Qadına Cənnəti bəxş edəcək 33 səbəb hansı əməl və xüsusiyyətlərdir?
Qadına Cənnəti bəxş edəcək 33 səbəb: 1.İxlaslılığı, 2.Gözəl əxlaq, 3.Həyat yoldaşına qarşı xoş davranmaq, 4.Yol üzərində olan, insanlara əziyyət verən, onlara mane olan əngəllərin aradan qaldırılması, 5.Nafilə namazlarına əməl etmə, 6.Möminlərə Allaha xatir sevgi bəsləmək, 7.Həya, 8.Hicab, 9.Allah-Təalanı zikr etmək, (xatırlamaq) 10.Qonşulara yaxşılıq etmək, 11.Söz və əməldə düz olmaq, 12.Allaha nemətlərinə görə şükür etmək, 13.Səcdəni uzatmaq, 14.Allah üçün təvazökar olmaq, 15.Qohumlara baş çəkmək, onları ziyarət etmək (Sileyi Rəhm), 16.Valideynlərlə xoş davranmaq, 17.Qurani Kərim oxumaq və ona əməl etmək, 18.Əmr Be Məruf və Nəhy əz münkər, 19.Heyvanlara qarşı mərhəmətli olmaq, 20.Fərz namazlardan sonra Allahı zikr etmək, 21.Allahın Rəsuluna itaət (bağlılıq) göstərmək, 22.Səbrli olmaq, 23.Doğru olmaq, doğru danışmaq, 24.Gündəlik vacib namazlara əməl etmək, 25.Xəstələrə baş çəkmək, 26.Başqalarını özündən üstün tutmaq, 7.Dua etmək, 28.Süd vermək və yedizdirmək, 29.Quranı öyrənmək və öyrətmək, 30.Peyğəmbərə (s.a.v.v) və onun pak ehli-beytinə salavat göndərmək, 31.Yaxşılıq etmək, 32.İnsanları Allah yoluna dəvət etmək, 33.Allah barəsində gözəl fikrlərə malik olmaq.
Gecə namazının fəzilətləri haqda hədislər nə buyurur?
Gecə namazının fəzilətləri hədislərdə:
1-Peyğəmbəri-Əkrəm (s.ə.v.v) buyurur: \" Gecə namazı Allahın razılığını, mələklərin məhəbbətini qazanmaq üçün bir vasitədir. Gecə namazı peyğəmbərlərin sünnəsi, mə \' rifət nuru, imanın köküdür ( çünki iman gecə namazı vasitəsilə güclənir ). O, bədəni aramlaşdırır, şeytanı qəzəbləndirir. O, düşmənlər əleyhinə çəkilən bir silah, duaların və əməllərin qəbul olunması üçün bir vasitədir. İnsanın ruzisinə bərəkət verir, Ölüm mələyi ilə namaz qılan arasında şəfaətçi olur. O, qəbrin çırağı və döşəməsi, Münkərlə Nəkirin cavabıdır, qiyamətə qədər qəbirdə namaz qılanın ziyarətçisi və munisi olacaqdır. Qiyamət bərpa olan zaman namaz onun başına kölgə salacaqdır. Onun başında bir tac, bədənində bir paltar olacaqdır, onun qarşısındakı bir nur onunla cəhənnəm atəşi arasında bir pərdə salacaqdır. Mö \' min üçün Allahın yanında bir höccət, əməl tərəzisinin ağırlaşma vasitəsi, siratdan keçmə hökmü, behiştin açarıdır. Çünki namaz təkbir, həmd, təsbih, təqdis, tə \' zim, qiraət və duadan ibarətdir. Həqiqətən vaxtında qılınan namaz əməllərin ən fəzilətlisidir.\" ...
On dörd məsumun ziyarəti nə həddə düzgün və dəyəri nədir?
On dörd məsumun ziyarəti nə həddə düzgün və dəyərlidir:
1-Həzrət Peyğəmbər (s) buyurub: «Hər kəs məni və ya övladlarımdan birini ziyarət etsə, Qiyamət günündə onu ziyarət edər və o günün qorxularından (onu xilas edərəm) ona nicat verərəm». 2- Əbu Əbdillah Hərrani nəql etmişdir ki, Həzrət İmam Sadiq (ə)-a ərz etdim: Hüseyn (ə)-ın qəbrini ziyarət edənin savabı nədir? Həzrət (ə) buyurdu: «Hər kəs onun yanına gedib, onu ziyarət edərək yanında iki rəkət namaz qılsa, onun üçün bir həcc əməlinin savabı yazılar. Amma orada dörd rəkət namaz qılsa, onun üçün bir həcc və bir ömrə əməlinin savabı yazılar». 3-Həzrət İmam Sadiq (ə) buyurub: «Hər kəs məni ziyarət etsə, günahları bağışlanar və yoxsul halda dünyadan getməz». 4-Həzrət İmam Sadiq (ə) buyurub: «Həzrət Fatimə (ə) hər Şənbə gününün sübh çağı şəhidlərin qəbrinin ziyarətinə gedirdi. Həmçinin Həmzənin (rə) qəbri yanına gedərək onun üçün Allahdan rəhmət və əfv tələb edirdi».
