Övladlığa götürülmüş uşaq məhrəmdir?
Övladlığa götürülmüş uşaq məhrəm deyil. bəzi yollarla naməhrəmlik hökmündən azad ola bilər. İki əsas yolu bunlardır. Süd vermək (şəraitləri nəzərə alınmalıdır. Misal üçün: Süd verməklə məhrəm olmaq olar o uşaqla ki, 2 yaşından aşağı olsun, və sair şəraitləri nəzərə almaqla), evlənmə əqdi və ya məxsus şərait əsasında məhrəm olur.
İnsanlıq meyarı haqqında ustad Mütəhhərinin baxışı necədir?
Bəziləri insanlığın kamalını rifahda və maddi kamala çatmaqda görürlər. Bəziləri maddiyattdan qaçaraq, mənəviyyata və ruhi kamala çatmaqda görürlər. Bəziləri isə mötədillikdə, yəni orta həddi qoruyaraq, həm maddiyyatda, həm də mənəviyyatda görürlər. Ustad Şəhid Mütəhhəri belə yazır: \" ... İnsanın insanlığı onun ruhu ilədir. Şəkk yoxdur ki, Quran insanın ruh və bədəndən ibarət olduğunu söyləyir. Ancaq həqiqətdə ruh - elə bir şeydir ki, bədəndən fərqlənir. O, olmasa insan olmaz”. (Nəticə belə olur ki, maddiyyat əgər axirətin yəni bədən ruhun səadət xidmətində olsa onda olar insanlıq məqamı və mələklərin təzim olunan dərəcə.
İslam hansı növ təəssübkeşliyi sevir və hansını məzəmmət edir?
Təəssüb batini nəfsani əxlaqdan biridir ki, onun təsirindən insan özünü, yaxınlarını, məskənini müdafiə edər (bunu qeyd etmək lazımdır ki, təssübkeşlik əgər haqqı müdafiə olsa olur qeyrət nümunəsi). Amma başqa hallarda bu sifət rəzil sifət olduğu üçün bir çox əxlaqi fəsada şərait yaradar. Təəssübkeşlik Quranda da məzəmmət olunmuşdur. “Yəhudilər dedilər: «Xristianlar haqq dində deyildirlər». Və xristianlar dedilər: «Yəhudilər doğru dində deyildirlər». Halbuki, onların hamısı (səma) kitab(ı) oxuyurlar”. (“Bəqərə” 113).
Sədəqə təkcə pulla olunmur! Bəs hansı əməllərlə sədəq etmək olar?
Sədəqə deyəndə yəni əməllə yaxşılıq (xərcləmək) etmək. Amma bu xərcləmək təkcə maddi xərcləməyə aid deyil. Bəlkə neçə şeyləri xərcləməklə sədəqə etmək mümkündür. Sədəqə hesab olunan əməllər: 1. Maddi imkanlardan vermək, 2. Kimisə qurtarmaq üçün abrından xərcləmək, 3. Əqldən sədəqə vermək, yəni düzgün məsələhət verməklə hidayət etmək, 4. Dillə sədəqə, yerində danışmaqla xoşluq yaradan amillərə səbəb olmaq. 5. Elmi sədəqə etmək.
Allah yanında ən hörmətli insan kimdir?
Təqvalılar! İlahi haram və halallara qarşı diqqətli olub 3 növ günahlara (haqqun-nəfsə, haqqullaha və həqqun-nasa) səbəb olan günahlardan çəkinirlər. Pərvərdigar qarşısında ən qiymətli şəxs pərhizkar olan şəxslərdir. Quran buyurur: “Həqiqətən Allah yalnız təqvalılardan qəbul edir”. “Maidə” 27- Təqvalı şəxsin qəbrə getdiyi zaman Cəbrayil (ə) qalxar və deyər: “İlahi! Bəndəni tək qoyub, getdilər. Nə etmək istəyirsən? Ərz edər: İcazə ver gedim və onu tənhalıqdan qurtarım?”. Allah buyurar: “İcazə vermirəm”. Deyər: “Baş üstə. Mən sənin əmrinə tabeyəm”. Mikayil (ə) qalxar: “İlahi!”. Allah Təala buyurar: “Nə istəyirsən?”. Deyər: “Bəndən”. Allah Təala buyurar: “İcazə vermirəm”. İsrafil (ə) qalxar. Deyər: “İlahi!”. Xitab gələr: “Hər üçünüz baxın”. Allah həmin qəbrə diqqət yetirər və buyurar: “Mənim bəndəm. Hamı getdi və indi Mənim növbəmdir. Mən səninləyəm, qorxma. Dəhşətə gəlmə”.
