İmam Səccad (ə) cahil Şamlı kişinin səhv düşüncəsini necə düzəltdi?!
İmam Səccadın (ə) təvazökarlığı səhv düşüncəli Şamlını hidayət etdi! Bir gün İmam Səccad (ə) məclisdə öz yaxın əshabı ilə oturub söhbət edirdi. Bu vaxt içəri bir şəxs daxil olur və məclisə ehtiramsızlıq edər! İmam (ə) bir söz deməyir. Həmin adam getdikdən sonra camaat İmam (ə) bu ayəni oxuyuyr və yanında olanlarlar onunla gəlməsini istəyir: “O müttəqilər ki, bolluq zamanı da, qıtlıq zamanı da xərcləyir, qəzəblərini boğur və insanları bağışlayırlar. Allah yaxşı iş görənləri sevir.” (Ali-İmran-134) Hədisəni nəql edən ravi qeyd edir ki, İmam (ə) bu ayəni oxuyanda başa düşdük ki, İmam (ə) həmin şəxslə xoş rəftar edəcək. Sonra nəql edir ki, biz həmin şəxsin evinə çatdıqda İmam (ə) həmin adamı çağırıb dedi: -Mən Əli ibn Hüseynəm (ə)! Sən mənim yanıma gəldin, pis rəftar edin və layiq olmayan sözlər dedin. Əgər mən dediklərinə layiqəmsə Allah məni bağışlasın. Yox əğər dediklərin məndə yoxdursa Allah səni bağışlasın! Ravi nəql edir ki, həmin adam utandığından qızarıb, başını aşağa saldı. İmamın (ə) əlini öpub dedi: Siz mənim dediklərimə layiq deyilsiniz. Bütün bunlara layiq olan mən özüməm.
Niyə İmam Hüseynin (ə) qəbri altıguşəlidir?
... İmam Sadiq (ə) bu haqda buyurur: “İmam Hüseyni (ə) qərib öldürdülər. Onun üçün ağlayın. Hər kim onu ziyarət edər, qəmgin olar və o kəs ki, onu ziyarət edə bilməz və ürəyi yanar, oğlunu qəbrinin ayaqlarının aşağısında müşahidə edər”. Beləliklə, İmam Hüseyn (ə) zərihinə qoşulan kiçik zərih iki qəbir olduğu üçün, onun əlaməti olaraq, Əli Əkbər ağanın ehtiramına 6-guşəli bir zərih düzəldilmişdir. Əbdülrəzzaq Hüseyni, İmam Hüseynin (ə) zərihini belə təsvir edir: “İmam Hüseyn (ə) zərihi ibarətdir: Sandığa bənzəyən bir taxta yüksəklikdən ki, üzərində iki müşbək qərar tutur. Muşbək – deşikləri olan pəncərədir. Daxili müşbək bahalı poladdan, xarici müşbək isə ağ gümüşdən hazırlanmışdır. Xarici müşbəkə başqa bir muşbək qoşulmuşdur. Xarici müşbək İmam Hüseynə (ə) aiddir. Daxili müşbək isə atası ilə eyni gündə şəhid olan Əli Əkbərə aiddir”.
İmam Səccadın (ə) Kərbəladan sonra iki hədəfi nələr idi?
İmam Səccadın (ə) Aşura hadisəsi zamanı iki hədəfi olmuşdur: birincisi atasının qiyamınından sonra əldə olunanları qorumaq. Çünki bu qiyamın hədəfini təhrif etmək istəyənlərin sayı az deyildi. İkincisi isə Həzrət Muhəmməd (s) dinini yaymaq idi. Ona görə də İmam (ə) dua şəklində İslam maarifini yaymağa və mübarizə qüvvəsini gücləndirməyə çalışmışdır.
İmamın (ə) birinci hədəfi barəsində demək olar ki, İmam (ə) əziz bibisi Həzrət Zeynəb (s.ə) ilə birlikdə həm Kufədə, həm də Şamda insanları qəflətdən ayıltmağa çalışmışdı. Onların dediyi xütbələr bu qiyamın təsirini bir neçə qat artırmışdır. Onlar bu xütbələri ilə İslam ümmətini həqiqi düşmənlərini tanıtmış və insanları sünnətə qayıtmağa dəvət etmişdilər...
İmam Hüseynin (ə) ən üstün 4 xüsusiyyəti hansılardır?!
