İmam Huseyin (ə) qiyamı, hansı ictimai şəri hökmləri bizə öyrətdi?
İmam Huseyin (ə) qiyamı ilə səadətə çatmağın yollarını islam ümmətinə öyrətdi. O cümlədən bu qiyamın ictimai fiqhi hökmləri dərs olaraq o həzrətin əməli sünnətindən ələ gəlir. Kərbəla qiyamının ictimai şəri hökmləri ibarətdir:
1-Hər bir İslami addım dini vəzifə olaraq həyata keçirilməlidir, istər insanın ziyanına olsun və ya xeyrinə.
2-Hər islahedici addım gərək İslami quruluşu yaratmaq və ya onu qorumaq üçün nəzərə alınsın,
3-İslam düşməni ilə yola gəlmək İslamın və müsəlman ümmətinin ziddinə olsa şəriətə görə qəbul olunmazdır,
4-İmamın qiyamı tarix boyu bütün bəşəriyyət üçün həyati nümunə olaraq əməli dərs oldu ki, zülmə qarşı mübarizə azad insanların borcudur,
5-Cəmiyyət məsləhətləri şəxsi məsləhətlərlə üst-üstə gələrsə şəri hökm budur ki, ümmətin məsləhətinə şəxsi istəklər və məsləhətlər qurban verilməlidir,
6-Çətinlikdə təqiyyə etmək qaydası İslamın əsaslarını qorunması zamanı işlək deyildir,
7-Allah yolunda cihad edib ilahi qaydaların məhvinin qarşısını almaq insanın qələbəsi mənasındadır zahirdə məğlubiyyət yaransa belə.
İmam Zaman (ə) köməkçiləri hansı xüsusiyyətlərə malik olmalıdırlar?
İmam Zaman (ə) zühur edən zaman rəvayətlərdə 313 xüsusi səhabə və çoxlu sayda köməkçilərinin olması deyilmişdir. Belə bir sual irəli gəlir ki, o ağanın səhabələri hansı xüsusiyyətlərə malik olacaqlar. Rəvayətlərdən belə istifadə olunur ki, o həzrətin səhabələri bu xüsusiyyətlərə malik olaraq belə böyük məqama nail olarlar. Seçilmiş səhabələrin xüsusiyyətləri ibarətdir:
1-Mərifət, Onlar Allah və İmamla dərin tanışlığıa və düşüncəyə malik olarlar. 2-İtaətkar olarlar, İmamın hər əmrini ilahi şəri hökm olaraq qəbul edib istəyin niyəliyindən sual verməz və inkar və əmli zidiyyət göstərməzlər. 3-İbadətkar və güclü və möhkəm iradəli olarlar, 4-Şəhadət və səadət tələb olarlar, Allah yolunda qurban olmağı arzu edərlər, 5-Həmrəylik və birlik yolunda olar və başqalarını birliyə dəvət edənlərdən olarlar, 6-Maarifləndirmək qabiliyyətinə malik olarlar.
Hacətlərin qəbul olunmasında quranın beş möcüzəvi ayələri hansılardır?
Hər kim bu 5 ayəni hər gün 11 dəfə oxuyarsa, hər bir hacəti asan olar və tezliklə öz muradına çatar.