İzzətli həyatın 6 amili hansılardır?
İmam Əli (ə) buyurur: “O kəsin ki, əziz və şərif nəfsi vardır, onu günahın çirkinliyi ilə xar və zəlil etməz”. İzzətin amilləri: 1. Allaha təvəkkül etmək. 2. Qurani-Kərimlə ünsiyyətdə olmaq, 3. Həzrət Peyğəmbər (s) və Əhli-beytlə (ə) rabitə. 4. Möminlərlə rabitə. 5. Halal ruzi. 6. Layiqli müəllimlər. Bu qeyd olunanların hamısı insanın həqiqi xeyrini istəyərlər və mömindən yaxşılığı qarşısında heç bir şey gözlənitləri olmaz. Nəticədə yaxşılıqlar nümunəsini tapıb və yaxşı yaşamağa layiqli olaq.
Hədislər bulağından iki nümunə dəyərli hədislərdən qeyd edin?
Peyğəmbər (s) kəlamlarından: \"Şeytan üçün Quran oxumaqdan ağır bir şey (əməl) yoxdur\". İmam Əli (ə) kəlamlarından: \"Hamıya etimad etməklə qəzavət edən şəxsin hökmü ədalətli olmaz\".
Mehriban ana olmağın sirrini nədə tapmaq olar?
Araşdırmaya əsasən belə nəticəyə gəlirik ki, mehriban ana olmaq üçün körpəmizi qucağımıza aldığımız gündən onu sevgi ilə bəsləməli və onun sevgiyə olan ehtiyacını kifayət qədər təmin etməliyik. Çünki körpəmizin şəxsiyyəti dünyaya gələn ilk gündən forlamalaşır.
Peyğəmbərimiz (s) İmam Hüseynin (ə) zəvvarlarına nə vəd edib?
Peyğəmbər (s) buyurur: “Allaha and olsun ki, öldürüləcəksiniz. İraq torpağında dəfn olunacaqsınız”. İmam (ə) buyurur: “Ya Rəsulullah! Bizim qəbirləri ziyarət etməyin mükafatı nədir?”. Buyurdu:“Ey Əbəl Həsən! Həqiqətən Allah Təala sənin və övladlarının qəbrini behişt meydanlarında qərar vermişdir və Allah seçilmişlərdən qəlbləri sizə tərəf meylli edər, sizə görə əziyyətə dözərlər. Sonra da qəbirlərinizi abad edərlər. Onların Allaha yaxın olmasına görə, Allahın Rəsuluna (s) və Həzrət Əliyə (ə) dostluğuna görə mənim şəfaətimin xüsusi insanlarıdır və onlar sabahısı gün məni behiştdə ziyarət edəcəklər”.
Ziyarət etməyin qaydaları barədə Əhli-beytdən (ə) tövsiyələr hansılardır?
Ziyarət etməyin qaydaları barədə Əhli-beytdən (ə) tövsiyələrə diqqət edək: 1. Ziyarət qüslü. 2. Təmiz libas geyinmək. 3. Xoş ətir vurmaq. 4. Vüqarla yol getmək. 5. Hərəmə gedən yolda zikr demək. 6. Daxil olmaq üçün icazə, almaq. 7. Xüsusi ziyarəti oxumaq. 8. İki rükət ziyarət namazı. 9. Dua etmək.