İmam Hüseynin (ə) bir Məsum İmam (ə) kimi çox sayda üstün sifətləri vardır. Ancaq onların içərisindən dörd sifətə xüsusi işarə edilmişdir.
1. İmamların (ə) atasıdır. İmam Hüseynin (ə) ən üstün sifətlərindən biri budur ki, qalan 9 İmamın (ə) atasıdır. Həzrət Peyğəmbər (s) buyurur: “Allah, Hüseynin (ə) nəslindən vəsilər seçmişdir ki, Qurandan təhrifləri, yolunu azmışların təfsirlərini uzaqlaşdırar. Onların doqquzuncusu onların Qaimidir (ə.f)”.
2. Şəhidlərin sərvəridir. İmamın (ə) ən üstün sifətlərindən biri də budur ki, o, dünya və axirət şəhidlərinin sərvəridir. Qüdsi hədisdə oxuyuruq: “Bilin ki, o əvvəlincidən axırıncıya qədər, dünya və axirət şəhidlərinin sərvəridir”. İmam Sadiq (ə) buyurur: “Elə bir şəhid yoxdur, məgər o halda ki, Hüseynlə (ə) birlikdə olmaq istəsin və onunla birlikdə behiştə daxil olsun”...
İmam Hüseynin (ə) bəşəriyyətə verdiyi hansı 6 dəyərli dərs vardır?
İmam Hüseyn (ə) hər bir Məsum İmam (ə) kimi bizlərə dəyərli dərslər və ibrətlər vermişdir. İmamın (ə) bizə verdiyi altı ibrətli dərsi ilə tanış olaq:
1. Aşura günü haqq ordusu ilə batil ordusu vuruşurdu. Əziz İmam Hüseyn (ə) əvvəldən axıradək haqqı bəyan edir və batili ifşa edirdi. İmamın (ə) bəzi buyuruşlarına diqqət edək: «Heyhat, zillət bizdən çox-çox uzaqdır». Düşmən qoşunundan bəzisi İmam Hüseynin (ə) şəhid olmasını güman edib, xeymələrə hücum etmək istədikdə, İmam (ə) fəryad edib buyurdu: “Əgər dininiz yoxdursa və Qiyamətdən qorxmursunuzsa, heç olmasa azad kişi olun (dünyada qeyrətiniz olsun)”...
Fərqli mübarizə metodlarından istifadə edən məsum imamların arasında məqsəd fərqi varmı?
Bütün İmamların məqsədi insanların təkamülüdür!
Bütün İmamların məqsədi tövhiddir və bu məsələdə şübhəyə yer yoxdur. Amma hər bir İmamın hərəkəti mövcud şəraitə görə fərqlənmişdir. Qayçının iki ağzı bir-birinə zidd hərəkət etsə də əslində eyni bir işi görür. Komanda oyunlarında hər oyunçu öz mövqeyinə uyğun hərəkət etsə də, ümumi məqsəd komandanın qələbəsidir. Bəli, bütün İmamların məqsədi insanların təkamülüdür. Amma bu məqsədə çatmaq üçün bəzən vuruşmaq, bəzən elmlə məşğul olmaq, bəzən hicrət etmək, bəzən də susmaq lazım gəlir.
Həzrət Zəhranın (s.ə) bu dünyada xüsusən sevdiyi 3 əməl hansılardır?
Həzrət Zəhra (s.ə) bütün müsəlmanlar üçün örnək və nümunədir. Onun həyat tərzinə nəzər salaraq, çox sayda ibrət dərsləri götürmək olar. Xanım (s.ə) buyurur: “Sizin dünyanızdan üç şeyin məhəbbəti qəlbimə düşmüşdür: Quran tilavəti, Allah Peyğəmbərinin (s) üzünə baxmaq, Allah yolunda infaq etmək”. Quran tilavəti.
Biz müsəlmanların çox təəssüf ki, ən az diqqət etdiyimiz dəyərli əməllərdən biri Quran tilavətidir. Bu əziz kitabı alırıq və evimizin ən yuxarı yerinə qoyuruq, ancaq çox vaxt onu vərəqləyib oxumuruq. Halbuki, Allah Təala Quranda buyurmuşdur:“Ey (tarix boyu gələn bütün) insanlar, şübhəsiz, Rəbbiniz tərəfindən sizin üçün bir öyüd-nəsihət (başdan-başa öyüd-nəsihət olan bir kitab), sinələrdə olan (xarab əqidələr və rəzil sifətlər) üçün bir şəfa və möminlər üçün bir hidayət və mərhəmət gəlmişdir. De: «Allahın lütf və rəhmətinə, (bəli) həmin lütf və rəhmətə sevinsinlər ki, o, onların yığdıqlarından daha yaxşıdır»”. (“Yunus” 57-58).
