Hansı səbəblərə görə dualar qəbul olunmur?!
Rəsuli-Əkrəmdən (s) nəql edirlər: “O qövm ki, əmr-be-məruf və nəhy-əz-munkəri kənara qoyar, Allah rəhmətini onların(üzərindən) götürər. Hər nə qədər Allahı çağırsalar da, bu günaha görə (duaları) yerinə yetməz”.
Həzrət Peyğəmbərdən (s) gələn bu hədisdən belə nəticə çıxartmaq olar ki, hər bir müsəlman birmənalı olaraq əmr-be- məruf və nəhy-əz-munkər vacibatını yerinə yetirməlidir. Əks halda, cəmiyyətin pis insanları yaxşılar üzərində hakim olacaqlar...
Hansı əməllər Allahı-Taalanın (c.c) ərşini titrədər?
Məsumlarımızdan (ə) gələn hədislərdə Allahın ərşini titrədən əməllərdən bəhs olunmuşdur ki, onlara işarə edək:
1. Yetimin ağlaması. Allahın ərşi yetimin göz yaşından titrəyər. İstər iki valideynini əldən vermiş olsun, istərsə də birini. Həzrət Peyğəmbər (s) buyurur: “O zaman ki, yetim ağlayar, Allahın ərşi titrəyər”.
2. Boşanmaq. Əgər ailə dağılarsa və tərəflər təlaq verərsə, Allahın ərşini titrədərlər. Həzrət Peyğəmbər (s) buyurur: “Evlənin, ancaq təlaq verməyin, çünki Allahın ərşini titrədər”...
Əməlimiz harada ləngiyir ki, kamala aparmır?
Sizin nəzərinizə görə, niyə ibadətlərimizin kamala çatmağımıza heç bir təsiir yoxdur? Niyə Allaha bir ömür ibadət etdikdən sonra belə, bu qədər zəifik və günahı tərk edə bilmirik?
Əməllərimiz harada ləngiyir? İnsanın hər bir əməlinin zahiri və batini vardır. Əməlin zahiri – insanın hərəkətlə yerinə yetirdiyi həmin əməldir. Batini isə əməlin əslidir ki, insanın batinini kamala doğru hərəkət etdirər.Necə ki, insan ruhu bədəni olmadan eyniyyət əldə edə bilmir, eləcə də insan əməlinin batini olmadan insanı kamala çatdırmır. Necə ki, insan bədənə malik olmadan insan adlanılmır, eləcə də əməllər də o cürdür. Əgər ibadət batini hərəkət olmadan yerinə yetərsə, mənasız və təsirsiz olar. Ona görə də zahiri hərəkəti batini hərəkət olmadan əməl adlandırmaq olmaz.
Övladın cinsi, ömür müddəti, ruzisi nə vaxt müəyyən olunur?
Muhəmməd ibni İsmayil nəql edir: “İmam Cavada (ə) dedim: “Qurbanın olum! Tanişlarımdan olan biri hamilə olan xanımı üçün dua oxuyur ki, sağlam və eyibsiz oğlan övladı dünyaya gətirsin”. Həzrət (ə) buyurur: “Nütfə bağlandıqdan sonra 4 ay dua etməlidir. Körpə 40 gün nütfə, 40 gün bağlanmış qan, 40 gün ət parçası halında olar. Bu müddət 4 ayda kamil olar. Sonra Allah Təala yaratdığı iki mələyi seçər və o ikisi deyər: “Pərvərdigara! Hansı mövcud yaradaq: oğlan yoxsa qız? Bədbəxt, yoxsa xoşbəxt?”. Lazım olunan əmr verilər və o ikisi deyərlər: “Pərvərdigara! Ruzisi necə olacaqdır? Ölüm zamanı nə vaxtdır? Ömür müddəti nə qədərdir?”.
Böyük alimin İslam maarifini yaymasının təsirliyinə nə səbəb olmuşdur?
Şeyx Süleyman Nədəvi nəql edir: “Bir gün İqbal Lahuriyə dedim: “Çox təəccüblüdür ki, mən və mənim kimilər ömürlərini dini təhsilə sərf etsələr də, heç biri sizin qədər İslam maarifini nəşr edə bilməmiş! siz bu qədər müvəffəq olmusunuz?”.
İqbal Lahuri cavabında mənə dedi: “Bütün bunlar atamın tövsiyəsi sayəsində olmuşdur. Bir gün səhər çağı Quran oxumaqla məşğul idim. Atam otağımın qarşısından keçirdi. Məndən soruşdu ki, nə edirsən? Mən də cavab verdim ki, Quran oxuyuram. Bu zaman atam mənə dedi: “Çox yaxşı. Ancaq istəyirəm ki, Quranı elə oxuyasan ki, sanki elə indicə nazil olmuşdur. Allah səninlə söhbət edir”. İqbal Lahuri Qurana böyük əhəmiyyət verirdi. Ona görə də həyatında mühüm məqamlara çata bilmişdi”.
ÖMRÜ UZADAN 7 QİDA nələrdir?!
Hər insan səhhətində müəyyən xəstəliklərlə üzləşir. Alimlər bildirirlər ki, insanın hər hansı bir xəstəliyə yoluxması onun qidalanmağından asılıdır. Məsələn istifadə etdiyimiz qidaların içində bəziləri insan ömrünü uzadır, müəyyən xəstəliklərdən qoruyur. Amerika Xərçəng Xəstəlikləri Araşdırmaları İnstitutunun araşdırmaları nəticəsində bədəni xərçəng, infarkt və şəkər xəstəliklərindən qoruyan qidaların siyahısını açıqlanıb.
