Kərbəla sözünün mənası nədir?
Bəzi araşdırmaçılar Kərbəla adının İmam Hüseyn (ə) qiyamından öncəki tarixə aid olduğunu deyirlər.
İslaminSesi - Kərbəla şəhərinin tarixi və bu adın toponomiyası ilə bağlı araşdırmaçı Seyyid Əhməd Ələvinin “Rahnomayi Musəvvəre Səfəre Ziyarətiye İraq” əsərində təqdim etdiyi tədqiqat daha maraqlıdır. O bu əsərində Kərbəla adının toponomiyası ilə və bu adın tarixi ilə bağlı bir neçə fikiri gətiribdir.
O bildirir ki, Kərbəlanın tarixi Babilistanlıların dövrünə qayıdır. Bəzi tədqiqatçılar inanırlar ki, Kərbəla sözünün mənası “qurb ilahi” (Allaha yaxınlıq) sözündən götürülmüşdür ki, bu da qədim Babil sözüdür. Bəziləri isə deyirlər ki, Kərbəla sözü “Kur babil” sözündən alınmışdır ki, mənası “Qədim Babil Kəndlərinin Cəmi” deməkdir ki, Neynəva və Ğaziriyyə kimi kəndlər bu kəndlərdəndir...
Ayətullah Xamenei Məhərrəmlik əzadarlığı haqda hansı 20 tövsiyələri buyurur?
İslaminSesi Məhərrəmlik ayının əzadarlıqlarının başlaması münasibətilə Ayətullah Xameneinin əzadarlıqla bağlı 20 seçmə cümləsini və tövsiyəsini təqdim edir:
1- İmam Hüseynin həyatında bir möhtəşəm məqam var ki qüllə kimi digər sahələri təsir altında qoyur, o da Aşuradır.
2- Həqiqətən də Şiə cəmiyyətinin digər müsəlman cəmiyyətlərinə olan üstünlüyü Aşura xatirəsinə malik olmasıdır.
3- Ən böyük nemətlərdən biri İmam Hüseynin (ə) xatirəsini yad etmək nemətidir. Yəni əzadarlıq məclisləri neməti yəni şiələr üçün Məhərrəm və Aşura neməti
4- Əzadarlıq məclislərinin qədrini bilib, bu məclislərdən yararlansınlar. Onlar bu məclisləri özləri ilə Hüseyn ibni Əlinin, Peyğəmbər Əhli-beytinin, İslamın ruhu və Quranın arasında möhkəm bağlılıq və vasitə qərar versinlər!
5- Məhərrəm ayında Hüseyn maarifini, Əli maarifini ki elə Quran və əsl İslam marifidir, xalqa bəyan edin!...
Əli Əsğərin qəbri haradadır? Seyyid Kəşmirinin yuxusu
Kərbəla zəvvarlarından bir dəstəsi böyük alim Seyid Mürtəza Kəşmirnin (rh) görüşünə gedirlər. Görüşdə onlar alimdən həzrət Əli Əsğərin (ə) qəbrinin harada yerləşdiyini soruşurlar. Alim bu sualı eşidəndə göz yaşlarını saxlaya bilmir, çoxlu ağlayır və deyir ki, bilmirəm. Səhər sübh vaxtı gəlin, sizə qaneedici cavab tapım. Həmin gecə alim yuxuda həzrət Seyyidüş-şühədanı (ə) görür. İmam (ə) ona buyurur: Seyid Mürtəza! Nə üçün zəvvarlara cavab vermədin? Seyid deyir: Ya Əba Əbdillah! Mən onlara nə deyəydim?! O əzizin qəbrinin harada olmasını bilmirəm. İmam Hüseyn (ə) buyurdu: Bil! Və onlara de! Əzizimin cənazəsi mənim sinəmin üstündədir. Qaynaq: “Məqtəli Şeyxur-rəis” (Şahkari afərineş), səh. 263. (“Məqtəli Came”dən nəql etməklə: c. 1, səh. 450)
Yorğunluğu əmələ gətirən 14 səbəb hansılardır?
İnsan vücudunda yorxunluq və zəiflik yaradan 14 səbəblər:
1. Oturaq həyat tərzi. İdmanla məşğul olmaq əzələlərin gücünü və dözümlülüyünü artırır, ürəyin işini stimulyasiya edir, toxumalara oksigenin daşınmasına yardım edir.
2. Az maye qəbulu. Texas Universitetinin dietoloqu Emi Qudson kifayət qədər maye qəbul edilmədikdə orqanizmdə yorğunluq hissinin əmələ gəldiyini söyləyir. Onun dediklərinə görə az miqdarda su içən adamların qanı laxtalanmaya meyilli olur. Laxtalanma qabiliyyəti çox olan adamlar özlərini daima yorğun hiss edirlər.