1. Ayətül-kürsü.
2. “Ali-İmran” surəsinin 2-ci ayəsi. “اللّهُ لا إِلَهَ إِلاَّ هُوَ الْحَیُّ الْقَیُّومُ
3. “Nisa” surəsinin 87-ci ayəsi. اللّهُ لا إِلَهَ إِلاَّ هُوَ لَیَجْمَعَنَّكُمْ إِلَى یَوْمِ الْقِیَامَةِ لاَ رَیْبَ فِیهِ وَ مَنْ أَصْدَقُ مِنَ اللّهِ حَدِیثًا
4. “Taha” surəsinin 8-ci ayəsi. اللَّهُ لَا إِلَهَ إِلَّا هُوَ لَهُ الْأَسْمَاء الْحُسْنَى
5. “Təğabun” surəsinin 13-ci ayəsi. اللَّهُ لَا إِلَهَ إِلَّا هُوَ وَ عَلَى اللَّهِ فَلْیَتَوَكَّلِ الْمُوْمِنُونَ
Həzrət Peyğəmbər (s) buyurur: “Elə bir ev yoxdur ki, “Ayətül-kürsü” ayəsi orada oxunsun, məgər o halda ki, şeytanlar 30 gün həmin evi tərk edərlər və ora sehr və sehrbaz gəlməz”. ...
Kərbəlada qadınların olmasının sirri və faydaları nə oldu?
Kərbəla qiyamında qadınların olması Bəni Üməyyə nəslinin çirkin hədəflərini alt-üstə etmək üçün idi. Bu cür ki, fədakar qadınlar xüsusən də Zeynəb (ə) dəfələrlə etdiyi xütbələrdə İmam Huseynin (ə) qiyamının hədəflərini açıqlamaqla İslam ümmətini həqiqətlərdən agah edərək mövcud hakimiyyətə qarşı nifrət oyatdı. Eləcə də qadınların aşura qiyamında olan rolları bunlardan ibarət idi:
1. Qiyamın həqiqətini bəyan etmək: İmamın hədəfinin yaxşılığa dəvət, pislikdən çəkindirmək və Peyğəmbər və Əli (ə) sünnətinə ümmətin qayıtmasının lazımlığı və bidətlərin məhvi olduğunu açıqlamaq üçün qadınlar kərbəlada iştirak edirdilər. 2. Allah yolunda fədakarlığın həddini təyin etmək , mübariz insanların bəzi çətinliklər qarşısında təslim olması tarixdə səbt olunmuşdur, amma kərbəla qiyamı iman və hədəf yolunda heç bir həddə dayanmağın icazəli olmaması deyildiyi bu hərəkətdə açıqlandı. 3. Nalə və göz yaşları, Qadınlar bu yolla zülmün nə qədər faciəvi və böyük yüklü olduğunu hər yerdə açıqlaya bildilər, hətta düşmənlərdə belə hakimiyyətin əməlinin çirkin olduğu söylənildi, 4. Xanımların əsarəti, bu əməlin heç bir yozulacaq yolu olmaması zülmkarların rüsvay olmasına səbəb oldu.
Ələmə inanmaq olar, yoxsa yox?
Dini mühiti qıcıqlandırmaq üçün mütəmadi olaraq gündəmə gətirilən mövzulardan biri də ələm mövzusudur. Ələmdən sui-istifadələri görüb islah etmək istəyənlər də ələmdən yazırlar, Kərbəla qiyamı ilə düşmən olub onun simvollarını məhv etməyə çalışanlar da bu işə girişirlər.
Ən geniş yayılmış metod budur ki, ələmi camaatdan pul qoparmaq vasitəsi kimi tənqid edirlər. Amma maraqlıdır ki, niyə bu pulun hansı məqsədlə yığılmasını şərt qoymurlar? Simvolik mənada bir xəstə uşaq şəklini yaymaqla xeyriyyə aksiyası keçirmək, pul yığıb filan xəstəlikdən əziyyət çəkən uşaqlara sərf etmək yaxşı əməldirsə, ələmdən bu məqsədlə istifadə etmək niyə pis olmalıdır? Pul ələmin qarşısına atılsın, ya nəzir qutusuna, ya da xeyriyyə vəqfinə verilsin - nə fərqi var ki? Tənqid edirsinizsə, yığılan pulların şəffaflıqla xərclənmədiyini tənqid edin. Rüsvay edirsinizsə, pulların kiminsə cibinə getməsini rüsvay edin.
