Nə üçün şiə məzhəbi ən yaxşı məzhəbdir?
Şiə məzhəbinin üstünlüyü onun haqq olmasına görədir. Haqq din hər bir zamanda yalnız və yalnız bir dindən ibarətdir, sair mövcud dinlər isə ya kökündən batil və əsassızdır, yaxud kökü kəsilib qüvvədən salınmışdır. Hal-hazırda şiə məzhəbi İslamın haqq şəriətidir, həqiqi və düzgün İslam da şiəlik məzhəbi timsalında təcəlli etmişdir, həqiqi Peyğəmbər İslamını bəyan edə biləcək də yalnız şiənin təlimləridir. Dini mətnlər və tarixi şahidlər bəyan olunan bu məsələni dəstəkləyib təkid edir ki, bu kimi xüsusiyyətlər vəhhabilikdə və sair məzhəblərdə yoxdur.
Səfərdən əvvəl riayət olunmalı qaydalar hansilardir?
Səfərdən əvvəl riayət olunmalı qaydalar: 1. Hər bir səfərə çıxan insan öz həmsəfərini seçməlidir. Əziz Peyğəmbərimiz (s) bu haqda buyurur: “Əvvəl həmsəfərini seç və sonra səfərə yollan”. 2. Qohumlar və dostlarla xudafizləşmək və halallıq almaq. 3. Vəsiyyət etmək. 4. Səfərə çıxmaq üçün müstəhəb günlər: şənbə günü, çərşənbə axşamı günü, cümə axşamı günü. Cümə gününün səhəri səfərə çıxmaq məkruhdur. 5. Qüsl almaq. 6. Səfərdən qabaq “Həmd”, “Nas”, “Fələq”, “Qədr” və “Ayətül-kürsü”nü oxumaq. 7. Yoxsullara sədəqə vermək.
Dinin baxiwinda səadətə mane olan 7 amil hansilardir?
Səadətə mane olan amillər ibarətdirlər: 1. Allahı zikr etməmək. 2. İlahi əhkama görə üsyan etmək. 3. Dində bidət etmək. 4. Günah etmək. 5. Zülm etmək. 6. Qəflətdə olmaq. 7. Nəfsani istəklər. “Nəfsi istəyini öz məbudu etmiş və Allahın (onun batini küfrü və niyyətinin xəbisliyi barəsində olan) Öz elminə və onun məlumatına əsasən özbaşına buraxdığı, qulağını və qəlbini (bədbəxtlik möhürü ilə) möhürlədiyi və gözünə pərdə çəkdiyi kəsi gördünmü? Belə olan halda onu Allahdan başqa kim hidayət edə (bilə)r? Məgər ibrət götürmürsünüz?”. (“Casiyə” 23).
Dində xoşbəxtliyin 6 açarı nələrdir?
Qurani-Kərim hər birimiz üçün hidayət vasitəsidir. Quran bizlərə xoşbəxt olmağın və saədətin yollarını göstərir və onun açarını bizə təqdim edir. Xoşbəxt olmağın 6 açarına işarə edək: 1. İbadət və müticəsinə qılınan namaz. 2. Yersiz və pis işlərdən uzaq olmaq. 3. Zəkat vermək. 4. İffətli olmaq. 5. Tövbə etmək. 6. İlahi təqvaya riayət etmək.
İslamda ananın yüksək məqamı necə dəyərləndirilir?
Allah Təala valideynə və xüsusilə də analara hörmət edilməsini zəruri əməllərdən hesab etmişdir. Ana sözü deyildikdə hər bir təkəbbürlü və quldur insanın ürəyini riqqətə gətirər. Ana elə bir varlıqdır ki, ətrafında olanlar ona dəli kimi aşiqdirlər. (Tebyan)
Həzrət Peyğəmbər (s) buyurur: “O zaman ki, qadın hamilə olar, (hamiləlikdən övladına süd verənə qədər) Allah yolunda cihad edən kimi olar. Əgər (bu müddətdə) dünyadan gedərsə şəhidin əcri ona verilər”.
Quranda göz dəyməsinin olduğu təsdiq edilirmi?
Bəli. Qələm surəsinin 51-ci ayəsində deyilir: “Quran eşidən zaman sənə baxarlar və baxışlarıyla az qalırlar səni vurub yıxalar”. Ayədən göründüyü kimi, burada gözün nəzər deyilən mənfi təsirindən söz açılır. O da anlaşılır ki, təkcə maddi olanlar yox, ruhi üstünlüklər də neqativ təsirli həsədə – göz dəyməsinə səbəb ola bilər.
