməyin.
5. Övladınıza sevginizi göstərin.
6. Səhv edən zaman üzr istəməyi bacarın. Hər bir valideyn övladına öyrədər ki, səhv edən zaman üzr istəsin.
Vaxtında qılınmamış namaz (hekayə).
Oğlanın həyatı namazlarını gec qılmaqla keçirmişdi. Həmişə vəfat etmiş nənəsinin \"Oğlum, bu vaxtda da namaz qılınar?” sözü yadında idi. Bu gün də həmişəki kimi, işdən gəlmişdi. Saata baxdı. Məğrib namazının vaxtının çıxmasına 15 dəqiqə qalmışdı. Dəstəmaz alıb namazını qıldı. Çox yorğun idi. Divana uzandı. Yuxuya getdi...
Yuxudan yatdığı yerdə deyil, başqa yerdə oyandı. Oyandığı yerdə xeyli insan toplanmışdı. İnsanlar nəyisə gözləyirdilər. Nə olduğunu başa düşə bilmirdi. Kimsə siyahıdan insan adları oxumağa başladı. Adı çəkilənlər sırasında onun da adı var idi. Adı çəkilən kimi iki nəfər ona yaxınlaşdı və onu sürüyə-sürüyə harasa aparırdılar. Onu aparanlarda zərrə qədər də olsa, mərhəmət hissi yox idi. Onların Cəhənnəm mələkləri olduqlarını anladı. Onu Cəhənnəmə apardıqlarını başa düşdü və ağlaya-ağlaya qışqırmağa başladı:
- \"Bəs mənim namazlarım? Axı mən həmişə namazlarımı qılırdım? Onu aparan mələklər onu alovun yanına gətirdilər və onu alovun içinə atdılar. Yenə də eyni sözləri təkrar edə-edə alova doğru yuvarlanırdı: - \"Bəs mənim namazlarım?\" Getdikcə alova daha da yaxınlaşırdı. Alova düşəcəyi anda ona doğru bir əl uzandı və onu alovdan qurtardı. Onu xilas edənin üzünə baxdı. Bu bir qoca idi. Ondan kim olduğunu soruşdu və qoca belə dedi: - \"Mən sənin namazlarınam. Necə ki, sən məni həmişə gec qılardın, gecikdirərdin, mən də səni xilas etmək üçün gecikdim.\"
İnsan ruhunun ilahiləşməsi üçün lazım olan dini maarif Ərəfə duasında necə əks olunur?
Ustad Ənsariyan: Ərəfə duası insan ruhunun ilahiləşməsinə yardım edir:
Duanın bir hissəsi “Əntəlləzi” ifadəsi ilə başlayır. İnsanın etiqadının islahı istiqamətində addım atılır. İnsan tövhid nöqtəsinə yönəldilir. İnsana deyilir ki, sənin dünya və axirətin, dərdlərinin çarəsi pul, güc, daxili və xarici amillər yox, Aləmlərin Rəbbidir. Əba-Əbdillah (ə) öz əməlləri ilə Allahı insanlara tanıtdırır. Deyir ki, Sən məni geyindirdin, Sən məni sirab etdin, Sən məni doyurdun, Sən məni tənhalıqdan xilas etdin. Deyir ki, Sən məni daxilən özünə və peyğəmbərlərinə doğru yönəltdin.
Burada Əba-Əbdillah (ə) etiqadi bir mövzunu kamil şəkildə dilə gətirir. İnsan bu növ söhbəti dərk etsə, onun ruhu zənginləşər. Dua əhli, bu duanın cümlələrini düşünərək oxuyanlar özünü göz yaşlarından saxlaya bilmir.
İnsan Seyyidüş-Şühədanın (ə) Aləmlərin Rəbbi ilə elə bir söhbətinə şahid olur ki, duanı oxuyanın ruhiyyəsi təlatümə gəlir, Allahın rəhmani cilvəsi insanın vücudunun dərinliklərində təcəlla edir.