Ələmi tənqid atəşinə tutanların özləri öz sosial səhifələrində yardım aksiyalarını azmı reklam ediblər? Həmişə bu aksiyanın şəffaflığını yoxlayırlarmı? Onun reklamını paylaşmazdan əvvəl bunun həqiqət, yoxsa saxta olması ilə maraqlanırlarmı? Yığılan pulların deyilən məqsəd üçün xərcləndiyi barədə hesabat istəyirlərmi? Elə isə məhz ələmə qarşı bu nifrət haradandır? İstər ələm olsun, istərsə də hər hansı başqa vasitə - fırıldağa, yalana xidmət edirsə, onun istifadəsi günahdır. ...
Qəbirlərin ziyarəti məsələsində Səhabə və tabeinin rəftarlarından bir neçə nümunə qeyd edin?
İslam maarifini dəqiq mütaliə edib və insaflı hökm edilsə qəbirlərin ziyarətinin haram olmaması aşkar və açıqlamaya ehtiyaclı olmayan bir məsələ olduğu başa düşülər. Qəbirlərin ziyarəti haqda səhabə və tabeinlərdən bir neçə nümunə qeyd etməklə sözümüzü isbat edəcəyik: 1. Əbu Cəfər (ə) buyurur: Allahın elçisinin (s) qızı Fatimə həmişə həzrət Həmzənin (Allah ondan razı olsun) qəbrini ziyarət edərdi. Xanım Fatimə onu yenidən təmir edib, nişanə olaraq bir daş qəbir üzərinə qoydu. 2- İbn Əbi Məlikə deyir: Ayişəni, qardaşı Əbdürrəhmanı ziyarət edərkən gördüm (Ayişənin qardaşı Əbdürrəhman, Həbəşi adlı məkanda vəfat etmiş, elə oradaca basdırılmışdır). 3- İmam Baqir (ə) sevimli atası İmam Səccadın (ə) məzarını ziyarət etməyə gedərdi. ... və çoxlu qəbir ziyarətinin nümunələri var tarixdə ki, bu əməlin haram olmamasınıa şahid tutmaq olar.
Həzrət Zeynəbin (ə) həyatına bir baxış!
Həzrət Zeynəb (ə) İmam Əli (ə) və Fatimeyi-Zəhranın (ə) böyük qızı idi. Məsum olmasa da böyük şəxsiyyət olmuşdur ki, tarix onun yaşayışı haqda ibarətamiz dastanlar yazmışdır. O İmam Huseyinnin (ə) Kərbəla qiyamının hədəfinə çatması üçün böyük addımlar atmışdır. Belə ki, Kərbəlada haqsızlıqlar görməklə bütün İslam aləminə onun haqqında danışdı və dövrün şeytansifətli insanları rüsvat edib, pis işlərini aşkar etdi. Eləcə də İmam Huseyindən (ə) sonra İmam olan Səccad (ə)-ı zülmkarların şərrindən qorudu. ...
Aşura gecəsində baş verən 5 mühüm hadisə nələr olmuşdur?
İmam Huseynin (ə) Kərbəla qiyamında çoxlu qeyri-adi hadisələr və çox böyük hədəfli hadisələr baş vermişdir ki, Aşura gecəsində də 5 mühüm hadisə tarixdə yazılmışdır ki, onlara işarə edirik: 1. Aşura gecəsi İmam Hüseynin (ə) tərəfdaşlarından biri olan Muhəmməd ibni Bəşir Həzrəmi oğlunun başqa yerdə çətinliyini eşitdikdən sonra da İmamı tərk etməməsi İmamın onun üçün dua etməsi. 2. İmam (ə) Aşura gecəsi öz tərəfdaşlarına xütbə oxudu və onları şəhadətdən və xeymələrə hücum haqda agahlıq verdi. 3. İmam Hüseyn (ə) əmr verir ki, xeymələrin arxasında xəndək qazsınlar ki, hərəmi qorumaq mümkün olsun. Əmr edir ki, düşmən hücum edən zaman xəndəyin üzərində olan cubuqlara atəş vursunlar ki, düşmənin xeymələrlə əlaqəsi arxadan kəsilmiş olsun. 4. Aşura gecəsi İmam Hüseynin (ə) əmri ilə Əli Əkbər ağa (ə) 30 nəfərlə bir yerdə Fəratdan su gətirir. İmam (ə) öz tərəfdaşlarına buyurur: “Qalxın, qüsl alın və dəstəmaz alın ki, bu, sizin sonuncu azuqənizdir”. 5. İmam (ə) Aşura gecəsində etdiyi xütbədən sonra işıqları söndürməyi əmr edir və sonra buyurur ki, hər kim onunla vuruşmaq istəmirsə və hər kimin borcu varsa, geri qayıtsın.