Badam: Hər gün 30 qram badam yeməyi unutmayın. Yağlarla zəngin bir qida olan badam qandakı xolestrol nisbətini aşağı salır. Badam həm də damar tutulmalarının qarşısını alaraq, qan dövranının tənzimləyir, ürəyi qoruyur.
Qəhvə: Gün ərzində iki fincan qəhvə içmək, xüsusilə orta yaşlı insanlarda yaranan parkinson və şəkər xəstəliklərinə qarşı bədəni qoruyur. Qəhvədə olan kafein maddəsi şəkər xəstəliyinə yoluxma riskini 35 faiz azaldır. Bununla yanaşı, ağrıkəsici funksiyasını da yerinə yetirir. Ancaq qəhvəni mütləq südlə için. Beləcə kafeinin sümükləri zəiflətməsini əngəlləmiş olarsınız.
Ramazanı sağlam keçirməyin 9 yolu hansılardır?!
Bu il Ramazan ayının isti yay günlərinə düşməsinə görə mütəxəssislər oruc tutanlara Ramazanı problemsiz keçirmələri üçün məsləhətlər veriblər. Xüsusilə iftarla imsak arasında ən azı 12 stəkan su içib, lifli tərəvəzləri süfrədən əskik etməmək lazımdır. Ramazanda qidalanma proqramında buraxılan səhvlər ürək döyüntüsündən başlamış nəbzin düşməsinə qədər müxtəlif cür problemlərin ortaya çıxmasına yol aça bilər. Ramazan ayını sağlam şəkildə başa vurmaq üçün Dr.Vüqar İsmayılzadə Maide.az oxucuları üçün bəzi məsləhətlər verdi:
1. Üç dəfəyə qidalanın: Mütləq 3 dəfəlik qida norması həyata keçirilməlidir. Bunlar 2 böyük və 1 kiçik paya ayrılmalıdır. Bəziləri Ramazanda imsak yeməyini ümumiyyətlə yemirlər. Obaşdanlığın edilməməsi isə az qidalanmaya görə orqanizmin müqavimətinin azalmasına, metabolizmanın (maddələr mübadiləsinin, həzmin) yavaşlaması üzündən çəkinin artmasına səbəb ola bilər...
Allaha xatir nə deməkdir?
«Allaha xatir» nə deməkdir? Niyyətin dürüstlüyü – fəqət Mütəal Allahın rizayəti, razılığı üçün hər hansı bir işi görməkdən keçir. İstər ruzi dalınca getmək olsun, istər həyat yoldaşına, balalarına qayğı olsun, qohumlara baş çəkmək, vicdanlı həyat sürmək, düzünü demək, prinsipial vətəndaş mövqeyi sərgiləmək – hər bir işdə ki, insanın qayəsi İlahi əhkamı yaşatmaq, yəni Allahın məsləhət bildiyi işlərə dəstək vermək və bəyənmədiyi işlərdən çəkinməkdir – elə bəndəlik budur.
Başqa məfkurələrdə, dünyagörüşlərində «dini» və «dünyəvi» anlayışlarını bir-birindən ayırırlar. Yəni, bunlarda belədir ki, bir var insanın ruhi-mənəvi həyatı, bir də var hansısa digər həyatı. İslam dini belə bölgünü qəbul etmir. İslamın məntiqində insan – tamlıq, harmoniya ifazə edən bir varlıqdır və onun bütün fəaliyyəti vahid ünvana – kamillik hədəfinə yönəli olduqda, əhəmiyyətlidir.
Mübarək Ramazan ayında niyə xurma yeyilir?
Ramazan ayında iftar süfrələrinin əvəz olunmaz neməti yenə də xurma olacaq. Müqəddəs Qurani-Kərimdə də adı keçən xurma, olduqca faydalı bir qidadır. Alimlərin apardığı araşdırmalarda xurmanın ürək xəstəliklərinə və mədə narahatlıqlarına qarşı müsbət təsirlərinin olduğu aşkarlanıb. Bəs nə üçün Ramazan ayında xurma yeyirik?
Vətəni Ərəbistan yarımadası və Şimali Afrika olan xurma barədə Peyğəmbərimiz (s) belə demişdir: \"Möminin obaşdan yeməyinin xurma ilə olması, nə gözəldir\"; \"Oruclu xurma ilə iftar etsin. Çünki xurma bərəkətlidir\". Xurma zülal və karbohidrat tərkibinə malik tək meyvə kimi də tanınır. Bu səbəbdən iftar və obaşdan qidalanması baxımından insanların bütün ehtiyaclarını təmin edir. B1 və B2 vitaminləri olan xurma, qaraciyərin güclənməsini də təmin edir...
Oruc tutmaqdan qaçmaq istəyənlərin bəhanələrinə hansı cavabları vemrək olar?!
Bəhanə: Mən hesab edirəm ki, ən başlıcası – insanın qəlbinin təmiz olmasıdır. Oruc tutmaq isə o qədər də vacib deyil.
Cavab: Mübarək dinimiz də qəlbin təmizliyini əsas amillərdən sayır. Amma məhz elə oruc həmin bu qəlb təmizliyinə nail olmağın zəruri elementlərindəndir.
Bəhanə: Mən Allaha inanıram və məncə bu kifayətdir. Oruc tutmağa isə ehtiyac görmürəm.
Cavab: Çox gözəl. Amma iş burasındadır ki, sənin inandığın o Uca Allah oruc tutmağı sənə vacib bilir. “Ey, iman gətirənlər! Sizdən əvvəlkilərə yazıldığı kimi, sizə oruc yazıldı və qərara alındı ki, bəlkə təqvalı olasınız” (Qurani-Kərim, 2:183-184)...