Peyğəmbərimiz (s) qonağı necə yola salardı?
Qonağı mənizlin qapısına qədər ötürmək İslam əxlaqındandır. Bu yolla qonağa demək istəyir ki, səni gördüyümə şadam və bir daha gəlmiyini istəyirəm. Həzrət Peyğəmbər (s) buyurur: “Qonağın ev sahibi üzərindəki haqlarından biri budur ki, onunla birlikdə getsin, o zamana qədər ki, mənzilindən xaric olar”.
Peyğəmbər (s) o zaman ki, bir möminlə xudahafizləşər idi, ona buyurardı: “Allah sizə təqva azuqəsi versin, sizi bütün yaxşılıqlara agah etsin, hacətlərinizi yerinə yetirsin, din və dünyanızı sağlam etsin, mənə tərəf salamatlıqla qayıdasınız”. Başqa hədisdə oxuyuruq ki, Peyğəmbər (s) müsafiri yollayan zaman əlindən tutub buyarardı: “Allah yaxşı yoldaşları sənə nəsib etsin, xoşagəlməz hadisələri sənin üçün asan etsin, uzağı sənə yaxın etsin, azuqəni sənin üçün kifayət etsin, din və əmanətini qorusun, əməlini xeyirlə xətmləndirsin, səni bütün yaxşılqlara agah etsin. Allahın bərəkəti ilə hərəkət et”...
Qədir-Xumun daimiliyinin zəmanəti nədədir?
Allah Təala bir hadisəni tarixin yaddaşında qalmasını qərar verirsə, o hadisəni müxtəlif fraqmentlərlə tarixə həkk edir. Qədir-Xum – məhz bu cür hadisələrdəndir. Bu mübarək hadisə insanlıq tarixinə bir neçə cəhəti ilə qeyd edilib. Hadisənin reallaşması insanlıq üçün kifayət qədər mühümdür. Məhz bu səbəbdən bu mübarək gün öz yerini ən çətin zaman kəsiklərində belə, qoruya bilib. Bu hadisəni yaddaşlarda saxlayan fraqmentlərin bəzilərini gözdən keçirək:
1. Vida həcci. 23-illik peyğəmbərlik yolunun sonu. Dünyaya gəlib-gedəcəklərin hamısının arasında ən üstün bir şəxsin son həcci – çox mühüm və hüznlü bir hadisədir. Yer ilə göy arasında vəhy rabitəsinin qırılmasının və 124 min peyğmbər zəncirinin kamala çatmasının tarixdə təkrarı olmayacaq...
4 mindən çox tələbəsi olan İmam Sadiq(ə) kimdən dərs alıb?
Həmçinin tarixi mənbələrdə İmam Əlidən (ə) öncəki xəlifələrin çətin vəziyyətdə olanda, yəhudi alimlər və kahinləri sual üçün xəlifənin yanına gəldikdə İmam Əliyə (ə) üz tutmaları, İmamın da hər kəsi heyran edəcəyi halda cavab verməsi, yaxud İmam Rzanın (ə) vaxtında elmi bəhslərdə hər kəsin heyran olması, İmam Baqir(ə) heç kəsdən təlim almadan 3 oxu bir-birinə vurması bəşərdən üstün bir elmə malik olmalarının göstəricisi deyilmi? Elə isə bu şəxslər (ə) öz elmini kimdən almışlar? Onları (ə) kim öyrətmişdir? Peyğəmbərin (s) əmanət qoyduğu, Qiyamətə qədər Qurandan ayrı düşməyən Əhli-Beyt kimdir? Allahın Quranda Kitabı miras olaraq əmanət etdiyi paklanmışlar kimdir? Həzrət peyğəmbərin (s) işarə etdiyi, Qureyşdən olan və qiyamətə qədər Quranı təhriflərdən qoruyan 12 İmam kimdir? Quranın:” (İbrahim:) “Nəslimdən də (İmam et)!”– dedi. (Allah:) “Zalımlar Mənim (İmamət) əhdimə nail olmazlar!”– dedi.” Ayəsinə əsasən bu ümmətin zərrə qədər zülm etməyən immları kimlərdir? 4 min tələbəsi olan və elmdə misli olmayan İmam Sadiq(ə) bəs kimdən dərs alıb?