İmam Zaman ağanı (ə) inkar edənlərin məsəli, Nuhun (ə) oğlunun məsəli kimidir!

İmam Zaman ağa (ə.f) buyurur: “Allah Təala ilə heç kəs arasında qohumluq yoxdur. Hər kim məni inkar edər – məndən deyildir. Onun yolu – Nuhun (ə) oğlunun yoludur”.

Hədisin şərhi. İmam (ə.f) bu sözləri İshaq ibn Yəquba yazdığı məktubda buyurmuşdur. İmama (ə.f) verilən suallardan biri belə idi ki, hər kim Peyğəmbər (s) nəslindəndir, (İmamın əmisi nəzərdə tutulurdu) İmamı (ə.f) inkar edərsə, yolunu azmışdır, yoxsa yox?

İmam (ə.f) da bu sualın cavabında bəzi nöqtələrə işarə edərək buyurur: “Allahla heç kəs arasında qohumluq yoxdur. Əgər bir insan Allaha itaətsizlik edərsə - hər kim olursa-olsun – taleyi cəhənnəmdir”.

Allaha itaətsizlik etməyin yollarından biri də İmam Zaman ağanı (ə.f) inkar etməkdir. Əgər bu düşüncədə olarsa, getdiyi yol Nuhun (ə) oğlunun getdiyi yol olar. O, hara pənah apardısa, nicat tapa bilmədi.

Həzrət Peyğəmbərdən (s) belə bir məşhur hədis vardır: “Mənim Əhli-Beytimin (ə) məsəli – Nuhun (ə) gəmisinin məsəli kimidir. Hər kim ona minər – nicat tapar və hər kəs ondan boyun qaçırar – qərq olar”./Deyerler.