\"QIRX” KƏLMƏSİ HAQQINDA QIRX İNÇƏLİK NƏLƏRDİR?
Məsumların rəvayətlərinə əsasən Qırx gün kəlməsinin incəliklərdə çoxlu sözlər deyilmişdir. Biz burda qırx gəlməyə qırx incəlik qeyd edirik:
1-Qırx günlük ixlaslı əməl elm və hikmət hədiyyə edər, 2-Qırx günlük ixlaslı əməl insanı zahid edib mərifət bəxş edər, 3-Şərab içənin qırx gün saleh əməli xüsusən namazı qəbul olmaz, 4-Hər kəs qırx möminə dua edə və sonra öz istəklərini dilinə gətirə Allah onun duasını qəbul edər, 5-Meyyit şəxsin haqqında 40 mömin ölümündə şəhadət verə ki, mömin idi Allah onun bağışlayar, 6-Camaatı maarifləndirmək üçün qırx hədis öyrənən şəxs qiyamət günü fəqih və alim olaraq tanıtdırılacaq. Eləcə də peyğəmbər, övliya və şəhidlərlə məşhur olacaqdır. 7-Qırx cümə günü ardıcıl olaraq cümə qüslü alan şəxsin cəsədi qəbirdə çürüməz, 8-Qırx gün Ayətül-kürsünü oxumaq duaları qəbul etdirər, (Bəqərə surəsi ayə 255) 9-Quranın Həşr surəsini 40 gün oxumaq hacətlərin qəbul olunmasına kömək edər, 10-Qırx dəfə həcc ziyarətinə gedən şəxsə qiyamətdə istədiyi şəxsə şəfaətçi ola bilər, ...
Cümə gününün bilinməyən möcüzələri varmı?
Rəvayətlərdən istifadə olunur ki, Cümə günləri hər kəs bir dəstə əməlləri edərsə Allah-Taaladan möcüzəvi hədiyyələr alar:
1-Cümə gecəsi Kəhf surəsi oxuyan şəxsin günahlarını Allah bağışlayar, 2-Cümə günü günah etmədən keçsə digər günahlardan da salamatçılıqla keçər, 3-Cümə günü səksən salavat deyənin 80 illik günahı məhv olar, 4-Cümə günü dırnaq kəsmək şəfaya səbəbdir, 5-Cümə günü işlədilən savablar çox dəyərlidir və neçə qat olar, eləcə də cümə gecəsi olan günahlar neçə bərabər hesab olunar, 6-Cümə günü və ya gecəsi ölən mömin, şəhid və qəbir əzabından xilas olar, 7-Altıncı günü yəhudilərə, bazar günü xristiyanlar və cümə günü müsəlmanlar üçün seçildi ki bu gündə bərəkət, xeyir və yaxşı hadisələr baş verir, 8-Cümə gecəsi Yasin surəsini oxuyanın günahları bağışlanar, 9-Cümə günü 600 min insan cəhənnəmdən çıxardılır, 10-Cümə namazında iştirak etmək və bu günü əzəmətli tutmaq müsəlmana layiq əməldir.