Əraf əhli kimlərdir?
Cənnət və cəhənnəm arasında yerləşən bu məkanda qərar tutanların kim olması barədə müxtəlif fikirlər var. Bir qisim onların mələklər olduğunu, başqaları peyğəmbərlər, şəhidlər və alimlərin qəsd edildiyini söyləyir. Üçüncü qrup fikir tərəfdarları onların nə cənnətə, nə də cəhənnəmə getməyəcək insanlar olduğunu iddia edir. Guya bu kateqoriyaya hər hansı bir peyğəmbərin təbliğini eşitmədən ölənlər, müşriklərin yetkinlik yaşına çatmayan övladları və qanuni nikahdan doğulmayanlar daxildir. Dördüncü və daha çox inandırıcı versiyaya görə, əraf əhli günah və savabı bərabər səviyyədə olanlardır.
Beşlik namazı üç vaxtda qılmaq olarmı?
Əvvəlcə məsələnin aydın olması üçün fəqihlərin bu barədəki nəzərlərini qeyd edirik:
1-Bütün islam məzhəbləri bu məsələdə yekdil nəzərə malikdirlər ki, Ərəfədə hər iki namazı – zöhr və əsr namazını zöhr vaxtında birlikdə, arada fasilə salınmadan qılmaq olar. Həmçinin Müzdəlifədə də məğrib və işa namazlarının vaxtında qılmaq caizdir.
2-Hənəfilər deyirlər: Zöhr və əsr, məğrib və işa namazını bir vaxtda (arada fasilə salmadan) qılmaq yalnız Ərəfədə və Müzdəlifədə caizdir, sair hallarda isə caiz deyildir.
3-Hənbəlilər, malikilər və şafeilər deyirlər: Zöhrlə əsr, məğriblə işa namazlarını xüsusi bir vaxtda bir yerdə qılmaq qeyd olunan iki yerdən başqa, səfər halında da caizdir. Onlardan bəziləri iki namazı birlikdə qılmağı zərurət halına (məsələn, yağış yağanda, namaz qılan şəxs xəstə olanda, yaxud düşməndən qorxu törənəndə) aid edərək caiz bilmişlər. (1)
4-Şiələr inanırlar ki, zöhr və əsrin, eləcə də məğrib və işa namazının həm xüsusi, həm də müştərək vaxtları vardır:
a) Zöhr namazının xüsusi vaxtı şəri zöhrdən (günəşin şaquli vəziyyətdən qərbə tərəf keçdiyi zamandan) dörd rəkətlik namaz qılına biləcək vaxt keçənə qədərdir. Bu məhdud müddətdə yalnız zöhrü qılmaq olar. ...
İlahi rəhmətə gedən yol 3 nələrdir?
İnsan bilməlidir ki, İlahi rəhmətə gedən yol üç addımladır: 1. Günahdan peşman olmaq və tövbə etmək. 2. İlahi əmrlər qarşısında təslim olmaq. 3. Saleh əməl və Quranın ardınca getmək.
İmanın kamil və günahların bağışlanmasına səbəb olan 4 xüsusiyyət hansılardır?
İnsanlar adətən çoxlu ibadət edən, oruc tutan və az gülən insanları daha çox dindar və nicat tapmış hesab edirlər. Halbuki, İlahi peyğəmbərlərin (ə) zamanının çoxu insanların arasında keçərdi və onları hidayət edərdilər. Onlar insanlarla söhbət edib, hidayət etməyi sükutdan üstün hesab edərdilər. Lakin bəşər elə düşünür ki, əgər cəmiyyətdən uzaq olsa, daha çox dindar ola bilər. Lakin indi ki, müsəlmanıq və cahiliyyət dövrünü geridə qoymuşuq, insanlarla düzgün ünsiyyət və rəftar çox mühümdür. (Tebyan) İmam Səccad (ə) buyurur: “Hər kimdə bu dörd sifət olarsa, imanı kamil və günahları bağışlanar. Allahla ondan razı olan halda görüşər”. ibarətdirlər: 1. İlahi təqva. 2. İnsanlara qarşı sadiq və düzgün olmaq. 3. Həyaya riayət etmək. 4. Xoş rəftar və xoş əxlaqlı olmaq.