Bu hədislərdən istifadə edirik ki, məsumların və eləcə də şəhidlərin qəbrini ziyarət etmək İslam baxışında düzgün və eləcə də böyük savab əməl hesab olunur.
Pulla alınması mümkün olmayan şeylər nələrdir!?
Pulla alınması mümkün olmayan doqquz şey:
1-Zaman, bulud kimi keçər qayıtması mükün olmaz, 2-Sağlıq, insan xəstələnəndə onun qədrini bilər. 3-Xoşbəxtlik, qara günlərdə onun dəyəri bilinər. 4-Dostluq, yalnız əmanətdarlıqla qazanılan bir rabitədir, 5-Sevgi və məhəbbət, üstün dəyərli olanlar arasında davamı olaraq qurulur. 6-Etibar, insanın çox çalışması və əziyyətlə qazanacağı bir həyat hədiyyəsidir. 7-İnam, yalnız insaflı olmaqla qazanılır. yəni özünə bəyəndiyini başqalarına da bəyənəcəksən, xoşlamadığını başqalarına rəva bilməyəcəksən, 8-Bacarıq, özünə inanaraq daxili güclərini üzərə çıxaracaqsan, həyatda səhvlərindən təcrübə alaraq düzgün addımlar atacaqsan. 9-Sakit yaşayış, insanın qəlbi və həyatı o zaman təskinlik tapar ki sonsuz qüvvəyə güvənmiş olsun. O da yalnız kamil elmə və qüdrətə sahib olan Allaha inanmaqla mükündür!
Kafir olmağın səbəbləri nələrdir?
İmam Sadiq (ə) buyurur: اُصُولُ الْكُفْرِ ثَلاثَةٌ: اَلْحِرْصُ وَالاْسْتِكْبارُ وَالْحَسَدُ
Kafir olmağın bünövrələri üçdir: 1. Dünya həyatına həddən artıq vurğun olmaq. 2. Təkəbbürlü olmaq. 3. Başqalarına həsəd aparmaq.
Sonra Həzrət buyurdu: Dünya həyatına vurğun olmaq, Adəm peyğəmbəri - qadağan olunmuş ağacın meyvəsini yediyi üçün behiştdən çıxardı. Təkəbbür, Şeytana Allahın əmrinə itaət edib Adəmə səcdə etmək icazəsini vermədi. Həsəd isə Adəm peyğəmbərin oğlanlarından birinin (Qabil) o birisini (Habili) öldürməsinə səbəb oldu. \"Məhəmməd Yəqub Kuleyni, Usul əl-Kafi, cild: 2, səh: 289\"
Başqa günahlar üçün açar rolunu oynayan günahlar hansılardır?
Bəzi eyblər və günahlar başqa günahlar üçün açar rolunu oynayar. Bu günahlarla tanış olaq:
1. Həsəd. Həsəd insanları bir çox günahlara, o cümlədən: töhmətə, yalana, sui-zənnə vadar edər.
2. Hərislik və simiclik. Simic insan zəkat verməkdən boyun qaçırdar. İnsanlar adətən simic insanlardan narahat olarlar, bu da sui-zənnə səbəb olar.
3. Yalan. İnsan yalan danışaraq, günahlarının üzərini örtmək istəyər. Bu yolla başqa günahlara düçar olmuş olar.
4. Qəzəb və pisəxlaqlılıq. Qəzəb elə bir eybdir ki, haqq basmağa, söyüşə, qeybətə, kinə və başqa günahlara səbəb olar.
Məbada müxalifləri hörmətdən salasınız!
Ayətullah Seyid Əbülhəsən İsfahani haqqında
Mərhum Ayətullah-üzma Seyid Abdullah Şirazinin oğlu Seyid Məhəmmədbaqir Şirazi deyir: 15 yaşım olardı, atam və bir qrup tələbə ilə Kufə çayı sahilinə getmişdik. O zaman alimlər tətildə istirahət üçün Nəcəfdən çıxıb, Kufə çayı kənarına gələrdilər. Ayətullah Seyid Əbülhəsən İsfahani də orada idi. Alim tələbələrdən xahiş edir ki, ağzı bağlı ağır kisəni çayın kənarına gətirsinlər. Sonra kisənin ağzını açıb, məktublar çıxarır, onları iki bölüb suya atmağa başlayır. Hamı bu məktubların sirri ilə maraqlanır. Ayətullah Seyid Əbülhəsən İsfahani buyurur: “Bu məktubları müxaliflərim yazıb. Məktublarda məni təhqir ediblər. Qorxuram ki, məndən sonra başqalarının əlinə düşər, məktub yazanlara əziyyət olar...”