3. Dəmir çatışmazlığı. Orqanizmdə yetərincə dəmir olmadıqda insanda halsızlıq, zəiflik, yorğunluq hissi olur. Dəmir çatışmazlığı olan xəstələrin orqan və toxumaları yetərincə oksigenlə qidalanmır. Həkimə müraciət etməklə dəmir çatışmazlığını aradan qaldırmaq olur.
4 . Xəyalpərəstlik. Daima mümkün olmayan işlərə girişmək, həmin işdən ötrü vaxtını, zamanını sərf eləmək insanı yorur. Həyata keçməsi mümkün olmayan işlərə itirilən vaxtı siz daha faydalı və asan proyektlərə həsr edib yorulmaya bilərsiniz...
Yatmaq üçün uzandığın halda Quran tilavət etmək olarmı?
Quran tilavət etmək hər bir halda bəyənilmiş əməldir –istər yol gedən halda, istər yatanda, istər oturanda, istər ayaq üstə. Bu barədə rəvayətlərimiz mövcuddur. Hətta, yatmağın ədəblərinə aid rəvayətdən belə görünür ki, yatmaq istəyəndə, təharətli olub, günahlarından tövbə etməlisən, yatan vaxtı gecə namazını qılmaq üçün yerindən qalxmagı niyyət edirsən. Çünki, gecə namazı dünya və axirətdə möminin fəxri və zinətidir. Yatanda, Qulhuvəllahu əhəd, Əlhakumut-təkasur və Ayətəl-kursini oxuyasan. Habelə, “Kəhf” surəsinin axrıncı ayəsini oxuyasan.
Ayətullah əl-üzma Xamenei həzrətləri bu sualın cavabında buyurur: Quranın hörmətini saxlamaq lazımdır və Quran tilavət etməyin ədəb və qaydaları haqqında deyiblər ki, təhatətli olmaq, üzü qibləyə olmaq, ədəb və aramlıqla, onun mənasında təfəkkür etməklə yanaşı olsun. Əlbəttə, yatmaq vaxtı (uzanılı halda) əzbərdən Quran oxmağın iradı yoxdur...
Əncir yemək üçün hansı 8 səbəb vardır?
Əncir vitaminlər, minerallar, aminturşuları, antioksidantlar, qidalı liflər və s. faydalı maddələrlə olduqca zəngindir. Əncirin ən mühüm faydaları bunlardır:
1. Əncir kaliumla zəngindir. Bu mineral ürəyin sağlamlığı və normal fəaliyyəti üçün çox vacibdir. Kalium təzyiqi normada saxlamağa kömək edir.
2. Əncir qidalı liflərlə zəngindir. Bu liflər bağırsaqların fəaliyyətini yaxşılaşdırır, qəbizliyi aradan qaldırır.
3. Əncirin tərkibində \"benzaldegid\" adlı maddə var. Elmi araşdırmalar sübut edib ki, bu maddə xərçəng hüceyrələrinin çoxalmasının qarşısını alır.
4. Əncir dəmirlə zəngindir və bu səbəbdən qanazlığı zamanı və qanazlığının profilaktikası üçün çox faydalıdır.
5. Əncirin tərkibində \"fisin\" adlı maddə aşkar olunub. Bu maddə damarlarda trombların əmələ gəlməsinin qarşısını alır.
6. Əncir zəif, xəstəlik, əməliyyat keçirmiş insanlar üçün çox faydalıdır - orqanizmi möhkəmləndirir və bərpanı sürətləndirir...
Ayətullah Taha Nəcəfi kim idi?
Ayətullah Taha Nəcəfi, Nəcəfi-əşrəfin yaşı keçmiş qoca ariflərindən idi. O ömrü boyu şəxsi işlərindən ötəri bir dəfə də olsun qəzəblənməmişdi. Ömrünün axırlarında dostları onun heç olmasa bir dəfə qəzəblənməsini görmək üçün onu imtahan etmək qərarına gəlirlər. Bu işi etmək üçün onun arvadını vasitə edir və ondan istəyirlər ki, bir dəfə ağanın dəstəmaz aftafasını doldurmasın. Bəlkə, həmişə aftafasını dolu görən arif bu dəfə boş gördükdə əsəbləşə!
Qadın da aftafanı doldurmamaqdan əlavə quyunun ipini də vedrədən açır, aftafanı və vedrəni həyətin bir küncünə atır. Ağa dəstəmaz almaq üçün mütaliə otağından çölə çıxır, amma aftafanı tapmır. Həyat yoldaşından soruşduqda ondan bu cavabı eşidir: \"Mən sizin aftafanızın zamini deyiləm\"...
Kəbin kəsdirmək üçün uğurlu və uğursuz sayılan günlər varmı?