Rəhbərin qədr gecəsi ilə bağlı 12 tövsiyəsi nələrdir?
İslam dünyasına dua edin...
Mübarək ramazan ayının misilsiz fəzilətə malik qədr gecəsinin çatması münasibəti ilə cənab Ayətullah Xameneinin bəzi tövsiyələri yada salınır. Bu tövsiyələrdən istifadə etməklə qədr gecəsindən daha çox faydalana bilərik. Tövsiyələr ibarətdir: 1. Qədr gecəsinə mənəvi hazırlıqla daxil olun, 2. Qədr gecəsinin saatlarını qənimət sayın, 3. Maddi rəzalətlərdən uzaq olun, 4. Bu gecə ən yaxşı əməl duadır, 5. Duanın mənasına diqqət yetirin. 6. Allahla söhbət edin, 7. Allahdan üzr istəyin, 8. Qəlbinizi Əmirəlmömininin (ə) uca məqamı ilə tanış edin, 9. İmam Zamana (əc) diqqətli olun, 10. Yaranış və tale ayələri barədə düşünün, 11. Məmləkət və müsəlmanlara dua edin, 12. Öz istəkləriniz və möminlərin istəyini Allahdan diləyin
Müaviyənin İslam ümmətinə etdiyi ən böyük xəyanəti nə oldu?
Müaviyə İslam ümmətinə böyük nemət olan Xilafəti səltənətə çevirməklə müsəlmanlara ən böyük xəyanəti etdi!
Qırxıncı hicri ilində Müaviyyə İslam xilafətini ələ keçirdi, fasiləsiz olaraq İraqa gəlib, moizə etdi, camaata xədərdarlıq edib, dedi: \"Mən sizinlə namaz, oruca görə döyüşmürdüm, bəlkə sizə hökumət etmək istəyirdim və öz məqsədimə çatdım\". O yenə deyirdi: \"İmam Həsənlə (ə) bağladığım sülh peymanı mənim ayağım altındadır\"
Müaviyyə bununla işarə edirdi ki, dini öhdəliklərə əməl etməyəcək və bütün qüvvəsini öz hökumətini saxlamağa sərf edəcək. Əlbəttə, mə’lum idi ki, o dini işlər, İslamın irəliləyişi və xalqın rifahı barəsində fikirləşsəydi, heç vaxt xilafəti İmam Həsənin (ə) əlindən almazdı. Çünki Müaviyyə də yaxşı bilirdi ki, xilafəti idarə etməyə ən layiqli şəxs, İmam Həsəndir (ə). Müaviyyə xilafəti şahlığa çevirdi və hətta onun hüzuruna gələnlərin bəziləri ona padşah ünvanı ilə salam verirdilər. Özü də bəzi xüsusi məclislərdə öz hökumətindən şahlıq təbir edirdi. Bu minvalla özündən sonra insanda ola biləcək bütün çirkin xüsusiyyətli övladını müsəlmanların üstünə başçı olaraq təyin etdirdi. ...
Əllamə kimə deyilir?
Əllamə (علّامه) lüğətdə ərəbcə mübaliğə siğəsində çox bilən, çox məlumatlı şəxs mənasındadır. Terminoloji baxımından İslam elmlərinə dərindən bələd alimə əllamə deyilir. Ayətullah adı kimi əllamə adı da bəzi müsəlman alimlərə verilən xüsusi addır. Əllamə sayılan alim ensiklopedik məlumata malik olur, bir neçə ixtisas üzrə mütəxəssis kimi tanınır. Əllamə rəsmi hövzə titulu, dərəcəsi deyil. Bu ad kiçik bir qrup İslam alimlərinə verilmişdir. Bəzən fəlsəfə, bəzən fiqh, bəzən də ədəbiyyat sahəsində söz sahibi olan böyük alimlər əllamə adlandırılır. Hazırda İslam dünyasında, şiə cameəsində əllamə deyərkən Əllamə Təbatəbai nəzərdə tutulur. Ötən dövrdə böyük fəqih Əllamə Hilli bu adla yad edilib. Əllamə adlandırılan alimlər öz biliklərini dəlillərlə əldə etdiklərindən adətən filosoflar əllamə adlandırılıb.
Əllamə adı ilə məşhur alimlər: 1-Əllamə Təbatəbai, 20cildli Əlmizan təfsirinin müəllifi. 2-Əllamə Məclisi - 110 cildli Biharul-ənvar hədis kitabının müəllifi. 3-Əllamə Hilli – fiqhdə təkcə əllamə deyəndə Əllamə Hilli nəzərdə tutulur. 4-Əllamə Əmini – Əlqədir (Əhli Beyt məktəbini isbatçısı) kitabının müəllifi. 5- Əllamə Həsənzadə Amuli ...