Hər şeydən əvvəl bunu qeyd edək ki, dinimiz bu kimi məsələlərdə çox dərinə getməməyi, baş verən hadisələri əlamətlərə görə dəyərləndirməməyi tövsiyə edir. Kəbinin uğurlu ya uğursuz olması onun hansı gündə, hansı bürc altında kəsilməsindən asılı deyil. Hərçənd ki, bəzi rəvayətlərdə Ay Əqrəb bürcündə olarkən kəbin kəsdirmək məsləhət görülməyib. Amma əvvəla, bu rəvayətlər tövsiyə xarakterlidir.
İkincisi, rəvayətlərdə buyurulur ki, bəzi tədbirlərlə, məsələn, sədəqə verməklə bunun ziyanının qarşısını almaq olar. Məsləhət görürük ki, kəbin kəsdirərkən, ümumiyyətlə, hər hansı şadlıq mərasimi keçirərkən, əvvəla, bunu dini qaydalar daxilində, haramlardan uzaq formada təşkil etməyə diqqət yönəldilsin. Kəbinin uğurlu ya uğursuz olması bundan asılı ola bilər. İkincisi, dini matəm günlərində, yəni İslam müqəddəslərinin şəhadət günlərində şadlıq məclisləri keçirmək bəyənilmir. Ona görə də, şadlıq mərasiminin gününü təyin edərkən dini təqvimə baxmaq və hər hansı matəm günü ilə üst-üstə düşmədiyini yoxlamaq məsləhətdir./islam.az
Ayələrin mənasını bilmədən Quran oxumağın faydası varmı?
Sual: Əgər ayələrin mənasını başa düşmürüksə, Quran tilavət etməyin bir təsiri və faydası varmı?
Cavab: Əgər Quran tilavət etməyin əhəmiyyət və fəzilətini bilsək, Quranın Allah kəlamı olduğunu başa düşsək, Quranla ünsiyyət bağlayıb, onu tilavət etməkdən ləzzət ala bilsək, heç vaxt özümüzlə Quran arasında fasilə salmağa razı olmarıq, bu böyük feyzi əldən vermərik, ən azından gündə 50 ayə tilavət etməkdən özümüzü məhrum etmərik.
Hətta bəzi surə və ayələrin mənası sizə aydın olmasa da “başa düşmədən oxumağın nə təsiri olacaq” deyərək, Quran tilavət etməkdən uzaq düşməyin. Çünki Quran Allahın kəlamıdır, əgər bir kəs onun mənasını da bilmədən oxusa, səmərəsiz deyil. Üstəlik, Quran ilahi bir nurdur və onu qiraət etmək özü təklikdə bir ibadətdir. Hətta, onun mənasını bilməsəniz də. Nuru başa düşmək mümkün olmasa da nur öz işığını göstərir. Zikrin mənasını bilməsəniz də öz təsirini qoyur. Dərmanın tərkibini, necə hazırlanmasını bilməsəniz də dərmandan istifadə etdikdə, mütləq öz təsirini qoyur. Quran nurdur, zikrdir, şəfadır.
Müsəlмanların savadsızlığının səbəbİ nədİr?
Peyğəmbər xalqı ardıcıl şəkildə elm və biliyə dəvət etdiyi halda, savadsızlıqla mübarizə apardığı vəziyyətdə nə üçün müsəlmanlar bu qədər savadsızdırlar?
Cavab: Nə qədər ki müsəlmanlar İslamın ali təlimlərindən uzaq düşməmişdilər, İslam dünyasında elm və bilik ildırım sürəti ilə yayılırdı. Мisilsiz elm mərkəzləri, kitabxanalar deyilənlərin əyani sübutudur. Həmin vaxt kağız istehsalı və çap vasitələri olmadığı halda, təkcə Marağa kitabxanasında dörd yüz min cild, Bağdad kitabxanalarında isə dörd yüz milyon cild kitab vardı. Müsəlman ölkələrindəki kitabxanaları ən dəyərli elmi kitablar bəzəyirdi.
Qərb dünyasının istismar kölgəsi müsəlmanların başının üstünü alanadək müsəlmanlar arasında saysız-hesabsız savadlı insanlar vardı. Məsələn, Fransa istismarından qabaq Əlcəzairin əksər sakinləri savadlı idilər. Son dövrlərdə bə’zi İslam başçılarının bir-birləri ilə çarpışması İslam mədəniyyətini daha da tənəzzülə uğratdı. Hal-hazırda əksər müsəlmanların ibtidai savadı da yoxdur. Aммa üмid edirik ki, son dövrlərdə müsəlman dünyasında müşahidə edilən oyanış uyğun sahədə də əhəmiyyətli dəyişikliklər yaradacaqdır.